Laaɓnde helmere fulfulde

Ngardiindi he innde Allah jom yurmeende huuɓtidinnde gaayi to aduna. Jom yurmeende newaniinde juulɓe to laakara.

Ñalnde hoyre-biir 26 siilo hitaande 2019.

Helmere, walla (mbayka).

Heewi hannde konngol fulfulde huutoraa, tawii won heewɓe wayɓe no Ngenndiyanke Joob nganndaa ko helmere nde firata e pulaar. Ena jeyaa e ko ɓeydi en, waɗde nde winndannde ngam waɗde laaɓnde, anndude ko nde helmere firata pirana'en nde, ɓe ceerndanaa en teewu ngu he ƴiye ɗe haa laaɓa cer. Sibu en njanngii he deftere ceerno Abuubakiri Muusaa Laam, en njiyi innde Ibnu fulani yaa won sikkuɓe ko kanko addi innde fulani nde, he renndo fulɓe. Won wiy-ɓe ful ko jooforde gollal. Kono ala-e-sago paamen nde helmere ɗo fuɗɗii e to nde he renndo fulɓe. Sibu tuubakooɓe mbiyi (les peulh), ina waawi tawa ko innde ful nde woni ɗoon, sibu pul e peulh ena nanndi, nde tawnoo alkule pulaar ena mbayloo, walla luɓondira. So tawii peulh woni pul, ena waawi tawa kamɓe tuubahaakooɓe aɓe nganndi ngol leñol ko ɓooyngol tigi tigi.

FULFLDE.
Ful, fut, fud : ɗee wonko tinndinta wo de ful ko fulfule, fut ko fuuta koɗorɗe fulɓe nde tawnoo kala to ɓe koɗi ɓe nginnirta ɗoon ko FUUTA ko e tawaa ngal maɓɓe jeyaa, nde tawnoo ko kamɓe tan keewno ɗoon hoɗde. Waɗde helmere fulfulde ndee ko ɓooynde, tawde ɗemngal waawa adaade leñol woodde?. Ena foti faameede so tawii ko Ibnu falani o addi innde nde, walla ko nayi maɓɓe puli ɗi ngaddi innde ndee, walla ko fulaade (fulde), tawde no mbiyɗen ni ful ena waawi wonde jooforde gollal. Banndiraaɓe koori wonde pullo ina weli, sinndo pullo maccuɗo majjuɗo o ina nganndunoo ko woni e wonde pullo no wayi welde e dakmude alaa ko yiɗata wonde so wonaa wonde pullo.

So tawii pergitanɗe mbaɗii amin ñaagi on yaafuya, sibu aadee timmaani, so wonaa Nulaaɗo Allah (SAW), Mo jam e kisal ngoni e mum. Yoo Saganke taas en e barke makko (Aamiin). Kuɗol Ngenndiyanke Joob rabat he diiwaan mo Madiina gunaas.