Daɗɗugol peeje Afrik

Ñalnde Aaɓnde 25 Jolal hit 2019

Maa en ndaɗɗoy peeje sahaa nde goodgol koɗki saɗti. Sibu pulaar wiyi : ɗaɓɓoowo ɗo daɗi o woƴaaka ko o dañi. Daɗɗugol , lunndaade ɗee pelɓondire maa wonan peejeen yeeso ngartam. Ko ɓuri hannde tampinde ndee duunde afrik laamɓe mum; kono afrik ko duunde sariinde gannde, heewnde paggorɗe ngaluuji. Tiɗɗiinde gannde fannuyankeeje, gila e kuɓɓam ndeelam ekn, ngoo wertaango ko heewngo barke. Tesko Gine ngenndi Seeku tuure jaayaandi laamuyankooɓe, gannde diine lislaam-yankooje, kaŋŋe kaalis, caalli ilooji dulɓittooji gabbe guurnooje renndo ɓiyi Aadamiyanke. Muritani ngenndi keewndi jamɗe tammbotooɗe winndere, leydi tiɗɗundi gannde diine, e jaambareeɓe annduɓe saliiɓe yawaare foofirooɓe katantaagal ngam teettude ndimaagu leñol. Yarlitaniiɓe ngootaagu leñol. Mali ko ngenndi keewndi kaaƴe tafirteeɗe ko heewi e ɓamtaare renndo, teeŋti e renndo tuubakiri; tawii ko ngaluuji ɓiɗɓe leydi yowitiiɓe e ngenndi mum, warñooɓe jamma e ñalawma subaka e kikiiɗe, ɓe warngooji kaɗi ƴellitaade, sariiɓe saakiiɓe; fulɓe tuumaaɓe warngooji teppaaɓe e hakkilantaagal haɗaaɓe ndimaagu leydi ! Senegaal ko ngenndi seerenɓe annduɓe, yottiiɓe Geno. Kaarndi barke ŋakkaandi ɓesnooje, tonngiindi ndema e ngaynaako, hono  leyɗe taariiɗe ɗumen ɗe, mali muritani Gammbi. Senegaal ko leydi peeñndi kuɓɓam e kaŋŋe ekn, kono ko ŋakkaandi ardiiɓe, ɓaawo nde ngalu mayri ɓiɗɓe leydi ŋakkaa heen doole. Sariyaaji mayri pusi, bawɗi e sabareeji tunngi, wonde laamu farayse fawii e ngu ngalu juuɗe mum. Gila to kuɓɓam, to kaŋŋe haa diwooje ekn, faraysenaaɓe pawi heen juuɗe mumen.

Kuɗol Ngenndiyanke Joob