Taarik Nguurndam ceerno Mawɗo RTA Madiina Gunaas
MADIINA GUNAAS
Taarik nguurndam ceerno mawɗo (Alh Muhammadu Saydu Bah RTA Madiina Gunaas)" <== jaŋtiiɗo ngol lefol baɗtangol binndol baaba mum wiyatee Abdullaay Gelaajo Kan, e Alfaa Maamuudu e basiiru Kannde ko gure ɗe ceerno Mawɗo ndewi ha njotti Madiina Seydi Alh Aali Caam Rta: leydi ndii wiyatee ko caaña; gure ɗe ɓe ndewi ɗe sira murlel, seeri besi, kammannde kummbeenga, ko gaaɓu ɓe ngewi ɓe payi Madiina Seydi Alh Aali Caam Rta. Ko gaaɓu ɓe ngiwi ɓe payi soɓɓulde. Ko soɓɓulde o rewi ha o yotti Madiina Seydi Alh Aali Caam Rta. Ko ɗoon ceerno mawɗo ruumi ha ndunngu nguu siilti, ko ɗoon ceerno seydi Alh Aali Caam dadii kaala mum ƴetti jalo remdi e Ceerno Muhammadu Saydu Bah''
Ko ndeen o wayniti ceerno makko o hono Seydi Alh Aali Caam Rta o fayti fuuta. Nde o wayniti laawol makko gadanol Ceerno makko o wiyi ala mi yamiraani accu ha ndunngu nguu siilta ngaan saanga njaha. Ko ɗuum woni sabaabu ruumgol toon Ceerno Mawɗo Rta. Ndeen Ceerno makko o felliti accitde mo, o wayniti o fayti fuuta tooro.
Caggal gummagol Madiina Seydi Alh Aali Caam o arti kolda to ceerno Umaar tuure o hawrti ɗoon e ceerno Ahmadu Baro Rta. Ɗoon aɓe kabrondira ceerno mawɗo e ceerno Ahmadu Baro ha nelal yotti wonde Seydi Alh Aali Caam dañanaama boobo gorko, oon inniraa ceerno Usmaan Caam, o itti ɓiɗɗo o, o rokki ceerno Mawɗo Rta yo jogo ɗum neha ɗum, janngina ɗum ɓuraana.
Caggal mum ceerno mawɗo wondi e maɓɓe ko ina tolno e duuɓi tati (3) ceerno seydi Alh Aali Caam yani (wirni gite yimɓe)'' tawde seerenɓe ɓe ko ahlullaahi en ko annduɓe mbirniindi. O noddi ɓe kamɓe tawtoreede: Alfaa Maamuudu, Alfaa Umaru, Alfaa baylaa, Alfaa Usmaan oon ko neema Rabat wonno, o noddi Suwaybu, Suleymata Abdullaay, Maa Sammba kalajja, Suleymaani juulde.
Seydi Alh Aali Caam Rta: noddi denndaangal almudɓe ɓee fof o wiyɓe onon fof mi halfinii on ceerno Muhammadu Saydu Bah RTA kala mo jaɓaani mo jaɓaani miin seydi Alh Aali Caam. O wiyɓe dokke alliyankooje ngonaa ɓiɗngu baabaagu ndokkata ɗum,
Commentaires
Enregistrer un commentaire