Tooma Sankara

       Tooma Sankara (BF)

       Tooma Sankara 

Seeɗa he golwolol ngol o waɗduno he miñiiko debbo kanko Tooma Sankara.

Nde tawnoo koo gorko pinnooɗo, keewnooɗo njalniika he nder nguurndam makko. Sahaaji a wiyatno ko o mogiyanke, hakkee makko wonde yeewtiyanke njalniika.

      Janngu ndee winndannde TS

Tooma Sankara: meeɗi waɗde sahaa gooto miɗo fijiranno lapseer (mbokko), miɗo mbokko tan haa mbarmi gertogal neene am mi tinaani. Oon tuma cikkannoomi ko miin tan woni ɗoon, ndeke mawnam debbo ina ɗoon ndaarami. O wiyi kam rokkam buuɗi noogaas (100f) mi waasa haalande neene; Tooma Sankara: heɓɓitii wiyi mo hay mbuuɗu mi alaa, tinno woto haalan neene so wonaa ɗum omo waawi fiyde kam. 

Banndum debbo Tooma Sankara: janngo he mum tan neene am wiyi banndam debbo o ar lawƴan am taasaaji, banndiraaɗo debbo o heɓɓitii wiyi neene am Tooma Sankara wiyi maa o lawƴu taasaaje ɗii. Ɓooytaani tan banndam debbo o ari wiyi kam, Tooma Sankara mbiymoomi naam; wonaa aɗa anndi kaa barɗo gertogal neene, lawƴoyaa taasaaji ɗi, sa gaynii pittaa nokku o haa laaɓa, so wonaa ɗuum aɗa anndi mi haala neene.  Ngummiimi njahmi lawƴoymi taasaaji ɗii haa laaɓi, pittumi nokku o.

Banndiraaɗo debbo oo: janngo mum kadi banndam o neene am wiyi yah ƴoogoya loonde nde, o ari kadi wiyi Tooma Sankara aɗa anndi kaa barɗo gertogal neene, yah ƴoogoya loonde nde so wonaa ɗuum mi haalana neene, ngummiimi kadi njahmi ƴoogoymi loonde nde haa heewi ndiyam.

Banndiraaɗo debbo oo: janngo kadi neene am neli banndam debbo o yoo yah jeere duggoya, o ari kadi o wiyi kam, Tooma neene wiyi yaa yah jeere nduggoya.

Tooma Sankara: pellitmi hanti ngarmi haa njottiimi neene am miɗo woya, gite am ina mberlo gonɗi, mbiy-mi neene yaafo kam, mi warii gertogal ma mi tinaani. 

Neen amen: nde mbarata gertogal ngal nde tawii miɗo dari takko henorde ɗo miɗo ndaarma. Kaa kulnooɗo arde yaafnaade mi, ko ɗuum woni sabaabu bannde debbo o ina huutoro ma ! Caggal hannde o wonta huutoraade ma, mi yaafimaama, jooni yah hanti a hoyti.

Tooma Sankara: ko ɗuum waɗi sabaabu kala nde mbaɗɗen bonannde ñaagiɗen yaafuya eɗen mbaawi yaafeede. Sibu Geno toowɗo tedduɗo o, so tawii a waɗii bakkaat so a ñaagiima Geno yaafuya omo yaafaade ma. 

Haala Tooma Sankara he kuɗol Ngenndiyanke Joob, teskaade ndee winndannde ko nde heeriinde waɗnde faayiida saɗne no feewi. Tooma Sankara maayi, kono ellee omo heddii haa jooni he wuurde, sibu konnguɗi makko, he jeewte baɗɗe faayiida ɗe waɗanno kanko Tooma Sankara haa hannde ina naftore.