Ngenndiyanke Joob

Yimre: Ciraa baa, cirtaa baa. Ñalnde dewo 24 lewru Juko 2025. So baaba ko ƴiiƴam yumma ko Kosam. Kosam ina weli fanndii en he moƴƴereeji. Njurum heewi hanndii en he duwawuuji. Ñooltude en he ñolnooɗe. Hejjere jamma bojji kijjitinoowo. Kiram he manngu ko he dookre. Jamma he ñalawma ŋakkere ɗoyli fiil-fiiltini . Neene ko nehɗo he nehaande haɗi en nehtorinde. Ruttitii haɗi en haɗre haɗoore en wonde. So jamma o jenngii ha baade ɗe cooki. Fuyboo he diƴƴe damuɗe galleeji ina yuurno. O ɓooyi he ladde he nder ɗee kolaaɗe. Ina miijo maayde he raddooji. Oo ɓiɗɗo ɗi ngonaa goppooji. Sahaaji miijo falo haɗa ɗoyli he karaali. Ɗoyli ndoga kaɗa ŋoŋɗi he ɗii jammaaji. So baaba ko ƴiiƴam yumma ko kosam. Baaba: won heen ko fenngiɗɓe miijooji. Njurmaaki ɓesngu mballitaani. Miijooji moƴƴi njooɓnaani. Njurum ɓe njurmaaki. Miijooji moƴƴi ɓe njooɓnaani. Ɓesnguuji ɓe njannginaani. So baɗlal ɓe mballaani. Sibu hay yoga heen miijooji ngoɗɗaani. Ciraa baa, cirtaa baa. Baade toɓa ceerta nguulaandi. Ɗee peƴee nguu...

So wonko faati he men ƴeewtoɗen. So wonko faati he ɓe men ƴeewtoɗen. Ƴeewtaare koye men ina waɗɗii en. Woto ko waɗɗii waɗɗaaki en. Waɗɗaade en ko waɗɗii, ɓuri ko waɗɗii waɗɗaade en.  Wonko waɗɗii mbele ɓe mbaɗii ? Wonaa wutte he wuttulo tan waɗɗii. Wonko waɗɗii ko waɗɗii . So tawii ko waɗɗitinde ɓeen ɓe waɗɗaade waɗɗii. Jannginde Diine he ganndal. Wuurtinde wuuriiɓe. Ɓadtinde woɗɗuɓe. Woɗɗitaade woɗɗere woɗɗinoore ɓadtiiɓe. Wallitde jastude. Ƴeeŋtinde yooliiɓe. Yooltude yooliiɓe. Jeewte ballitooje renndo tabitina. Sa ardiima dental wallit. Sa ardiima galle he golle wallit. Enɗam he Diine yooɓnu. Faatoraaɓe heen siftin. Ɓadtoɗaaɓe Pulaar he pulareeje tinndin-ɓe. So joɓɓi mbaɗii ummitin-ɓe. Njanngen Pulaar njannginen. Pine he aadaaji kollen-ɓe. Maayde ngam he Pulaar yoo jaran'en.

Saganke: Caŋnuɗo ceŋɗe he caŋaale mum. So wertaango he weraango mum. Diƴƴe he diiñorɗe mum. Cewle he ilooji mum. Tule he jipporɗe mum. So maaje ɗee ɓeeɓi. Ilooji ɗii pajjii. Jeeri ndii ndogii. Waalo he kolaaɗe ɓeeɓtii. Joomiraaɗo joom baɗe he baawɗe teeŋtinii. Konngol he defte, jiiɓru jiiɓtii. Oon Saganke mballinii-mi baɗlal o addii. Wal-fatuhuu diɗɗe he keewal o tijjii. Waraa'itannaasa baɗlal he yurmeende o addii. Ko Nulaaɗo gooto yurmeende o hooli. Madiina he ngal gural o jaɓɓii. Ñalnde mburaangu dicci koppi Makka hooli. Penaale njuli njurbitii. Ƴiiwoonde jam feggii baade cookii. Saganke saggitii en he Diine konnguɗi o suutii. Mawɓe he sukaaɓe Diine o eewnii. Maale ɓamtaare janngo eɗen tijjii. Eh aljanna ko kañum ɗaɓɓitii. Miin komi golluɗo ha yurmeende Geno ɓadtitii. Pergitooje kaɗa en ndee waadere. Pergitooje kaɗa en ndee abbere. Pergitooje kaɗa en ndee yeɗere. Ko ɗoo lumminii-mi ha tiiɗi njattinii-mi. Makka he Madiina Diine mballinii-mi. Aduna ko ha seeɗa laakara ɓadtii-mi. Do...

Ɓee joom en mecce he nder leñol ngol ine mbaawi wonde sabaabu ŋabbugol ɗemngal, walla ɓe ngona sabaabu jippagol ɗemngal.  Naalankooɓe, Mogiyankooɓe, Jaayndiyankooɓe, Jirwiniyankooɓe he Wambaaɓe (Yeeyi-soodi- he nder Jeere.

Daaka Mantes la jolie (2025) Ndee hitaande jam-yamaare, nde ƴiiwni ƴiiwoonde ngatamaare heeriinde.  Holi ndee ƴiiwoonde ngatamaare ? Ngal natal keeringal maa haal holi nguu ñalngu ! Nguu ñalngu daɗɗi ko ñalnde Naasaande 17 lewru Morso hitaande 2025''. Daaka Mantes la jolie, mo Ceerno Muhammdul Mansuur Ibnu Ahmadu Baro Rta waɗatno kala hitaande, caggal nde o wirni hitaande 20007 o wirnii jiyɗe yimɓe, o fooftoyi, Ceerno Seek Ahmadu Tijjaani Baro Rta lomtiimo e jappeere ndee. Gila ndeen ko kanko yuɓɓinta DAAKA Mantes la jolie. Tawii omo wondi e Ceerno Alh Maalik Seek Ahmadu Baro, e ceerno Siidi Ahmed Muhammadul Mansuur Ibnu Ahmadu Baro Rta. Hono ɗii ñalɗi ɓennunooɓe fof e heewde yimɓe ummortooɓe e nder duunde ndee, Belsiik, Portigaal, Almaañ, Itali, ina ngara diɗɗe-diɗɗe e keewal ina ngara weeɗnanaade ndee moƴƴere Geno heeriinde. So tawii a tawtoraama ndee nokkuure luulnde, telɓinorde Geno, maa anndu ɗum ko dokkal, sinno wonaano dokkal Allah wayataano ɗum. No ceerno me...

Yettude sabaabu ko e Diine jeyaa. Haalde golle seydi Bah ko e ɗuum tawa. Dental Mbuur e Gunaas ina jaɓaa. Haalde ngal e nder ndee winndere ɗuum ina jaɓaa. Palee palee ngal ina haɗaa. Ɗuum jibinta ko maale bonɗe to Allah ina hulaa. Denndaangal ciñcaaɗe ma Diine ina rewaa. Seydi Bah e nder majje ina tawaa. Haalde en ngal dental ɗuum ko maale moƴƴe eɗen njeɗaa. Kala mo tonngitii e maggal janngo ina hulaa. Huyaa huyaa en janngo ina kulaa. Mbele ɗum wonaa maale bonɗe janngo jiyɗe ina colaa. Pitti e piricci ina piɓaa. Dental Mbuur e Gunaas ina jaɓaa. Ngoo maayo deeƴ taccude en ngo ina haaɗi en. Cilooje en cilkita ina paddii en. Caamaaba saaɗni hakkunde tufnde ŋoral falii en.

Tiitoonde yimre ndee,       Wimmbo ɓamtaare       Ngenndiyanke Joob (NJ) Winndere ndee wontii guumu gaamalde. Pelɓondire batte Diine. Salaade ɓe rewde laawol poortiingol. Rewde ɓe miijooji piɗtaali maɓɓe. Waasde ɓe hulde Allah. Oon Allah tagɗo ɓe tago ŋarɗungoe  Ngam Diine Islaam yoɓe ndew ɗum. Ɓe ndewa sunna Nulaaɗo makko ɓe kormoo ɗum. Ɓe ngabbo joomiraaɓe fiyakuuji. Halfinaaɓe to cuuɗiindi Geno totti ɗum. Ɓe ndesndaa Diine e sunna ɓe tami ɗum. Yogaaɓe ngaddi koongu ndiiwti ɗum. Ɓe njeddi ko Geno e semmbe mum. Ndee fedde baɗboniyankooɓe. Joomiraaɓe fii ummorde to Geno folloore. Tuma hannde gonaaɗo fedde jihaadi. Ko daranaade en ngenndi. Haɓanaade en ɓiɗɓe ngenndi. Jannginde ɓe ganndal pinal he toowal. Fedde jihaadi ko fedde ɓosnoore en ɓamtaare riiwtanoore en majjere e humambinnaagu Tafanoore en bolol ngam Geno en seedaade. Fittanoore en boli ndii ngenndi. Haɗa ndii ngenndi boomaare. So en maayi haɗa en ndii nguleendi jaynge en yottaade. Ko en seɓɓit...