Kan Haamiidu Baaba

Ñalnde naasaande 13 lewru korse hitaande 2019.

Suɓngo lefol laamu ngenndi Moritani.
Ñalnde njeslaare 22 korse 2019.

Ñalawma suɓngooji lefol laamu ngenndi Moritani laawɗinaama ñalnde 22 lewru korse hitaande 2019 “lanndaaji ɗi fof o sahaa ko geew, moni kala ine geewo ngam jooɗaade e jappeere nde. Suɓo mo njiɗanɗa ndokkaa belanɗo ma, konngol pulaar wiyi (Neɗɗo ko banndum)" ine haani neɗɗo nde o yiɗata banndii ko nde tawno ko bannde woni baawɗo waɗande ma, ko ngannduɗaa janano waawa waɗande ma ɗum sahaa mo mgannduɗaa a waawa waɗande ɗum hoyre ma. Ndee hare leñol ko ɓooynde ngam jinngande banndum ine waɗɗi kala aadee so wonaa mo bone jogori yande e mum. Teskoɗaa ndee hare Murtuɗo Mammadu Sammba Joob ngeewiima heen, ngeewdiima heen e jaambareeɓe leñol ngol, ko wayno Alh Saydu booli Kan, Tapsiiru Jiggo en, ekn. Ɓe mbaɗii heen fotde maɓɓe haa timmi, ɓe tuɗɗiima leppi leydi leppi leydi teddungal tuɗɗiima ɓe, yoo Geno yurmoɓe yaafo haarnaɓe aljanna kamɓe e denndaangal maayɓe juulɓe teeŋti e tijjaaniyankooɓe "(Aamiin)", ine haani moni kala, ndee jinngere leñol tiɗɗoto e hakkille ma.

Leñol ngol teskoroo Kan Haamiidu Baaba ko o ɓiyi leñol ngol, kadi omo darii darnde tiiɗnde omo haani walleede o jaɓɓoo leydi ndi, to senngo ɓamtaare kisal potal, artirgol ndimaagu leydi, ittude penaale e haɓaade ngootaagu leydi ittude jojjanɗe gonɗe hakkunde leƴƴi, baɗaaɗi ko leƴƴi tumarankooji e ngenndi moritani. Won heen ɗaaynaaɓe kaɗaa hakkeeji mum'en", won heen ko tonngaaɓe kaɗaa ndimaagu mum'en, tawde aadee waawa ɓamtaade tawa won fawaaɓe e dow mum. So ƴiiwoonde feŋii fuɗnaange, nde nanngii hiirnaange rewo iirɗi, worgo furɗi diiraali nanngondirii hakkunde kammu sagataaɓe njaltii geewaade moni kala ine heppa ngam ngennmbude geewiyanke mum. KAN HAAMIIDU BAABA.

Banndiraaɓe
Ñifgol penaale e nder winndere nde yonti ala-e-sago paamen renndo mahata ɗum e mahdi ndi njiɗɗa, ko gannduɗo taarik leydi nder mum e boowal mum. Wonaa gonɗo hakkunde galle mum ine mawnini wahre mum e suumko mum ine yara ataaya ine ƴakka mbiskit ine haala kecce maccuɓe ñoolaaɓe ñolɓe hakkillaaji dahaaɓe dummbaaɓe, ɓe hakkeeji mum'en mbonna diineeji mum'en ɗaayna ine cakki hakkunde uldu e fuldu ine kaala kacce aɗa foɓɓana ɗum. Ɓee jartodinɓe gila e nguurndam Nulaaɗo men Muhammadu s.a.w Ine kaɗi renndo hakkeeji mum'en, holko jinngani oon piynooɗo baaba ma, wari leñol ma hersini sagataaɓe leñol ma. Oon jogorɗo dahireede ɓoggi yoora ɓado, boɗeejo gañƴo ɓaleejo oon ɓaleejo nuskaaɗo e renndo mum, haɗaa hakke mum. "Kan Haamiidu Baaba" Pulaagu wiyma laawol jam, yoo Geno rokku en poolgu ngu aldaa e guli yaa barke Muhammadu kooloraaɗo ñalawma ñaawoore, mo joomiraaɗo ruttataa tefoore mum, yoo  kisal Geno won e makko (Aamiin). Banndiraaɓe am Moritaninaaɓe pinen weeti ɗoyngol nafata !

Pulaar noon wiyi so peeje pewjaama jamma ko niɓɓere ɗe ndooki !

Yontii darnde. So tawii neɗɗo jinnganaani ɓiyi baaba mum mo jinnganta? Paamen aduna o wiyetee ko aduna moɗondire pine e gannde "walla moɗ-moɗtondire" jawliiɗo goɗɗo o fof ko hunuko mum fayri. Yontii nde ndeenirten ndimaagu men juuɗe men. Ndokken lunndiyanke men o junngo mbele ndañen poolgu mbele ngenndi ndi heɓa sago mum e kala fannu, to awo mum to ndema mum to ngaynaaka mum, to faggudu mum, to kisnal mum, to potal ndimaagu hakkunde leƴƴi. Hakkunde ɓurnaaɓe e jaasnaaɓe. Alaa baawɗo ittude ɗeen caɗeele so wonaa Kan Haamiidu Baaba.

Yoo Allah rokku KHB poolgu o addaɓe haa takko noorngal o furlaɓe ɗoon yaa barke Nulaaɗo Muhammadu s.a.w.

Kuɗol
Ngenndiyanke Joob.
R.MG.