Alh Muhammadu Saydu Bah rta MG

-
Yettude sabaabu ko he Diine jeyaa.
Haalde golle Ceerno Siraaji Diine ko he ɗuum tawaa.
Sibu golle maa Alliyankooje ɗe mbuntataa.
Gure maa tinndinooje min ɓamtaare ina rewaa.
Sappo he jeeɗiɗi gure taariiɗe Madiina ciñcuɗaa.
Annduɓe njiyi ɗum ndogi ngari takkimaa.
Ɓe paami ko Allah ɓolo hoɗi he nder ɓernde maa.
Ko he o jaati Madiina Gunaas ciñcuɗaa.
Innaali Allah tan njooɓiɗaa.
Mali Moritani gure ciñcuɗaa.
Gine Gammbi bisaawo ɓee malnuɗaa.
Makka he Madiina moƴƴere nokkuɗaa.

Taare Allah, taare Allah.
Madiina Gunaas ndee ladde ciñcuɗaa.
Barooɗe Cewɗi ñiibi tawɗaa.
Ndiiwɗaa ɗi haa caggal maayo mberliɗaa.
Madiina Gunaas ngeewniɗaa.
Ɗoon Allah nodduɗaa.
Diine he sunna Muhammadu nodduɗaa.
Fuuta ɓunndu e kaasamaas ngari njaɓɓimaa.
Ceerno Siraaji Diine, Baaba maa innumaa.
Ceerno Alh Muhammadu Saydu Bah, ndee innde nde Geno lollini haa winndere anndu-maa.

Taare Allah, taare Allah.
Koto Ceerno Hammee Baaba njannguɗaa.
Ɗoon wirdu tijjaani njagguɗaa.
Ganndal he Diine o tottumaa.
O ɓamti junngo o joofimaa.
O anndi kaa lomto Nulaaɗo Muhammadu Geno yeɗ-maa.
Hol mo waawi horsude ngoo maayo.
Horsa maayo haa horsa liɗɗi mum.
Horsa maayo haa horsa bempeƴƴe mum.
Ganndal e nehdi a daɗii ɗum.

Taare Allah, taare Allah.
To Ceerno Ahmadu Baro ɓooyaani njottiɗaa.
Jeewte toowɗe tunnguɗon.
Jeewte beetawe tonnguɗon.
Jawaarihal-maani toon nodduɗon.
Tawii ko toon ɗee dokke ngummorii on.
Balɗe sappo ngonduɗon.

Taare Allah, taare Allah.
Somi yiɗii haalde moƴƴere maa mi gaynataa.
Sibu moƴƴere maa taccii maaje ɗomi heɓtataa.
Kammu lewñii ɗo niɓɓe mum ngootataa.
Ko naange nge koode mum ñifataa.
Ko ƴiiwoonde nde gaño saaytataa.

Taare Allah, taare Allah.
Yettude sabaabu ko he Diine jeyaa.
Haalde golle Ceerno Seydi Alh Aali Ko he ɗuum tawaa.
Sibu golle makko he oo sunna alaa ɗo heddaa.
Ko kanko ñeemtinɗaa haa ngontuɗaa.
Ngontuɗaa mo haa jaati makko ndontuɗaa.
Taare Allah !
Ceerno Ahmadu Tijjaani Faas.
Sarif Alhasan.
Ceerno Ahmadu Jallo.
Ɓee ngonnoo sahabaaɓe maa.
Ɓe ndewii he golle maa.
 Haa ɓe tacci keeri to nder jannataa.
Ɓe ɗaccii ɗo maande nde ñifataa.
Sibu ko maande nde Geno wuurni maayataa.
Yoo Allah yoɓtu on moƴƴere nde huuɓataa.
O ɓeydana on neemaaji ɗi kuuɓataa.

Taare Allah.
Sayku Umaar lomtii fuuta fof.
 O roŋti ganndal he nder moƴƴuɓe fof.
O winndi o tinndi haa winndere ndee jaɓii fof.
Alh Maalik masii fof.
Sibu o yooɗaama Nulaaɗo haa o jaɓii fof.
O yooli he nder makko o wonti fof.

Taare Allah, taare Allah.
Somi yiɗii haalde oo Ceerno huunde fof mi roŋka fof.
Sibu taccude mo ɗee maaje fof.

Kuɗol Ngenndiyanke Joob 
Ñalnde Mawnde 14 lewru Juko htnd 2026
Kariyeer dow Puwaasi.

















Commentaires

Enregistrer un commentaire

Posts les plus consultés de ce blog

Ceerno Njaay Baal

-
   Ceerno Njaay Baal Waa maa Nasru Illaa Bi Inndillaahi. 53 fois, ngam yimɓe teddin-ma Aayetal kursiiyu 24 Ngam añɓe, kala ñalawma mbaɗaa Aayetal kursiiyu 24  Wa jaalna nawmakum subataa. Wa Jaalna Nawma kum subataa Ngam laabi tati tutta e ndiyam ɗam gorko o yara heen ko heddi koo mooma e yeeso. Walla debbo o yara. So tawii ko debbo o, so o waɗii ko gorko o yarata ɗum. Rabbana Hablanaa Min Aswaajinaa Wa Zurriyaatina Qurrata A'yuunii Wa jaalna Muttaqiina Imaaman.  Ngam kawral galle ma, walla mbiyaa kawral ɓesngu maa. Galle o hawrat etee o welat  Yu Waffi Qillaahi Baynahumaa. Ooɗo aaye kadi ko hono noon: sa janngiimo laati tati a tuttii e barma deftaaɗo walla lahal ñaamde garɗo fof nokka e ñaamde kamɓe fof kawrat ɓe ngona neɗɗo gooto Allaahu Laɗiifun Bi Ibaahi Yarzuku Manyasaa'u Hu wal Qawiiyul Aziizu. Wonande ndaartoowo golle: O waɗata ɗum ko balɗe nay, .. Wa Ayyuuba Iznaade Rabbahu Annii maksanii Durra Wa Anta Arrahmaanir Rahhimiin. Wonande gonduɗo e rafi tawii o...
Lire la suite

Yumma Hawa he Baaba Aadama

-
Taani men ko baaba Aadama e yumma men Hawaa. Koto maɓɓe leƴƴi winndere ngummi  Nulaaɓe nulaa he golle makko njokkii. So en pelliti eɗen pella jihaadi. Eɗen pellito jihaadi ɓerɗe. Fetelaaji eɗen taawna kure he conndi eɗen njogito. Ɓeen mawɓe nulanooɓe he Diine tuugi-ɗen. Pellitɗen dewal Allah ha abada en ngoppata. So maayde eɗen pelliti. En penata en ngujjata en ɗawata. Waabiraaɓe keeceeje maɓɓe ngiwɗen. Aɓe mbaɗdi aadi he Geno. Ɗoftude ɓesngu he cukaagu. Jannginde ɓe ɗemngal maɓɓe he Diine. Daɗndu-ɓe heege he ɗomka. Faabaade ɓe he boomaare. Annabaaɓe ɓeen rewnooɓe ɗo. Ko piɓle maɓɓe njogitiɗen. Piɗtaali maɓɓe poofirten. Beeli maɓɓe ɗuhortoɗen. Barke ilooji maɓɓe calligorto-ɗen. Iisaa ɗofti en ha keerol darti. Daawal ngal ina juuti kono Nulaaɗo Muhammadu garal yeeso omo felliti. So en pelliti ko Diine en piɗɗiɗto he ndii tuundi. Sibu ko ɗum lormen he oo Diine. Yummiraaɓe men ko waab'en he keeceeje. Kaɗi en teɓɓitaade. Kaɗi en seɓɓitaade. Ngooƴelaaji nder reedu. Pette he dumpaali. Ne...
Lire la suite