Ngenndiyanke Joob

Yimre, Pulaar Fulfulde E innde Allah puɗɗorii-mii Pulaar ko ɗemngal no ɗemɗe winndere njanngan-mii. Pulaar tiiɗi tiɗɗii gannde njanngan-mii. Pulaar weltini janngoowo paamnat-mii. Pulaar toowi kooynotooɗo toŋtan-mii. Pulaar winndi masi mo janngaani kaaldat-mii. Pulaar heewi coñce mo janngaani kaalan-mii. Pulaar tekki tekkanimi cuusal mo janngaani kaalanat-mii. Ɓee ina njooɗi ɗemɗe janane ina kuutoro hay kersaanii. Aɓe njooɗi e Tiktok Pulaar ɓe kaalaanii. Ɓe kaala ɗemɗe goɗɗe Pulaar ɓe teddinaanii. Ɓe mbinnda farayseere hay Pulaar ɓe masaanii. Ɓee ngufƴoroo jolfe hay jolɗe Pulaar ɓe cukkaanii. Pulaar ko maayo no maaje ɗe en nganndaanii. Janngu Pulaar ɗo janngo a nimsaanii. Janngu a no innde Allah a yejjitaanii. Jannga b no innde baaba a faayaanii. Winndu ɓ no ɓamtaare nde a añaanii. Hay c ko cellal ngal jinnde a nawaanii. D ko dental ngal pulaagu eeri ɓaawo en ngoppaanii. Ɗ ko ɗaɓɓude ndi kolceeri pulaagu lunndaakii. F ko fittuɓe boli ɗi ɓerɗe pulaagu lunndaakii. G ko ganndal ɗaɓɓungal i...

       Yimre, Basiiru Joomay Jaakaar Fay Senegaal, Ko en seerndaaɓe e kaa laana. Lumminiiɓe en nguu laamu ceerndi en e koɗdigal. Kaɗi en kaɗti en, mbirni en e ndee henorde. Ɓe momti en e ngal dental, ɓe keedti en ndee henorde. So laamu ko dental moƴƴinde ngootaagu e ɓesngu leydi Basiiru Joomay Jaakaar Fay yeddingal. Makki ɗalnoo en ko e mahnde, acciri en ndee saayre. Gaño men, gaño ngenndi men riŋkii en ndee saayre. E ndii leydi ɓe nanngi fuɗannge e hiirnaange rewo e worgo fof ɓe kanndii. Ɓe ƴetti bone e men ɓe mberlii. Fuuta furɗii sibu bone e men ɓe ndeeli. Barooɗe powbi cewɗi ndii leydi men ngardii. Bodle e men ɓe piil-piiltini haa goorogal kure werlii. Geno ko toowɗo dow leydi woɗɗitii. Barke e baraaji dow mayri o werlii. Sabu barke seerenɓe men alaa fof ko Geno heddii. Ɓeen moƴƴinnooɓe golle o weeɗi. Basiiru Joomay Jaakaar Fay. Ngal ɓalawal no kormbal jaltungal e gorbal. Sinno kaa ganndo no ganndal. Dental Mbuur e Gunaas ngal teddungal to Geno ngal dokkal. Fuuta...

     Yimre, kappiteen Umaar tuure       Ngenndiyanke Joob Kappiteen tuure: Tuutnuɗo min ñalnde juulde taaske. Min tinaani min maataani haa tol-tol min nani. Haa juuloynooɓe iidi taaske ɗuggiti kaaƴe kaaci. Kaɗi en kaɗti en pelmii en e ngoo felo. Tawii saabi ɗum ko ngal kormbal no gorbal. Boɗowal no jeynge laakara no toon caasal. Kappiteen tuure mi wiyataama Umaar sibu a timmaani kalfinaaɗo ngam suusde ngal goongal. Yoo Geno firtu firo ma. Firta firorde firo ma. Lummina ibiliisa dow keeci ma. Faloo faltoo balɗe ma. Kin-hinol gacce ngona foofirde ma. Ñalnde janngo firawna wona jaɓɓorde ma. Abaa jaali wona diisnondirɗo ma. Yoo Geno loŋ koloŋloŋe ma. Laŋka jiyɗe ɓernde ma. Geno ɓoora laamu ma. Ɓoora wallodiiɓe ma. Ɓoora laamu kala lamminɗo ma. Yoo gacce ngon suddaare ma. Ngona waaborde keeci ma. Aan koyɗo dunaa hoyti ngenndiiru ma. Kappiteen tuure: K kalkiiɗo ɓoccitii diine mum. P poocciiɗo e aññeere mum  I mo innde ibiliisa liɓi ɗum. T tijjiiɗo jeynge jan...

         MADIINA GUNAAS Taarik nguurndam ceerno mawɗo (Alh Muhammadu Saydu Bah RTA Madiina Gunaas)" <== jaŋtiiɗo ngol lefol baɗtangol binndol baaba mum wiyatee Abdullaay Gelaajo Kan, e Alfaa Maamuudu e basiiru Kannde ko gure ɗe ceerno Mawɗo ndewi ha njotti Madiina Seydi Alh Aali Caam Rta: leydi ndii wiyatee ko caaña; gure ɗe ɓe ndewi ɗe sira murlel, seeri besi, kammannde kummbeenga, ko gaaɓu ɓe ngewi ɓe payi Madiina Seydi Alh Aali Caam Rta. Ko gaaɓu ɓe ngiwi ɓe payi soɓɓulde. Ko soɓɓulde o rewi ha o yotti Madiina Seydi Alh Aali Caam Rta. Ko ɗoon ceerno mawɗo ruumi ha ndunngu nguu siilti, ko ɗoon ceerno seydi Alh Aali Caam dadii kaala mum ƴetti jalo remdi e Ceerno Muhammadu Saydu Bah'' Baynitanagol Ceerno Mawɗo faytude fuuta Ko ndeen o wayniti ceerno makko o hono Seydi Alh Aali Caam Rta o fayti fuuta. Nde o wayniti laawol makko gadanol Ceerno makko o wiyi ala mi yamiraani accu ha ndunngu nguu siilta ngaan saanga njaha. Ko ɗuum woni sabaabu ruumgol toon Ceerno ...

       DAWRUGOL SENEGAAL Cuggee caggee suɓngooji 24 Mbooy 2024 Heewi dillere he gooɓondire nguurndam dawrugol leydi Senegaal ñalnde dewo 24 Mbooy hit 2024''' heewi haalaaji Makki Sal janfiima yimɓe mum, walla janfiima Aamadu Bah gardinooɗo jaagorɗe ɗe he kuuɓal. Ko oon wonno cuɓtaaɗo Makki Sal ngam jaɓɓaade suɓngooji 2024 he nder leydi ndii; en njubbat seeɗa he tintno iiñcuru iiñcunoondu he nder suɓngooji ɗi. Mbele ko Aamadu janfii walla ko Makki Sal janfii gonnooɗo Hoyreejo mawɗo leydi Senegaal ! Fof maa en ngartu heen waɗde heen jubbanɗe men, eɗen mbaawi waasde tuugnaade he binndanɗe ɗe, kono noon maa ɗe ngonan en yeru he kewkewe kewnooɗe he suɓngooji ɗi. Caggal nde Usmaan Sonkoo e gardinooɗo lannda makko ka, mo ngannduɗaa hannde koñum woni Hoyreejo mawɗo leydi Senegaal --> Basiiru Joomay Fay  tuumeede ko Makki Sal suɓtiimo tottimo lamu ngu tawii ina soomno heen janfa. Won wiyi ɓe kadi ko ko heblano ko ɓooyi; haalaaji ɗi keewi kono won heen ko ɗum haalata''...