ALLAH CENIIƊO
Ngenndiyanke Joob
Ceniiɗo e calɗi semmbeende.
Laaɓtuɗo golle ko aldaa e tago majjeende.
Jom gannde ko aldaa e luure tagooje.
Jom semmbee e nuunɗe ƴellitaare.
Ndooguuji e leyɗe balɗe jeegom ganngurneewal jooɗtoyiiɗo
Jom ndooguuji e leyɗe ko aldaa e majjere tagooje.
Aan laatiiɗo gooto ballal a wonaa ɗaɓɓitoowo.
Cañɗo koode siŋkiri ndoogu ngam yaynaade.
Allah yoo allah feewnu am e nduu suudu adunaaru.
Laatiindu galle halkaare.
Ɓeen rewɓe e puure laatii dunndu ina ndunna e miijooji.
Allah ko ballo mo alaa ballidiiɗo.
Laatiiɗo gooto mo alaa diisno-diiɗo.
Tagɗo maleykaaji ceniiɗi jamirooje ɓe ngonaa ruuɗiiɓe.
Allah yoo Allah laaɓtuɗo golle mo alaa denndidiiɗo.
Tagɗo mo Muhammadu ɓure ɓurnanaaɗo.
Muhammadu gooto dokkal ɓurnanaaɗo.
Laatiiɗo Muhammadu ɓiyii Abdullaahi.
Laatiiɗo Muhammadu ɓiyii Aamainata.
Yurmeende aduna ko ballal ma min ndañirii.
Yurmeende laakara ko e ballal maa min ndaɗirii.
Gadiiɗo woodde mo goodaale ngoodirii.
Gadiiɗo woodde mo tumaaji enɗe ngoodirii.
Laatiiɗo caafal ngal binnde kuutorii.
Mo weeyo e higgu yimɓe cuɗorii.
Mo kaaƴe e ndiyam sabu mum ngoodirii.
Mo yimɓe e baralli lesdi sabu mum ngoordirii.
Ñalnde cafu mburaangu ndooguuji alaa ɗo ngu heddirii.
Alaa kumpaaɗo so wonaa oon mo gite ngumirii.
Allah ko toowɗo ballal alaa ɗo heddirii.
Hol mo yeddii ɗii keeri ɗi o hoddiri.
So wonaa oon mo melse jiyɗe aduna o laŋkorii.
Muhammadu innde tokara alaa ɗo o heddirii.
Fitirla diine yaynii alaa ɗo o majjiri.
Kuɗol Ngenndiyanke Joob
Mo Rabat Madiina Gunaas.
Commentaires
Enregistrer un commentaire