Pulaagu ko Laawol Nguurndam

Pulaagu ko Laawol Nguurndam

Konngol Harameeji jeeɗiɗi

1- Buuɗal yurmeende

2- Ƴellitiingal e innde Geno

3- Yo jam ñallu haa to ciiñciiɗe maa kaaɗi

4- Ɓesngu ina e wuro, jawdi ina sarii e ladde harimaaji

5- Yo yitere maa reen

6- Kala ko njey-ɗaa min coodtirii ɗum

7- Biigi baggi, gayi dimaaɗi e ƴiiƴam sagataaɓe

8- Minen ɓiɓɓe Fulɓe min ngoondanii ma

9- Harameeji jeeɗiɗi ɗi min pirtataa.

 

Harameeji jeeɗiɗi Fulɓe

1- Min ngujjataa

2- Min penataa

3- Min kulataa

4- Min njamfotaako

5- Min taƴataa enɗam

6- Min pirtataa aadi

7- Kala ko dañaa ina renndaa, min ɗawataa.

 

 

Aadi Fulɓe

 

1- Min piɓii ɗii ɗoo harameeji jeeɗiɗi ɗi min pirtataa

2- E laawol pulaagu ngol min ndoni

3- E Baaba Kikala kam woni maama Kala

4- E Neene Naagara kam woni sabu kala

 

5- Min piɓii ɗii ɗoo harameeji jeeɗiɗi ɗi min pirtataa

6- E barke kosam e nebam

7- Min piɓii ɗii ɗoo harameeji jeeɗiɗi ɗi min pirtataa

8- Foroforoondu ina seedii

9- Kam woni mawɗo sippooɓe

10- Kam woni mooftuɗo sirlu burgal kelli, ɓirdugal baddi e lahal eeri

11- Kam humpitii ko boloŋ e sumalle kosam kaalata.

12- Min piɓii ɗii ɗoo harameeji jeeɗiɗi ɗi min pirtataa

13- E yeeso kuumeen kam woni mawɗo aynaaɓe

14- Mo Geno Dunndaari resndi duruunde harimaaji

15- Caalli e beeli e daabaaji wuro e ladde

16- Kam wakki sirlu Sawru nelɓi e boggol daɗol

17- Kam foɓɓii ndurmbeele, cabbi nayi ndewi heen

18- Kam soggiti koobi, forli lelli, bille e tewdi to ladde tuulaa-heelaa

19- Min piɓii ɗii ɗoo harameeji jeeɗiɗi ɗi min pirtataa

20- E toraade Ndokuwal Caamaaba ba bacce kaŋŋe capanɗe jeenay e jeegom

21- Yo min male jawdi e cellal

22- Min piɓii ɗii ɗoo harameeji jeeɗiɗi ɗi min pirtataa

23- Yo Geno Dunndaari wuurnu min, suura min, daɗnda min

24- No O daɗndirnoo Ndaw e nder jeereende

25- E ngenndiiji nano e ñaamo

26- Gila njaajeeri cooya haa sahaal haa ɓaleeri haa maaje geec

 

Aamadu Saajo Jah