DILLERE LAAMUYANKOORE (SEN)

Ñalnde 8 Mbooy hitaande 2021

Dillere laamuyankoore Senegaal.

Usmaan Sonko: gardiiɗo lannda pastef, tuumaaɗo ine yottii cukalel dewel hono Ajaa Saar, gila ko ine tolnoo he yontere ekn. Ñalnde Mawnde 5 lewru Mbooy hitaande 2021 geew mawngu woni hakkunde gardiiɗo lannda pastef he wondiiɓe mum he laamu ngu. Ko ngarmi ngaraa hakkunde sukaaɓe leydi ndi, ɓe ngannduɗaa ngondi ko he Usmaan Sonko ñalnde 5 lewru Mbooy htnd 2021 o noddaa to suudu kurumaaji (galle ñaawirdu). O heɓaani yottaade tawii waylii piɓle laawol makko, ko ɗoon wondiiɓe Usmaan Sonko mbaɗdi ngarmo ngaraa hakkunde mum'en he laamu ngu, gardiiɗo lannda pastef mawaa to galle dadiiɓe o uddaa toon ko ine tolnoo he balɗe tati ekn. Ñalnde dewo 7 lewru Mbooy htnd 2021 hoyreeɓe ardiiɓe Diine leydi Senegaal mbaɗi mojobere ngam haaltidde he ɓesngu leydi ndi; ngam ɓe ngoppa koɓe mbonnata ko. Ñalnde Naasaande 4 lewru Mbooy htnd 2021 to ''Duɗal jaaɓi haaɗtirde ngal Seek Anta Joob'' ɓe mbaɗi toon seppo, ngarmi ngaraa hakkunde maɓɓe he dadiiɓe ɓe, heewɓe ngaañiima heen, tawii ko he ngoon seppo. 

Ine wayno wonaano tan seppo ngam goppitgol ardiyanke lannda pastef (US) ɓe kelii heen jeeyirɗe he nokkuuje dowrowe jeeyirɗe, ko wayno Auchan ine anndaa ndu yeeyirdu wonaa senegaalnaaɓe he koye mum'en ngaafindu, ko ngalu caggal leydi-yankoowu; ñalnde heen tato caŋkii heen hay sinndo ko he diiwaanuuji ceertuɗi he nder leydi Senegaal. Ñalnde mawnde 7 lewru Mbooy htnd 2021 to ndakaaru jaale diineyankooje ɗe kawriti he nder wuro Laamorgo ngo ngam yeewtidde ko abbitii he wuurtinde nguurndam leydi ndi, he etaade artirde jam he kisal nder leydi ndi. Hono galle Ceerno Seek Umar Taal, galle Ceerno Alh Maalik SIH: dentaangal galleeji Diine ɗi fof lomtini ɓe konngol he yeewtidde he ɓesngu leydi ndi, hartaade bonanndeeji maɓɓe ɗi ekn. Ñalnde dewo jamma ndeen yeewtere yuɓɓinaa he sifa keeriiɗo, ngam yamƴinde hakkillaaji sukaaɓe ɓe he woppude bonanndeeji ɗi ekn. 

Ñalnde Aaɓnde 8 lewru Mbooy htnd 2021

Hoyreejo mawɗo leydi Senegaal, hono Alh Makki Sal fellti yaafaade gardiiɗo lannda pastef, kono ko he dow sarɗi, omo fawaa sarɗi: ɓe teetttat dentaangal ɗereeji maɓɓe ɗi ngannduɗaa ine mbaawi yaltinde leydi ndi ekn, ñalawma kala o arat o siifa he kaaytol seedantewol wonde omo he nder leydi ndi. Hannde ngonɗen ko he ñalnde Aaɓnde 8 Mbooy htnd 2021 hoyreejo mawɗo lannda pastef Usmaan Sonko yaltii he galle Dadiiɓe kono kadi soo en njiɗii mbiyen o yaltaano sibu ko ñaawoowo o ñaawi he makko koo. 

Kuɗol: Ngenndiyanke Joob

Ñalnde Aaɓnde 8 Mbooy htnd 2021

(Poissy fr)