Ñalnde Naasaande 12 lewru Korse htnd 2026 :Ndeke wonaa nguurndam woni nguurndam, neɗɗo ine wuura tawa ko o maayɗo. Maayɗo ina maaya tawa ko o guurɗo ! So neɗɗo teskiima to o ummii haa ɗo o yahrata ɗo, maataw ndeke nguurndam innama aadee ina fenngiɗi. Maayde ina ɓadtii innama aadee haa woni hakkunde makko e maayde ko fotde ceeɓdi giyal. Holko wuurde? Ko tuma neɗɗo nde o wuuri ndee o waɗii golle maantiniiɗe tiiɗɗe ceniiɗe cemmbuɗe. So tawii neɗɗo wuuri o wuurdi he renndo makko yo o tinno wooda ko o golli janngo so tawii o tuɗɗiima leppi leydi omo waawi fooftaade he nder yanaande makko. O daranoo jaŋde pinal, ganndal, ooƴtude gooñiiɗe, dartinde darinooɗe, wuurtinde maaynooɗe, o heɓɓito kala ko ɗesi teɓɓitaade. Neɗɗo fof ina foti laaɓnditaade holi kañum, ɗo o ummii ɗo o fayi, eto o jogori dartoyaade je nder kaaɗdi nguurndam makko. Neddo fof o foti limtude hoyre makko ko o maayɗo ! Neddo fof ina haani winndude he nder nguurndam mum deftere nde omo haalda he hoyre makk...