Ngenndiyanke Joob

Ñalnde naasaande 27 lewru korse 2019 Laamaandi kaɗndi hakke renndo jeydaaɓe. Ghuzwaani cawtinɗo konnguɗi mum e nder renndo afriknaaɓe, walla ni mbiyen e nder renndo fulɓe wonde leñol fulɓe njeyaaka e nder ngenndi Muritani ! Kaawis Geno wonde fulɓe njeyaaka Muritani "gite am mbaɗi cim-cim gonɗi, walala-walala haa waalti e yeeso am ! Wonde fulɓe njeyaaka muritani kaawis Geno leñol fulɓe peraanii ngenndi Muritani gila Ghazwaani baaba mum jibinaaka wonaa haala Ghuzwaani. Potal e ndimaagu (démocra tie)" ŋakki Muritani , kono fulɓe peranii Muritani gila Ghuzwaani jibinaaka" ko adii duuɓi 187 nde fulɓe njiydi e annabi Muusaa, walla ko ine tolnondira e ɗiin duuɓi tawii afrik mo Muritani senegaal Gine Mali hay sinndo woodiino wonaa safalɓe koɗnoo heen. Ko leƴƴi ɓaleeji potata hoɗde heen. Caggal ɗuum fergooji fulɓe ɓooyi wonaa hannde fulɓ...

Kuɗol Ngenndiyanke Joob Ñalnde njeslaare 19 korse hitaande 2019. Hare nde ine roondi musiiba mawɗo kono nde jeertinta ko janngo! "Ooɗo janngo, ko janngo jannginoowo ɓeen yottaade Geno. waylo waylo aduna o, ine roondi musiiba mawɗo. Heɓɓitto aduna o ko ganndal pinal e ɓamtaare. Hay-ɗo won ko jojji ganndal heewi kono ellee hannde ɗuum seedtinaani ! So tawii gannda yaaji ngal golloraaka ngal huufiraaka ngalu leydi, walla ngal golliraaka e nder renndo firti ko ganndal ngal ko goobu wutte sahaaji ine sokla ruttineede to gooboowo !!!! Yoo Geno addu jam afrik. Ganndal heewi kono nuunɗal gasi. Jawdi heewi kono njurum gasi. Ɓesnguuji keewi kono jurmondiral hakkunde mum'en gasi, ɗo ngarɗaa fof njiyataa ko jiiduɓe neene e baaba ine ɗoŋondiri, ine tikkondiri. Jiiduɓe baaba kam hanti mbaɗtii toŋkondirde, koɗki koɗɗe e koɗorɗe natti. Renndo ngo wontii lekki, lekki ki f...

Ñalnde naasaande 13 lewru korse hitaande 2019. Suɓngo lefol laamu ngenndi Moritani. Ñalnde njeslaare 22 korse 2019. Ñalawma suɓngooji lefol laamu ngenndi Moritani laawɗinaama ñalnde 22 lewru korse hitaande 2019 “lanndaaji ɗi fof o sahaa ko geew, moni kala ine geewo ngam jooɗaade e jappeere nde. Suɓo mo njiɗanɗa ndokkaa belanɗo ma, konngol pulaar wiyi ( Neɗɗo ko banndum) " ine haani neɗɗo nde o yiɗata banndii ko nde tawno ko bannde woni baawɗo waɗande ma, ko ngannduɗaa janano waawa waɗande ma ɗum sahaa mo mgannduɗaa a waawa waɗande ɗum hoyre ma. Ndee hare leñol ko ɓooynde ngam jinngande banndum ine waɗɗi kala aadee so wonaa mo bone jogori yande e mum. Teskoɗaa ndee hare Murtuɗo Mammadu Sammba Joob ngeewiima heen, ngeewdiima heen e jaambareeɓe leñol ngol, ko wayno Alh Saydu booli Kan , Tapsiiru Jiggo en, ekn. ...

Ñalnde Aaɓnde 20 lewru duujal hitaande 2019. Macungaagu. Mammadu Dem gardiiɗo lannda kisal senegaal Maccuɗo asli mum ko ɓureede doole, kono hay gooto finaani jibina ari ko Maccuɗo. Macungaagu ko tooñannge, ɓureede doole, halfeede, waɗnee ko wonaa sago mum e sago hoore mum, majjinaa geɗe keewɗe teeŋti e iwdi e finaa tawa mum. Macungaagu ko nguyka hakkille neɗɗo e kattanɗe miijaade, ɗaaynaamo e nder ngonka ngoɗka ka biyeteeɗo jeyi mo, waɗi mo tawa ko e sago mum, tee wonaa e sago makko. Ko addi macungaagu ko ɗee geɗe, wuujjeede, dahe hakkille mum ruŋtinee to jeyanoo, waɗte jey e kuutorgal aduna tawi ina roondo. 2) kareeli konuuji, gila e adan hawaaɓe ɓe njagge mbaɗtee jeyaaɓe, hawɓe ɓe njeynooɓe kamɓe e jeyiiji maɓɓe, yoga heen njeeyee e nokkuuji ɓurɗi woɗɗude to rutto weeɓaani, wodaani. ...

Moodi faal resnoo : Rugi Moodi Yummum e moodi dalla ɓnjiidi ko baaba gooto Yadu kura e kummba kura njiidi yumma e baaba yadu kura Sanndigi suleymaan joob Yero maamuudu joob Paate joob.

Ndee yimre diidaa konde abdullaay wadda ƴattii jiknaabe makki sal, fawi ɗumen cukuñaagu e njar ƴiiƴam. Mettere mawnde wonanimi Heen haa laawiimi Heen no feewi. Laawogol am e mettere am nde no fotiri no jey sabaabu haa kaalmi ko hulbinii e abdullaay wadda e ko feewti e iwdi mum, haa ɗum jey sabaabu yimbe makko nannooɓe mbiɗo haala ɗum tawii kadi mbiɗo renndi e mumen jokkorɗe goɗɗe ɗe ngonaa dawrugol ngari nokku am yaafnaade. Ɓe mbii kam ko abdullaay wadda haali ko hawranaani hay gooto e maɓɓe yomi yaafo ɓe sabu hay sinno ko makki wiyaa eɓe paami Fulbe fof njaggiri ɗum ko kañum'en fof wadda ƴattii, ndaarti hoynude. Ɓe ñaagiimi yoo mi nattu haalde ko puɗɗiimi haalde e wadda ko. Njaɓmi teddungal koyɗe maɓɓe haa gallam. Ko e oon saanga nder jamma ummiimi ndiidmi ndee yimre. Cukalel ngenaar naajo Eehey ma ɓiɗɗo ngenaarnaajo Don...

Ñalnde naasaande 9 duujal hitaande 2019 Ngenndiyankaagal muusi. Ngenndiyanke Joob Ɗo ndariɗaa fof won wiyooɓe ko a ñoolaaɗo aɗa ƴeewa ɗo ñooltiɗa. Ine ŋakkaa fameede holko saabi ɗeen caɗeele ngoni e nder renndo "FULƁE" mbiɗa ɗaminii won ko naatti e nder ngenndiyankaagal tawa jeyaaka heen", Yaama won wiyooɓe ko ngenndiyankooɓe tawa ɓe ngonaa ngenndiyankooɓe, ɓe naattini fannuuji goɗɗi he nder ngenndiyankaagal “Tawa neɗɗo o, ɗo darii ɗo, omo jogii miijooji yiyloraade ngol to senngo ɓamtaare mum. Walla ni tawa ko liggoraade ngol, maa ɗum won huunde hulɓiniinde ! “Ko goonga daranaade leñol ine saɗti kono ala-e-sago nuunɗal wona heen”, mo nuunɗaani waawa wonde " Ngenndiyanke" sibu ɗuum naamni ko katantaagal e nuunɗal. Ngenndiyankaagal. Ngenndiyanke ko egginoowo gannde dowrowe ɗe le...