Yimre, Kaŋŋeeri Afrik.

Kaŋŋeeri Afrik tafndi callal kaŋŋe hoolaare.

Wonaa giɗgol duñi annduɓe ngenndi.

Wonaa ɓinngaagu duñi annduɓe ngenndi.

Ko golle duñi annduɓe ngenndi.

Jullaaje maaynooɗo mbilti mbiifnii ha purto-purtooɗe les mum toccini.

Kaŋŋeeri Afrik mahi townaaɗe ciŋkiraaɗe mbooltam.

Kaŋŋameeri Afrik ndiiwtundi saqqaaji.

Makki Kummba Cimmbo.

Makki Aamadu Sal.

Ndulumaaji ndawɗaa, ɗoon maande ɗalɗaa.

Senegaal ngenndi Suleymaani Raasin Baal.

Senegaal ngenndi Sayku Umaar fuuta Taal.

Senegaal ngenndi Alh Muhammadu Saydu Bah.

Tafnooɓe konu ngam momtude keefeeru.

Ahmadu bammba Bah.

Alhajji Maalik Sih.

Senegaal hettinaama e nder ndee duunde sabu ma.

En ngaraani limtude golle ma.

Ngarɗen ko semmbinde darnde ma.

Afrik ina yooɗa golle ma.

Makki mahii maande jeertinoore ɓesngu leydi.

A jooɗoraaki tan e ndee gannginorde ngam alɗinoraade ɓiɗɓe ngenndi.

Kaa maamaawi njibinki dow jeeri.

Ko ɗoo sammooɓe mbaɗdi adaa e ndii jeeri kocci tawii ina waɗi keeri.

Afrik bannge wargo.

Afrik bannge rewo.

Afrik hirnaangeeri.

Afrik hakkunde Muhammed Buhari Senegaal innde o tottii.

Senegaal seerndi goonga e fenaande fof Makki ɓe manti.

Makki maɓɓii moƴƴere fof Senegaal o addi.

Afrik fof seedti hay huunde alaa ko ɓe njeddii.

Kuɗol Ngenndiyanke Joob