Yimre, Tiitoonde: Afrik

Ñalnde Aɓnde 25 lewru Jolal hit 2019.

Ndee yimre winndaa

Jimol pulaar Afrik.

H1

Añɓe cummbi cajii jeere men fusaama.

So dental wonnoo doole ngal afrik fusaama.

Laamu ɗeɗɗel gundo jaggaama.

Penaale dimare en poolaama.

So doosɗe leydi en mbaraama.

Weeyo gannde men teettaama.

Ɓesngu afrik en mbaraama.

Ɓee heen ndummbaama.

Jaambareeɓe cokaama coktirɗe e geeƴ mbeddaama.

Sibu dewal Geno gooto tedduɗo o tebbuuli men e jeynge njuɗaama.

So dental wonnoo doole ngal ɓamtaare afrik fusaama.

H2

Afrik..........!

Tooma sankara.

 Tooma sankara sankaama sibu daranaade ngenndi mum.

Pettooje petti ngam haɗde ɓamtaare ngenndi mum.

Tooma sankara sankii penaale keewɗe e nder ngenndi mum.

Ko noon Nelson manndelaa tafnooɗo kure e conndi ngam sañde ngootaagu ngenndi mum.

Konngo dilli ngam patiris lummbumba jaggaama.

Añɓe ngulli luuki ngam ngalu dañaama.

Nde ɓee colɓitii caami nganndumi afrik so ñiiƴe ngonnoo ƴakkirɗe mum colaama.

Afrik bannge hiirnaange woyii gite cim-cim nde ƴiiwoonde mum mawnde saayi ndee hono mum ƴiiwtata.

Nde farayse amerik pettini pettooje mum to ngenndi libi, ko ndeen israa'iila e palastiin iraan e iraak cummbi cajii ndeke ɓe ngannda ko bone mawɗo dooki, nde gulaali ngulli wiyaa laamu kadafi solɓitiima, ko ndeen toɓo baalaaje caggi kaggi.

Ndeen ɓernde am siññi gargar njanmi jaangol.

Nde mojeteemi tawii bone feccitii afrik bannge hirnaange.

Ndeen occidentaux e gardagol farayse laati kuboori afrik bannge hirnaange bone dooki jam ndaarta roŋkaa.

 Ko ndeen farayse diwooje ndiwi wirwir haa ngenndi Aamadu tumaani tuure coytooje cayti hakkunde jam e bone.

O ƴiiƴiiwo corto coofɗo colɗo, mboddi mbonndi ndookndi tunngi bone mum afrik.

 Makro, wonaa makro, ko o maakɗo-koron marki bituuji boomaare afrik.

Jeeyɗo ndol-ndolaagu afrik.

E jogaade kaɓirɗe boomooje pittaali pittooje jamalun artira fitinaaji.

Ngoo waraango haɗii en joɗnde haɗii en nii hay ɓamtare.

Sarngo sarkiti saaki kabaruuji e leyɗeele dunaaje. 

Afrik ko ngenndi jam keewndi barke e barooɗe.

Laatinoondi ngenndi fitiram-golleeɓe.

Tijjaani Aan Elimaan Sammbooru barka.

Murtuɗo Mammadu Sammba Joob

Yero dooro Jallo

Mammadu demmba sih.

Alh Saydu booli Kan.

Yoo Geno yurmo on yaafo.

Gelongal Bah.

Ibrahiima Umar kan katante leñol.

Njaay Saydu Aamadu.

Ceerno Jalaalidiini Bah.

Yoo Geno juutnu nguurndam mon semmbina darnde mon haa cemmbinon ɓure ɓurnaaɗe ngenndi mon.

Haa laatoɗon sahabaaɓe Nulaaɗo gooto mon. 

Kuɗol Ngenndiyanke Joob.