Ñalnde Hoyre-biir 1 lwr Juko 2026
Holko haɗi mo wonde?
Ko oon baɗɗo mi wonde.
Holi kaɗoowo-mi wonde?
So wonaa oon baɗɗo mi wonde.
So wonde haɗii kam wonde.
Tawii koto potnoomi wonde.
Mbele mi fotaani ruttitaade oon baɗɗo mi wonde.
Wonde ko-ko waɗaa woni.
Woni woni haa woni ɗo woni.
Ndeen wonde fotaani haɗde mi wonde ɗo potmi wonde.
Somi miijiima tumaaji haŋki.
Mi miijiima tuma hannde.
Mi miijiima tuma garoowo janngo.
Wonko wodnoo ɗo haŋki nattii ɗoo woodde hannde.
Mbele nattunoode ɗuum woodde jibinanaani en goɗɗum?
Oon haŋki momi ruttittaako ruttinantaake.
Oon haŋki maamiraaɓe cañnoo pinal.
Ɓe cañiringal yogaaɓe heen fotde yaɓɓude.
Yogaaɓe heen hakkillaaji tonngude.
Yogaaɓe heen tonngude haa tiiɗa jiyaaɓe waɗtude.
Noddiraɓe maccuɓe fuuntaɓe peelelaagu hoɗnaɓe.
Caltoɗee ɗii fuuntiiji mbari on ndimaagu kaɗi on.
Liggoɗee ndañon njiyaagu haɗa on.
Pelliton wuurde he maayde he ndimaagu mon.
Mo noddiraa maccuɗo welto.
Ndimmba caayal laɓɓe ina yuwtoo.
Ndee majjere boni haa nanndi he peelelaagal.
Pullo tan ko Ceerno siraaji diine.
Ko Allah rokkunoo Annbaaɓe tan rontini-mo.
Ganndal diine he tijjaaniya o walli en.
Ko ɗii boli o rewni en.
Caloɗen caltoɗen fuuntiiji hakkillaaji ina kuutoroo en.
Enen he maɓɓe fof en ngonaani so wonaa ko en juulɓe.
Jebbiliiɓe he junngo Sayku Tijjaani.
Haa abada en ɓoorotaako.
O janngini en diine bidaaji o woppini.
O holli en ko Allah tan he Nulaaɗo kaani reweede hedditiiɓe ɓe ko jiyaaɓe ina kaani ɗooftaade.
Mammadu Sammba Joob Murtuɗo:
Dimo alaa diimaajo woodaani.
Woni dimo tan ko jiɗɗo leñol mum ɓamtingol.
Woni jiyaaɗo tan ko janfiiɗo leñol mum yantoyi he leƴƴi goɗɗi.
Sayku Umaar fuuta Taal.
Kala leƴƴi winndere innde makko he taarik ɓe janngii etee mbinndi ɓe mbinndii.
Sayku Umaar fuuta Taal.
O tawetaake hay hinndere wootere so wonaa hinnde juulɓe.
O jeyaa ko he nder fulɓe.
Kaalatenoongol gila he jamanuuji ɓooyɗi.
Ko adii nii diine lislaam.
Joginooɗo silaama diine ina fella he sahaaji nde diine saɗti keefeeraagu jaalii.
Sayku Umaar Taal ɓiyii Usmaan ɓiyii Aadama Aysaa debbo lobbo.
So en caliima feccaade.
En caliima fecceede.
So en ndentii no haɓɓere en ceertaani.
En ngittii ɗii keeri ɗi ɓural rokkaani.
En njaɓii ko en fulɓe en caliima ceeral.
Ɓural ko Allah rokkata ko mo o welaa.
Ko ɓurɗo hulde mo tan o teskii.
Commentaires
Enregistrer un commentaire