Yimre, Basiiru Joomay Jaakaar Fay

      Yimre, Basiiru Joomay Jaakaar Fay

Senegaal,

Ko en seerndaaɓe e kaa laana.

Lumminiiɓe en nguu laamu ceerndi en e koɗdigal.

Kaɗi en kaɗti en, mbirni en e ndee henorde.

Ɓe momti en e ngal dental, ɓe keedti en ndee henorde.

So laamu ko dental moƴƴinde ngootaagu e ɓesngu leydi Basiiru Joomay Jaakaar Fay yeddingal.

Makki ɗalnoo en ko e mahnde, acciri en ndee saayre.

Gaño men, gaño ngenndi men riŋkii en ndee saayre.

E ndii leydi ɓe nanngi fuɗannge e hiirnaange rewo e worgo fof ɓe kanndii.

Ɓe ƴetti bone e men ɓe mberlii.

Fuuta furɗii sibu bone e men ɓe ndeeli.

Barooɗe powbi cewɗi ndii leydi men ngardii.

Bodle e men ɓe piil-piiltini haa goorogal kure werlii.

Geno ko toowɗo dow leydi woɗɗitii.

Barke e baraaji dow mayri o werlii.

Sabu barke seerenɓe men alaa fof ko Geno heddii.

Ɓeen moƴƴinnooɓe golle o weeɗi.

Basiiru Joomay Jaakaar Fay.

Ngal ɓalawal no kormbal jaltungal e gorbal.

Sinno kaa ganndo no ganndal.

Dental Mbuur e Gunaas ngal teddungal to Geno ngal dokkal.

Fuuta fuutaaki Senegaal, fuuta fuɗɗu Senegaal.

Lammini laamiiɓe Senegaal. 

Kala laamɗo janfiiɗo fuuta, janfii ko fuɗɗuɓe Senegaal.

Ngal ɓalawal no gulaa willa laacal e ngal dunal.

So laamu ko doole e fiyde mo waawi.

So laamu ko semmbe e ɓiirtude lahal mo waawi.

Ɗawde ɓeen fotde leydi e jaasrinde ɓeen e neɗɗaagu ngenndi.

So laamu ko doole e hulɓinde mo waawi.

Hulɓinirde ɓeen fetelaaji jaawruɗi fiɗtaandu no azaraa'iilu.

Pittooji pittirooji piɗɗe fitinaaji.

Ngal ɓalawal foorti geenol no dumsal.

Wujja ngiton no ullungal.

Haala ellee no dewal calingal jooɗaade e ngal dewgal.

Sonkoo so ngardiigu ɗaɓɓannoɗa Allah tottii.

Urmbitoojo tuumooji baɗwaɗe e ɗiin tumaaji.

Loskooji ɗeen jaale, diisnondirooji ɓooyɗi.

Tuumooji jagge keeriiɗe.

So daranaade leydi faggudu e ɓamtaare.

Sunnooji ɓosngo ndee ɓamtaare fotno wonde yiylirde golle.

On ngoofi ndee waaɓre on tonngii ndee waañre.

Bone mon suyii no fuuyii.

So ñamri wonnoo lamɗam on mbaasi.

Yoo Geno tonngu ɗo laamu mon.

Tonnga ɗo kala laamu wondiiɓe mon.

Ndoogu nguu ina toowi ngu ɓaɓɓittaako.

Duule ɗee ina ɓadtii kono ɗe njurbittaako.

Baade ɗee ina toɓa marmalle.

Naange ngee ina fuɗa muta.

Lewru nduu ina fuɗa ina muta.

Koode ɗee ina njaynoo.

Maa Geno wurjin laamu mon.

Wurjitina on, mboɗeeri sakko ɓaleeri fawoo.

Laamu araani duumaade ari tan ko yillaade.

Laamu araani on hoɗde, ari tan ko on hoɗaade.

Cuggee caggee ngittee.

Maa Geno sol laamu mon, sola laamu wondiiɓe mon.

Basiiru Joomay Jaakaar Fay,

On ngonaa tooma sankara.

Amikaal kabraal kabrannoongal jam he werto Afrik.

Patrik lummbummba lumminnooɓe añɓe kaɗi ɗum ngoo wertallo.

Basiiru Joomay Jaakaar Fay,

Aan a wonaa Baydi kaccee Paam.

Abdul kariim jaawanndo.

Abdul Qaadiri Kan.

C Suleymaani Baal, ballunooɗo ngootaagu Senegaal.

Tumaaji nde diine saɗti haa tuubakiri werlii gaawe, gawƴitooje kaɗa en ngoo wimmbo ɓamtaare.

Ɓe njaltini gaawe e silameeje ɓe njattinii haa tiiɗi becce ɓe takki.

Ɓe kaɗi en koyeera penaale ɓe ngitti.

Ɓe ndarni sariya haa tiiɗi ɓuraana ɓe njanngini.

Muudo hormo ɓe ndarii ɓe ngitti.

Fuuta woni fuuta, fuuta fuɗɗii Senegaal diine ɓe ndarni.

Kaaldat-mi ko ndii kalhaldi ndi waawa ƴeŋaade saka ndi itta tuuya, tuuyaandi rebbe.

Molu ngu mawnaani nguun mbaɗɗu timmaani.

Kuɗol Ngenndiyanke Joob

Aaɓnde 5 morso 2024