Yimre ɓamtaare ɗemngal Pulaar

Yimre, Pulaar Fulfulde

E innde Allah puɗɗorii-mii

Pulaar ko ɗemngal no ɗemɗe winndere njanngan-mii.

Pulaar tiiɗi tiɗɗii gannde njanngan-mii.

Pulaar weltini janngoowo paamnat-mii.

Pulaar toowi kooynotooɗo toŋtan-mii.

Pulaar winndi masi mo janngaani kaaldat-mii.

Pulaar heewi coñce mo janngaani kaalan-mii.

Pulaar tekki tekkanimi cuusal mo janngaani kaalanat-mii.

Ɓee ina njooɗi ɗemɗe janane ina kuutoro hay kersaanii.

Aɓe njooɗi e Tiktok Pulaar ɓe kaalaanii.

Ɓe kaala ɗemɗe goɗɗe Pulaar ɓe teddinaanii.

Ɓe mbinnda farayseere hay Pulaar ɓe masaanii.

Ɓee ngufƴoroo jolfe hay jolɗe Pulaar ɓe cukkaanii.

Pulaar ko maayo no maaje ɗe en nganndaanii.

Janngu Pulaar ɗo janngo a nimsaanii.

Janngu a no innde Allah a yejjitaanii.

Jannga b no innde baaba a faayaanii.

Winndu ɓ no ɓamtaare nde a añaanii.

Hay c ko cellal ngal jinnde a nawaanii.

D ko dental ngal pulaagu eeri ɓaawo en ngoppaanii.

Ɗ ko ɗaɓɓude ndi kolceeri pulaagu lunndaakii.

F ko fittuɓe boli ɗi ɓerɗe pulaagu lunndaakii.

G ko ganndal ɗaɓɓungal ina waɗɗii en lunndaakii.

H ko hamdu mo aadee kala yetti kono timmaanii.

Mi haaɗa ɗo sibu Pulaar mi woɗɗaanii.

J ko jalkitde ɓeen ɓe njanngaanii.

Haa nimsita njannga Pulaar famɗaanii.

Mo nimsiti janngaani oon kay Pulaar yeddaanii.

Tiktok ko Pulaar heewɓe paamaanii.

Tik ko mbeewa ba gallaaɗi mum tawo puɗaanii.

Tok ko ɗaɗol nde iwdi tokkoodee.

Kala mo janngi Pulaar innde mum winndaanii.

Ko o janngikiniiɗo Pulaar baɗlal makko o addaanii.

Kala mo sooyti njananba baɗlal mum e Pulaar o addaanii.

Dental ɓuri caru mo daranaaki ɗum waalaare o addaanii.

Janngude Pulaar ina waɗɗii en ɗo koongu en ngaddaanii.

Adamawa ko ngenndi pulaagu  ɗo fulɓe njaasaanii.

Tooro torli majjere ɗo jaŋde Pulaar yeebaakii.

Hammee addi baɗlal ɗo hirjinooji yeebaakii.

Kala mo janngi Pulaar haa abada o woppaanii.

Ko o teeŋtinɗo konngol Nulaaɗo o janfaakii.

Kala mo felli kural ndee hoore fiɗaanii.

Ndee hoore wuynde faabu addaanii.

Yoo wuur Pulaar Fulfulde haa abada tawa waylaakii.

Lunndaade en Pulaar ko lunndaade en ɓamtaare.

Ɓamtaare ɗemngal Pulaar ko maale ɓamtaare.

 Kala mo yeddi ɗum yoo ƴeew farayse anngele manndere Español ɗe toowi dow ɗe ɓamti ɗum jilɓaanii.

Pulaar ko toon tolnii annduɓe ɗum njeddaanii.

Kala mo fiɓi daranii Pulaar haa abada firtaani.

Ɗooftii ko konngol Nulaaɗo en njeddaanii.

Nulaaɓe nulanooɓe njottinii e ɗemɗe leñƴi mum'en.

Hay gooto yeddaanii.

Kirisiyaanism judaaysm e budaaysm fof ko kinɗe leñƴi diine boli mum en ndewaanii.

Ndewɗen ko bolol Muhammadu hay huunde en njeddaanii.

Ko Pulaar ndaraniimi ha abada mi firtaanii.

Kuɗol Ngenndiyanke Joob

Ñalnde 23 lewru Juko 2024