Daaka Mantes la jolie
Daaka Mantes la jolie (2025)
Ngal natal keeringal maa haal holi nguu ñalngu !
Ceerno Muhammdu Kabiir Bah RTA
. Nguu batu keelɗungu !
Keeweendi diɗɗe yimɓe !
Ndee hitaande jam-yamaare, nde ƴiiwni ƴiiwoonde ngatamaare heeriinde.
Holi ndee ƴiiwoonde ngatamaare ?
Nguu ñalngu daɗɗi ko ñalnde Naasaande 17 lewru Morso hitaande 2025''. Daaka Mantes la jolie, mo Ceerno Muhammdul Mansuur Ibnu Ahmadu Baro Rta waɗatno kala hitaande, caggal nde o wirni hitaande 20007 o wirnii jiyɗe yimɓe, o fooftoyi, Ceerno Seek Ahmadu Tijjaani Baro Rta lomtiimo e jappeere ndee. Gila ndeen ko kanko yuɓɓinta DAAKA Mantes la jolie. Tawii omo wondi e Ceerno Alh Maalik Seek Ahmadu Baro, e ceerno Siidi Ahmed Muhammadul Mansuur Ibnu Ahmadu Baro Rta. Hono ɗii ñalɗi ɓennunooɓe fof e heewde yimɓe ummortooɓe e nder duunde ndee, Belsiik, Portigaal, Almaañ, Itali, ina ngara diɗɗe-diɗɗe e keewal ina ngara weeɗnanaade ndee moƴƴere Geno heeriinde. So tawii a tawtoraama ndee nokkuure luulnde, telɓinorde Geno, maa anndu ɗum ko dokkal, sinno wonaano dokkal Allah wayataano ɗum. No ceerno men Seek Alh Muhammadu Saydu Alfaa Hammaat Bah RTA jam e kisal keeringal yoo ngon e makko no heewno wiyde nii: so Allah rokki ina heɓo.
Tawtoreede ngal jaalal ngenndiwal, fuɗɗunooɓe CAAFAl ngam siimtirde ɗum Dental Mbuur-e-Gunaas. Ceerno men Muhammdu Kabiir mo Ceerno Alh Ahmadu Tijjaani Muhammadu Saydu Bah RTA yamiri yoo wood ko waɗa ngam wona njaɓɓordi Ceerno o, wonana dental calminirdi ngam weeɗnoraade kaliifa o moƴƴere, hono Ceerno Seek Ahmadu Tijjaani Baro Rta. Nguu batu ko adii Ceerno Seek Ahmadu Tijjaani Baro ina naata juulirde ndee tawii e yamiroore C. Muhammdu Kabiir tawii woodi ko dañaa ngam ceerno o yottoree. Caggal nde takkosaan juula golle ɗe timmitina, gila e duwawuuji ha e ciftingol juulɓe Dewal Allah ngal, 2 sunna Nulaaɗo Allah Muhammadu Sallallaahu Aleyhi Wa Sallama.
Ceerno Siraaji Ndoom to Rabat tawtoraama ɗum, wondude ceerno Sarif Alhasan Bah, e Alh Abuu Mammadu Umaar Njaay. DAAKA Mantes la jolie tonngaaɗo he ndee hitaande, ko joɗnde faayodinnde saɗne, sibu tawtoreede taanum Nulaaɗo Allah Muhammadu Sallallaahu Aleyhi Wa Sallama, Ceerno Sarif Muhammdu Saydu Haydara Rta to Daarul-hijjiratu. Ko Daaka jogiiɗo fiɓnde moƴƴere he ndee hitaande 2025 he lewru Morso.
Nde ceerno Seek Ahmadu Tijjaani Baro Rta naati juulirde ndee, ko teskaa heen keewal yimɓe ɓee ina hulɓinii, tawii fof ko arɓe weeɗnanaade moƴƴere Allah ndee. Eɗen torii Geno, nde o juutnata nguurndam Ceerno o ɓeyda cellal e semmbe. Eɗen ceedaniiɓe nguurndam maɓɓe ko nafoore tagoore ndee. Sibu ko leyɗeele taariiɗe ngenndi farayse ndii fof ngarata ngam ɗaɓɓude duwaawu''. Ko ɓuri welde e yurminaade fof a yiyat mo a meeɗaani yiyde, walla mo nanatnoɗa tawii a meeɗa yiyde ɗum. Njiytondira e mo mbayrunoɗa yiyndirde, ɗum ɗoo fof jeyaa ko e Diine, tawii alaa ko saabi ɗum so wonaa ngal diɗɗal Allah-yankeewal. Yo Allah yoɓtu moƴƴere heeriinde Ceerno Ahmadu Baro Rta, e Ceerno Seydi Alh Aali Caam Rta, ha yottii Ceerno Siraaji Diine, Seek Alh Muhammadu Saydu Bah RTA Madiina Gunaas. Weluya Geno keeriiɗo yoo won he maɓɓe, e ceerno men Muhammadul Mansuur Ibnu Ahmadu Baro Rta.
Jaaroore !
En njetti miñi men ƴettuɗo werlaa mum nawi en ha toon Suleymaani Maamuudu Moodi Dalla Joob. E dentaangal ɓe min keɓno yahdude he nguu ñalngu.
Ciftinen !
Daaka daɗɗa ko ñalnde Naasaande 17 lewru Morso hitaande 2025, maa saako ñalnde 21 lewru Morso hitaande 2025.
Kuɗol Ngenndiyanke Joob
Ñiiɓirde men:
salvadorallende78@hotmail.com
Carrières sous Poissy.
Commentaires
Enregistrer un commentaire