FEDDE KAWTAL PULAAGU WINNDERE

KUULE LELNAAƊE E FDKPW

KUULE CIINAAƊE NGAM FDKPW

1-Kuulal gadanal:

Hoyreejo mawɗo fedde ndee kala hitaande waɗee ɓeto, ngaan saanga waɗee suɓngo so keewal joɗƴiniiɗo o jooɗto, so keewal imminiimo o immo. Tawii fawii ko e mbaydi ɓeto golle makko e fedde kawta Pulaagu winndere. Ndee toɓɓere renndi ɗum ko kanko e cukko makko o.

2-kuulal ɗimmiiwal:

Denndaangal doosɗe gollotooɗe e fedde ndee kala hitaande ina waɗee juurnite (hiño, hiñooji), so tawii won ko foti heen wayleede waylee tawa sabu o ko ŋakkere golle maɓɓe. Ɓe nawee fedde mawnde to kala golle maɓɓe kaale, ngaan saanga waɗee ɓeto so tawii keeweendi joɗƴiniiɓe sabu golle maɓɓe moƴƴi, so tawii keeweendi ittiiɓe sabu ŋakkere golle maɓɓe tawa kadi noon.

3-kuulal tataɓiiwal:

Ndaɗɗudi fedde ndee orop 50€ kala lebbi ɗiɗi (2) 20€ 

4-kuulal nayaɓiiwal:

Ndaɗɗudi fedde ndee afrik 5000f kala lebbi ɗiɗi 1000f

5-kuulal joyoɓiiwal:

Kala naatɗo e fedde ndee omo fiya ko yimɓe ɓee fof piyata koo, ko enen makko ndenndi fedde ndee, hay gooto ɓuraani heen goɗɗo.

6-kuulal jgɓiiwal:

Kala puɗɗiiɗo fiyde caggal mum o jooɗtii lebbi ɗiɗi eknh, o fiyaani, so omo naatta e fedde ndee ko maa o yoɓta ko o fiyaano koo nde naatta fedde ndee. 

7-kuulal jɗɓiiwal:

Fedde ndee o fuɗɗii fiyde caggal mum o woppi fiyde, walla o yiɗi yaltude fedde ndee, yoo anndu fedde ndee joganaaki mo hay mbuuɗu, wonaa ko omo rutte ko o waɗnoo heen koo.

8-kuulal jtɓiiwal:

Kala naatoowo e fedde ndee yo o haalane darnde fedde ndee haa gasa ko adii omo naata, so omo hawraa darnde fedde ndee o naatne, so o hawraaka o waasa naatneede.

9-kuulal jnɓiiwal:

Nate ƴiiƴiije, nakaɓooji coofɗi (ƴiiƴiije),ƴattondiro, nan-nanti, wajondiri e kala ko ina jibina fitina haɗa kaɗgol teeŋtungol (lunndo gollal ngal kuulal). 

10-kuulal sppɓiiwal :

Kala lunndiiɗo kuule ɗe ina yaltinee fedde ndee, firti ko oon araani gollodaade e fedde KAWTAL PULAAGU WINNDERE.

11-kuulal sppg-ɓiiwal:

Kala mo ina addana fedde miijooji juɓɓuɗi, ballitooji fedde ndee to senngo ngartam ina yiɗaa sibu ko ɗuum woni sabaabu fedde KAWTAL PULAAGU WINNDERE.

12-kuulal sppɗɗ-ɓiiwal:

Doosɗe fedde ndee moni kala ina haɗaa naatde e gollal goɗɗo o, so wonaa oon ɗaɓɓitiri-mo ballal, so tawii won ko o faamaani yoo ɗaɓɓu ballal oon walla-mo fotde ko oon waawi wallude mo koo. Kono ɗuum haaletaake e nder batu mawngu walla e nder batirde ko hakkunde maɓɓe tan ɓe mbaɗdata ɗum.

Kuule tonngaaɗe ngam fedde KAWTAL PULAAGU WINNDERE. Ina waawi ɓeydeede so tawii en njiyi ko ina felmoo golle fedde ndee. 

Hoyreejo, Suleymaani Bah

Cukko Hoyreejo, Ummuhaani Aan (Momti gonɗi).

Ñalnde hoyre-biir 24 lewru Korse hitaande 2023