Yimre: Ɗemngal Pulaar

Ko  haɗi en hiisaade ɗemngal men e nokkuuje kaalen.

Holko haɗi hiisaade koye men e nokkuuje teddinen.

Holko haɗi en hiisaade koye men kala jeeyirɗe Pulaar ɓasen.

Pulaar kono ɗemɗe ngenndiije kaalen.

Woto loggen ngal e yonta arooɓe Pulaar mbaren.

Nokkuuje e dente kabrirɗe Pulaar laaɓɗo kaalen.

Tinndi cifti paykaaji e ɗemngal Pulaar kaalen.

Yoo Allah artir majjunooɓe ngal paamaani.

Yoo Allah artir majjunooɓe ngal njanngaani teddungal Pulaar ɓe ndokkaani.

Yoo Allah fammin paamɗo lunndiiɗo ngal ɓamtaare rokkaani.

Duunde Afirk e nder heen ngal famɗaani.

Cappanɗe joyi e tati leydi yimɓe haalooɓe ngal limtude en ngenndaani.

Noogaas e joogom ngenndi e nder ndee duunde les en nduttaaki.

Fof ina semmbi Pulaar e ganndal les en nduttaaki.

Ɓe kittini en e jeyi ngenndi ɓe paamaani.

Fof ko ngam falaade en keeri ɗi haŋki en koybaani.

Pullo ko teelal e ƴiiƴam ɗam hay gooto o nanndaani.

Yoo Allah ƴellit oon paamɗo mo lunndaaki.

Dariiɗo ina yaɓɓa Pulaar mate Mammadu Sammba Joob Murtɗo o miijaaki.

Daraninooɓe ɗemngal e pinal njeenaaje ɗamininanooki.

Yoo Pulaar jaran en fof no nguurndam e maayde nde jokkotaako.

Taƴoore goddi sagataaɓe e seemedɓe haddiiɓe gude gacce, hulɓe boomaare.

Pinal e ganndal so toowi faloo humambinnaagu.

Tiitoonde am ko ɓosaango ɓamtaare.

Tiitoonde am ko jannginde e findinde ɓeen ɗaaniiɓe fotde mum haɗaaɓe.

Haɗaaɓe fotde mum'en e jamaaji.

Haɗaaɓe e dente ngardiigu fotde mum'en ɗawaaɓe.

Allah ko gooto Nulaaɗo ko gooto.

Ndillen e nanondiral Pulaar ɓamten.

Woto ngoppen ngal men caggal keedten.

Pulaar ko ɗemngal no ɗemɗe ngenndiije njanngen.

Kuɗol Ngenndiyanke Joob

Ñalnde dewo 16 lewru Yarkomaa

Hitaande 2022 (poissy) nj 03:51