Dawrugol (Senegaal)

DAWRUGOL SENEGAAL,

Njaafoɗon. Nguu laamu Makki Sal maa wonan fuutankooɓe ñaamaani hoore huwi leeɓi !

Colli cirii cirkii kono wonɓe paamaani ! Sammba noddaaka en nooti.

Halfinaa suudu en ndeeni boowal.

So wonɓe paamaani pammineeɓe.

So won faamɓe lunndii bone ngoppideeɓe.

Holnde paamaten tawde en pamminaama en paamaani.

Fuuta wullii luukii kono faabu ɓe ngaddaani.

Dawriyankooɓe ngoo wullaango mon min tampi.

On mbaɗii mojobe kono ngoo wullaango  caɗeele fuuta on ɓeydii.

Bone ɓeydii tenngu renngu hakkunde ngenndi laaci ficcii.

Sagataaɓe he seemedɓe bojji toƴƴii.

Ko Makki laamino nguru ɓalli o bonnii.

Fuuta holto jaambareeɓe mon ngoni laaɓndal mi werlii.

Duɗal jaaɓi haaɗtirde mate on mahii.

Nokkuuji cafrorɗi dowrowje mate on mahii.

Ilaa tuuba mate hono mum fuuta on ndokkii.

Yawaare he koongu he fuuta nder laamu Makki fuɗɗii.

Dawriyankooɓe pinee weeti.

Pulaar he nder suudu sarɗiiji on mbarii.

Sagataaɓe he seemedɓe ballal he mon  ina cabbii.

Woto ngonee powbi oɗon ŋaaka tawa ballal mon ina tonngii.

Tuma suɓngo lajal mum yonti fuuta ballal mum oɗon tommbi.

Jimi daarti he tinndi ciftinon min.

Kelle he buubaaji sukaaɓe njamiron.

Fuuta ɓunndu alaa to keddaton.

Pulaar he pulareeje ñalnde heen ngetoɗon.

Hilifaaɓe diine njottoɗon penaale mawɗe penanonɓe.

Ndakaaru he joom ñaaƴe tan Makki mahi.

O yejjitii ko fuuta lamminimo.

Fuuta he moƴƴuɓe mum fof njennaa sabu Makki.

Holi baɗlal Makki he fuuta?

No foti jaagorɗe fuuta liggotonooɗe he laamu Makki.

Ndee winndannde diidaa ko ñalnde Mawnde 5 lewru Mbooy 2024 (CS poissy).

Ngenndiyanke Joob