Maa o yiy

Ñalnde mawnde 19 siilto hitaande 2019
             Kuɗol Ngenndiyanke Joob

A soodi comcol ngol to nokku yeeyrdu maggol; a nawiingol a waɗtiima ngol tuundi wayliingol. Hanti sakku peeje nongol lootiraa haa ngol laaɓa cer ko adii angol hoota to ngol immorino !!

Ine anndaa noon comcol coodangol nokku mum yeeyirdu tawata ko ine laaɓi cer.

Ñalnde mawbaare 20 lewru siilto hitaande 2019

Kuɗol :
Ngenndiyanke Joob

Firo ngoo :

Neɗɗo nde o jibinaa nde o ari ko omo laaɓi cer e bakkaat. Nde o jibinaa haa o dañi duuɓi kellifuya. O fuɗɗiima anndude ñaamo makko e nano makko, hanti o naatondirii he aduna. O fuɗɗiima tuunde e kala sifaa tuundi, e kala tuundi ndi o tuuni; hanti ine jojjani-mo waɗde feere o laaɓa e ndiin tuundi ko adii kasaŋke e ŋabri makko. Tawde fooccannde ko gollal laaɓtungal. Sibu maayi “(maa yiy), firti ko maa o yiy ko o gollunoo ko; so moƴƴu so bon, fof ko o jiyoowo. Tawde won ko o golluno; ngaal gollal tuma nde o gollata ngal nde omo joginoo fayndaare makko heeriinde. To diine to sunna. Harannde e haatannde nawaani neɗɗo aljanna. “Yontii maayi e maa o yiy nde seerndete sibu ko konngi ɗi facciro mum njiida. Maayi e maa o yiy ine ceerti saɗne. Hay sinndo ine nanndi to senngo wowlaandu ine seerti to senngo gollal.

Kuɗol : Ngenndiyanke Joob