Tiitoonde: Taare Allah.
Tiitoonde: Taare Allah.
Mo Madiina Gunaas wuro maa.
Hoɗngo gila he goodal ndii leydi diine Geno feeñnumaa.
Njiiɓaandi njiɓɓiraandi cewle kawsara Madiina Gunaas wuro maa.
Fuɗnaange maggo juurorde maande diine ñiiɓiinde.
Hirnaange maggo jipporde felo Nulaaɗo diine ñiɓiingo.
Rewo ƴiiwoonde diine feŋiingo.
Worgo ɓulirɗe ƴiiwoole neema jaaliiɗe.
Taare Allah.
Ceerno Ibnu Umar Muhammadu Saydu Bah.
Gaawɗo giɗli tabitini ngootaagu.
Yiɗi ɓesngu abbiiɓe he laddeeji.
Aaludere to jaati feŋiinde.
Mahiinde toon ha tiiɗi diine jaaliinde.
Wag-waggiire tamiinde haa tiiɗi ceedante maandaande.
Suɓtaande to weluya kohoowo rokkaande.
Haa timmi ɓuraana ñaantaande.
Neɗɗaagu pinal ganndal loowaande.
Mbeelu Siraaji Diine ɗuhiinde.
Sahaabayanke Ahmadu fuuɗi ñiiɓi renndo seedtiinde.
Ɓure ɓurnaaɗe ngenndi tottaande.
Sahaaba mo giɗli mum njooli he Ahmadu.
Ujubal koode dow kammu pooyni ceedtiinde.
Fof ko ngam yooɗeede giɗli Ibnu Umar.
Taare Allah.
Pirɗo firti mo pirooje mum pirtaaki.
Ganndo moƴƴo mo diine he golwole mum renndo seedtiinde.
Tafɗo nguu mbeelu ngu hono mum yiyde weeɓaani.
Tafi ɗo ɓurɗe teddude tafanoo tawii hono mum taftaaki.
Ɓule mbaañnji he genndule keewi nduftaani.
Min njettii oo neema.
Nganndinɗo min ɗee cewle ceɓooje ɗe ndartaaki.
Ɓernde lootaande lootiraande sewnde ɓuloore he nder diƴƴe kawsara jaaliinde.
Ko ɗum maande mahiinde.
Rewo he worgo fof sabu mon diine jaaliinde.
Nokkuuji he tule toowɗe sabu diine on tacciiɗe.
Nokkuuji taatnuɗe sabu diine werlaaji mon on njottiima.
Mi mantaani on.
Kaalmi ko piyanɗe diine pelluɗon.
Tuy tuy majjere he humambinnaagal yoo suy.
Holmo salii ngoo felo he diine mahiingo.
Ko ɗum maale malkisooje janngo moƴƴere faloo.
Taare Allah.
Ceerno Ibnu Umar Bah.
Ndee innde dow kammu mahiinde.
Haa nde nanndi he tokoraare Nulaaɗo he diine nde walliino.
Bonɓe he sanndalleeɓe silaama diine nde feertiima.
Taare Allah.
Ceerno Alh Muhammadu Saydu Bah.
Tawtoranooɗo nguu batu.
Ngu Nulaaɗo batnoo he wondiiɓe mum.
Abuubakri, Umar, Usmaan, Aliyyu, Muhammadu Saydu Bah.
Ko sahaaba Siraaji diine jaŋtiingu.
Taare Allah.
Ceerno Ibnu Umar Bah.
Mo innde mum ɓasii he fino Geno.
Jeeɗiɗi toowɗi wer-wernde Geno wertiinde.
Mi yiɗii yimde oo ganndo mo mbaawka am rokkataani.
Taare Allah
Ko Nulaaɗo jaali he ma hay moosaali a fajjaani.
Fof ko lewlewe koode njayno ɗo niɓɓe ngoodaani.
So en tippondirii he jaɓɓaade.
En tippondirii he heɗaade.
Cewle ɓulooje ɗe caalli mum korata.
Deelte he keelelam mum pajjata.
Rewa en, rewta en.
Caste mum njuuwwa en, njuuwta en.
Ha laatoɗen wuurɓe no en maayata.
Ceerno Ibnu Umar Bah.
Laatiiɗo giɗo ceerno Ahmadu Tijjaani Bah.
Kuɗol Ngenndiyanke Joob
Ñalnde 11 lewru Bowte 2023
Commentaires
Enregistrer un commentaire