Jimol Ceerno Jalaaliddiini Bah

Ñalnde hoyrebiir 2 Jolal hitaande 2019.
           (Waala-fenndo, puwaasi) poissy

Ceerno am Jalaalidiini Bah, ka jaalal ngenndi
Coomɗo mbaykaaji pulaar e kijjanɗe mum.
Lomtinɗo gannde diine e ndii ngenndi mum.
Cuusɗo caasɗo jaawɗo kuɗol ellee kure caytooje e hakkunde pal-palol njabaaje ngenndi mum.
Jaawɗo junngo mo woofata joopannde mum.
Madiina gunaas malaama dañii tooma sankara darinooɗo haɓaade humambinnaagu e nder ngenndi mum.
Jaalal diini ɓoorniima wutte ngam fellude fiyannde jihaadi Geno gooto mum.
Taawnuɗo mbajjiri e kala golle mum.
Ceerno Jalaalidiini Bah, ka maayo mawngo ngo horngo mum weeɓata.
Pulaar summbiima sajiima ndeke en paayata.
Sibu waalaree ma ko timmunde e nder renndo ma.
Ka tafɗo konu pulaaryankooɓe ine ndewi e maa.
Ka newiiɗo moƴƴo mo hono mum weeɓata.
Ka kooli ngenndi, koɗndi e taariindi lekkuule ŋakkata.
Ɓokge, jaaɓe, jammuule, boode tunngi e ndii ngenndi ma.
Sahre aynaaɓe e remooɓe njaasata.
Nodduɓe dental sañnjantooɓe ngootaagu.
Ceerno Ahmadu tijjaani Bah woni baaba ma, kono ko almudaagal tan cañnjontoɗa.
Madiina gunaas wiymaa seydi Bah.
Ka kolaaɗo e ndii ngenndi ma.
Sahdatu, rabat ko e jeyal ma.
Barkaatu, lislaam ko e ngenndi maa
Daarul-hijjiratu ko e pal-palol maayo aljanna ngenndi ma.
Ceerno am Jalaalidiini Bah, mo madiina gunaas wuro sunna Annabi ma.

Kuɗol Ngenndiyanke Joob
Mo rabat hoɗngo e diiwaan madiina gunaas wuro diine, wuro sunna tabital pulaagu laamorgo tijjaaniya.