Yimre: Holko woni neɗɗo?
Ñalnde Njeslaare 21 lewru Seeɗto htnd 2021
Mbele wonaa gila o suwaa neɗɗaade o neɗɗi !
So neɗɗo ko neɗɗo mbele omo neɗɗii ?
Mbele ko tago ngoo wiyetee neɗɗo ?
Holto neɗɗo ummii ?
So baaba Aadama ko tago, ko e makko njaltuɗaa !
Kono anndu ɗoon timminaani ma neɗɗo !
Nde muuyaaɗe ngadii gadane ma.
Dihal soora e rannga laatiɗa.
Muuyanteeje njooɓneɗa.
So annama neɗɗaagu wutte mum ɓoorneɗa.
Ndiyam e diƴƴe mum ndeeneɗa.
Hay jeyngol e nguli bone mum kisneɗa.
Timmal e tago Geno semmbin-ma.
So baaba ko ƴiiƴam Neene ko muynam.
Lebbi jeenay e balɗe sappo koyɗi hay e ɗoyɗi o tinata.
So malu ko goonga Neene ko damal.
Aljanna ko mbajju janngo duwaaw makko omo mojmaa.
Holko woni neɗɗo ?
Neɗɗo ko tago tagaaɗo e muuyo Geno.
E peeñdi timmal aade o tottaa.
Hakkille e martaba mbaydi mum tufnde o yarnaa.
Kala miijo e golle bolol mum o rewnaa.
Taare Allah, o ceniiɗo mo golle mum kuuɓata.
Taare Allah, o muuyɗo diƴƴe e liɗɗi nder mum pajjata.
Kulle e tagooje mum ceertuɗe keewal mum kuuɓata
Neɗɗo, o noddaa o nanaani o findinaa o finaani !
Noddaandu Allah o noddaa kono o nootaaki.
O falii o falkisii haa o falaa e lekki yanaande o falaa o tinaani.
So duusooɓe ko moƴƴuɓe yanaande ngasi ɓe ngaasti.
Ɓooyaani neɗɗo ɓe njolli tan leydi ɓe njoorti.
A findinaa ma e finaani e hirjinaama a hirjaani janngo jenngat Geno a yottaaki.
So neɗɗaagu ko pinal janngu
So neɗɗaagu ko ganndal janngu sa janngii leñol janngin.
Dewɗo aduna e faandu njelaari.
Dewɗo aduna e nifga njeenaari.
So aduna ko jaŋde Diine Allah mi reenat.
Faatiha e simoore mi huñoo.
Allah mi rewaa ha koyɗe natta daraade.
Njooɓaari :
Mi yooɓo fetel e njuulaawi.
Piyanɗe Diine tuy tuy kala ko wonaa Diine mi waɗa huy.
Sanngaraaji simmdeji bonɗi haako lekkuule ɗaaynooje.
Tuubal ine yuurti hay neɗɗaagal ine yurminii.
Kuɗel e birgatel luɓam ñamlam.
Cagatal fuuyufaaya-yal ngal hulaani hay Allah ngal ƴeŋƴaaki.
Neene e baaba ine cabbi !
Cagatal ine jooɗi to nokkuure karte pettetee.
Ina fetta ina toɗɗito.
Kuɗol Ngenndiyanke Joob
Commentaires
Enregistrer un commentaire