Dawrugol leydi Senegaal 2024

      DAWRUGOL SENEGAAL

Cuggee caggee suɓngooji 24 Mbooy 2024

Heewi dillere he gooɓondire nguurndam dawrugol leydi Senegaal ñalnde dewo 24 Mbooy hit 2024''' heewi haalaaji Makki Sal janfiima yimɓe mum, walla janfiima Aamadu Bah gardinooɗo jaagorɗe ɗe he kuuɓal. Ko oon wonno cuɓtaaɗo Makki Sal ngam jaɓɓaade suɓngooji 2024 he nder leydi ndii; en njubbat seeɗa he tintno iiñcuru iiñcunoondu he nder suɓngooji ɗi. Mbele ko Aamadu janfii walla ko Makki Sal janfii gonnooɗo Hoyreejo mawɗo leydi Senegaal ! Fof maa en ngartu heen waɗde heen jubbanɗe men, eɗen mbaawi waasde tuugnaade he binndanɗe ɗe, kono noon maa ɗe ngonan en yeru he kewkewe kewnooɗe he suɓngooji ɗi. Caggal nde Usmaan Sonkoo e gardinooɗo lannda makko ka, mo ngannduɗaa hannde koñum woni Hoyreejo mawɗo leydi Senegaal --> Basiiru Joomay Fay tuumeede ko Makki Sal suɓtiimo tottimo lamu ngu tawii ina soomno heen janfa. Won wiyi ɓe kadi ko ko heblano ko ɓooyi; haalaaji ɗi keewi kono won heen ko ɗum haalata'' <-- kono kala heen ko waawi wonde tuumanɗe ina heen, etee tawii ko ɓuri heen tawii ɗeen tuumanɗe ngummii ko satiiɓe APR cawtini ɗum fayde he renndo ngoo ! No mbiyɗen nii kala heen ko waawi wonde maa en paamoy ɗum yeeso he nder winndannde ndee so haaji ɗo Geno. Njappee noppi mon, kadi tawde a fuɗɗiima janngude winndannde ndee yaajnu ɓernde ma njanngiraa winndannde ndee hakkille mbele mbaawa faamde tigi-rigi ngol dawrugol leydi Senegaal holko yahanno he nder ɓee dawriyankooɓe (SEN)''. Cakka kaŋŋe -->     (Aamadu Bah lasli Njaayen Panndaawo)

Gardinooɗo jaagorɗe leydi Senegaal he ngardiigu gonnooɗo hoyreejo mawɗo leydi Senegaal, Alh Makki Sal. Cuɓtaaɗo muddaaji ɗiɗi (2) hitaande 2012 ha 2018 o suɓtaa mudda makko 2ɗɓo ha ñalnde dewo 24 lewru Mbooy 2024 (mara). --> Makki Sal: he nder laamu makko heewi caɗeele; hay sinno kadi o golli leydi ndii golle baɗɗe faayiida yoga he nokkuuji teeŋti he mahdi he darnude cuuɗi cafrorɗi, he waɗde baɗle keeriiɗe, ɓe ngannduɗaa ngalaa fartaŋŋe waawde safrude koye mum'en so tawii ñabbu dooki. O waɗii kalluuji he nder leydi ndi, teeŋti noon yoga gure keewɗe o waɗii heen kuɓɓam, o addi weeyo (réseau)'' Makki Sal aawi he ngaandiiji ɓesngu leydi Senegaal ngam anndude dawrugol; maa en mbiyi ni ko ɓuri teeŋtude mbonam nehdaagu nguu heewi haa rufti he dawrugol makko. Ɗeen caɗeele haa njottii seerenɓe hohooɓe diine islaam he nder leydi Senegaal ko ndee felmere felmii geddu Makki Sal (MS) ndewnaaje ɗee fof njartodini pelmii rewo he worgo murteende ndee heewi haa ɓurti juuɗe makko. Sukaaɓe heewɓe bonɓe nehdi mbaɗti ƴattaade seerenɓe hohooɓe diine islaam, ko wayno toms to dowla Itali, ina njenna halifaaɓe Diine he nder leydi Senegaal'',  holi nguurndam dawrugol leydi Senegaal ? Ko ndee ɓoortere ɓoorta to galle laamorgo he gardiigu Makki kummba Cimmbo, walla Makki Aamadu buuɗi Sal. Holi wolƴere Makki Sal wukkkti he Aamadu Bah --> 

               Suɓngooji 2024 SEN

    Makki Sal gardinooɗo leydi Senegaal

Denndaangal semmbolinɓe APR kuccinii ñiŋooje mum'en he Makki Sal; so goongɗi ko ɗum ɓoortere-ñiŋo wonande Makki Sal kaaɗdi nguurndam makko, hay sinno won ɗo o rewni Senegaal to senngo ɓamtaare heeriinde. 

Tuumooji gakkolinɗi:

Gila ñalnde Makki Sal sawtini wonde jeyetaake he suɓngooji 2024 o suɓtii koolaaɗo makko, o suɓtanii semmbolinɓe APR he kuuɓal fof yahdi he makko, wonde o suɓiima Aamadu Bah seerenɓe ardiiɓe en he diine, he ardiiɓe en he aada, yoga he ɓesngu Senegaal fof mbelti sibu ina nganndi nuunɗal koolaaɗo makko AB leñol ngol fof summbi sajii wonde ndañii koolaaɗo APR ndeke omo moofti janfa ngam ittude laamu ngu tottude ɗum banndiraaɓe joom suudu makko Mariyam Fay Sal. Haa ñalnde  hoyre-biir 16 lewru Mbooy 2024 Aamadu Bah fuɗɗii waɗde njilluuji mum daɓɓi he nder leydi Senegaal hay sinno won diiwanuuji he nder leydi Senegaal o heɓaani yottaade. O waɗi he nguun mjillu balɗe sappo he jowi. Makki Sal yuɓɓini sariya yaltinde dummbsnooɓe tawii ina caabi warngooji mawɗi; waɗnooɓe seppooji caabi warngooji he bonnere jawɗeele janane, ina ngujji jeeyirɗe janane he kelgol werlaaji janani, jeeyirɗe oosa (Auchan)'' ko ɓee lunndiyankooɓe Makki Sal waɗani o sariya Amnesti yoɓe njaltine, ndeke fayndaare makko, ko yaltinde Usmaan Sonkoo e Basiiru Jaamay Fay. Caggal nde o waɗi nanondiral he joom suudu makko Mariyam Fay Sal yoo ɗaɓɓir Usmaan Sonkoo mbele ina yalta dummbirdu tawtore suɓngooji payɗi arde ɗi, Usmaan Sonkoo salii ndeen ɗaɓɓaande wiyi loppet. Ko ɗuum woni sabaabu jaltugol Basiiru Joomay Fay, ko ndeen gardinooɗo lannda PASTEF felliti yaltude mbele walla Basiiru Joomay Fay he suɓngooji ɗi mbele ina nawa araraay.

Sariya Amnesti: wonnoo fayndaare makko ko yaltinde Aamadu Bah he doggol suɓngooji ɗi gila daawal mum 2ɗɓal etee enen fof en pawii heen gite men.