Ngenndiyanke Joob

Ñalnde Aɓnde 25 lewru Jolal hit 2019. Ndee yimre winndaa Jimol pulaar Afrik. H1 Añɓe cummbi cajii jeere men fusaama. So dental wonnoo doole ngal afrik fusaama. Laamu ɗeɗɗel gundo jaggaama. Penaale dimare en poolaama. So doosɗe leydi en mbaraama. Weeyo gannde men teettaama. Ɓesngu afrik en mbaraama. Ɓee heen ndummbaama. Jaambareeɓe cokaama coktirɗe e geeƴ mbeddaama. Sibu dewal Geno gooto tedduɗo o tebbuuli men e jeynge njuɗaama. So dental wonnoo doole ngal ɓamtaare afrik fusaama. H2 Afrik..........! Tooma sankara.  Tooma sankara sankaama sibu daranaade ngenndi mum. Pettooje petti ngam haɗde ɓamtaare ngenndi mum. Tooma sankara sankii penaale keewɗe e nder ngenndi mum. Ko noon Nelson manndelaa tafnooɗo kure e conndi ngam sañde ngootaagu ngenndi mum. Konngo dilli ngam patiris lummbumba jaggaama. Añɓe ngulli luuki ngam ngalu dañaama. Nde ɓee colɓitii caami nganndumi afrik so ñiiƴe ngonnoo ƴakkirɗe mum colaama. Afrik bannge hiirnaange woyii gite cim-cim nde ƴiiwoonde mum mawnde saayi nde...

Ñalnde Aaɓnde 25 Jolal hit 2019 Maa en ndaɗɗoy peeje sahaa nde goodgol koɗki saɗti. Sibu pulaar wiyi : ɗaɓɓoowo ɗo daɗi o woƴaaka ko o dañi. Daɗɗugol , lunndaade ɗee pelɓondire maa wonan peejeen yeeso ngartam. Ko ɓuri hannde tampinde ndee duunde afrik laamɓe mum; kono afrik ko duunde sariinde gannde, heewnde paggorɗe ngaluuji. Tiɗɗiinde gannde fannuyankeeje, gila e kuɓɓam ndeelam ekn, ngoo wertaango ko heewngo barke. Tesko Gine ngenndi Seeku tuure jaayaandi laamuyankooɓe, gannde diine lislaam-yankooje, kaŋŋe kaalis, caalli ilooji dulɓittooji gabbe guurnooje renndo ɓiyi Aadamiyanke. Muritani ngenndi keewndi jamɗe tammbotooɗe winndere, leydi tiɗɗundi gannde diine, e jaambareeɓe annduɓe saliiɓe yawaare foofirooɓe katantaagal ngam teettude ndimaagu leñol. Yarlitaniiɓe ngootaagu leñol. Mali ko ngenndi keewndi kaaƴe tafirteeɗe ko heewi e ɓamtaare renndo, teeŋti e renndo tuubakiri; tawii ko ngaluuji ɓiɗɓe leydi yowitiiɓe e ngenndi mum, warñooɓe jamma e ñalawma subaka e kikiiɗe, ɓe warngooji k...

Ñalnde Mawnde 22 lewru Jolal hitaande 2019 Ndee winndannde mbiɗa ɗaminii maa wood ɓe nde jaytii haa tina no moƴƴi. Kono so yehii haa o janngi nde no moƴƴi mbiɗa ɗaminii maa o faam tigi ko woni goonga o. Ko ardii fof en njuutnotaako e sifaa ndee winndannde jogornde winndeede. Ko ardii fof winndi ndee winndannde ko musiɗɗo mon Ngenndiyanke Joob jeyaaɗo cuuɗi men Rabat hoɗngo e diiwaan Madiina Gunaas; wuro men teddungo ngo, hono Madiina Gunaas, wuro ceerno Seek siraaji diini, seek Alh Muhammadu Saydu Bah mo Madiina Gunaas. woni sabaabu ndee winndannde ko sahaa fof dille wootore e kinɗe fulɓe ine haale ngam yiɗde feññinde ndeen hinnde maccuɓe. Haa hannde njiyaagu ine heddii e leñol ngol. ( Maccuɗo teelal, maccuɓe keewal )” ko ardii fof holko firti maccuɗo ɗo ko laaɓndal? Mbele ko maccuɗo mo Geno haalata o walla komo yimɓe kaalata o, ɗo ko laaɓndal? Ndee winndannde en njiɗaa joopaade to senngo diine. Ɗacciden e oon fannu Jalaalidiini Bah e Gelongal Bah en. Njiɗɗen joopaade koto senngo p...

Ñalnde hoyrebiir 2 Jolal hitaande 2019.            (Waala-fenndo, puwaasi) poissy Ceerno am Jalaalidiini Bah, ka jaalal ngenndi Coomɗo mbaykaaji pulaar e kijjanɗe mum. Lomtinɗo gannde diine e ndii ngenndi mum. Cuusɗo caasɗo jaawɗo kuɗol ellee kure caytooje e hakkunde pal-palol njabaaje ngenndi mum. Jaawɗo junngo mo woofata joopannde mum. Madiina gunaas malaama dañii tooma sankara darinooɗo haɓaade humambinnaagu e nder ngenndi mum. Jaalal diini ɓoorniima wutte ngam fellude fiyannde jihaadi Geno gooto mum. Taawnuɗo mbajjiri e kala golle mum. Ceerno Jalaalidiini Bah, ka maayo mawngo ngo horngo mum weeɓata. Pulaar summbiima sajiima ndeke en paayata. Sibu waalaree ma ko timmunde e nder renndo ma. Ka tafɗo konu pulaaryankooɓe ine ndewi e maa. Ka newiiɗo moƴƴo mo hono mum weeɓata. Ka kooli ngenndi, koɗndi e taariindi lekkuule ŋakkata. Ɓokge, jaaɓe, jammuule, boode tunngi e ndii ngenndi ma. Sahre aynaaɓe e remooɓe njaasata. No...