Tiitoonde: Allaahu joom am

Allaahu joom am.

Tagɗo tagooje tagtoytooɗo tagooje.

Tagi tago tagtii tago tago yalti e tago mum.

Tagi kammu yurbitaaki he dow men.

Tagi leydi ndi dulɓitaaki he dow men.

Tagi bambaaɗe he toƴƴaale mum.

Maleykaaji jinneeji fof ngadii he peeñdi mum. 

Aduna addaa he guumugaamalde mum.

Tawii saabino ɗum ko Aadama he hawwaa mum.

Goofi puɗɗii yaynaade haa ɗeɗɗi ɗum.

Tawii fof saabino ɗum ko ibliisa he mawnikinaare mum.

Ibliisa tafi taande mum ina fiyra yimɓe mum.

Tagooje fof njuuli he baaba Aadama.

Ibliisa jaddii salii lunndii woɗɗitii ɗum.

Ŋaaki no barogal noddi koongu mum.

Ɓooytaani baaba Aadama yalti he aljanna mum.

Ɗeɗɗaa looƴi kaɗhaɗe mum.

Ibliisa summbi sajii he nder geew mum.

Heddii baaba aadama he neene hawwaa mum.

Ɓe ngoni he aduna aɓe pira no ɓe pirtiri ɗum.

Baaba Aadama adii he peeñdi mum.

Rokkaa ndimaagu he pinal mum.

Ina tafa konngi no haalirdiri he Geno mum.

Haa neene hawwaa feeñi he ɓure mum.

Tottaa baaba aadama ngam diine he peeñdi tagooje mum.

Geno toowi woɗɗtii tagooje mum.

Geno toowi ɓadtii tagooje mum.

Tagooje tagaa nganndinaa Geno mum.

Ɗe keewi ɗe ceerti he sifaaji mum.

Geno toowi sañi ngootaagu mum.

Leydi kammu he higgu nguurni tago mum.

Ndiyam ko diƴƴal ƴellitiingal he tago mum.

Geno tigi yiɗi en yiɗani en.

Yiɗi en yeɗani en.

Yeɗani en Nulaaɗo Muhammadu men.

Timmoode annabaaɓe he nulaaɓe mum.

Tago tagaa sibu Nulaaɗo men.

Nulaaɗo Muhammadu kohoowo nulaaɓe mum.

Nulaaɓe nulanooɓe sabu Muhammadu kohoowo men.

Tuugnoraaɗo ñalawma ñaawoore men.

Siraaɗi min tacci ɗum haa beeli kawsara min njari he mum.

Nulaaɗo alaa nanndo he moƴƴere mum.

Moƴƴunooɓe fof moƴƴi sabu mum.

Ñalnde jibiriilu jippii he Nulaaɗo men.

Yottini nulal Geno he Nulaaɗo men. 

Ñalnde heen mburaagu ŋabbi dow kammu ina wondi he Nulaaɗo men.

Kala kammu he annabi nulanooɗo weltii he mum.

Jaɓɓii nulaaɗo ɓuuci ɗum.

 Fooyre huɓɓi yaynii Nulaaɗo saati ɗum.

O yottii Geno he nulal mum.

Geno jaɓɓiimo, doosɗe jowi lislaam rokkimo ɗum.

Goongɗinde, njuulu, hajju, koorka, asakal.

Fof he tagooje o siftini ɗum.

Salaade ɗe saltaade ɗe ko maale malkiseede janngo jeyngol weddeede.

Ahmad innde jaaliinde naatirde aljanna winndiinde.

Aadama he ciilrirɗe tago mum haalinde.

Allaahu joom am.

Tagi tago tagtoytoo tago.

Tagi tago, tago yalti he tago hono mum.

Tagooje fof ndenndi njaɓi Nulaaɗo Muhammadu kohoowo nulanooɓe he Diine mum.

Kuɗol Ngenndiyanke Joob.

Ñalnde Mawnde 15 bowte 2023

Kariyeer dow puwaasi.