Batu Madiina Gunaasnaaɓe

Ceerno Ibnu Umar Bah, yoo duuso ɓooy.

Ñalnde hoyre-biir 18 lewru Colte hitaande 2023 ( stains fr)

Batu madiina Gunaasnaaɓe he ceerno Ibnu Umar Bah RTA''.

    Koolol ngenndiwol he hitaande hesereyankoore nde ɓesngu Madiina Gunaasnaaɓe he ceerno Ibnu Umar Bah RTA''.

Nguu ñalngu, ko ñalngu mbaɗngu faayiida sanne. O siftinii o hirjinii ngam juulɓe yoo ndew Allah no haanirta nii, e sunna Nulaaɗo Allah Muhammadu mo jam he kise ngoni he mum oo. Ngam neɗɗo alaa so wonaa diine mum he tijjaaniya mum. Ceerno Ibnu Umar Bah RTA'', wonaa tan he nguu ñalngu o fuɗɗii waɗde hono ɗii ñalɗi keeriiɗe he ɓesngu MG sikke alaa ko ko tabiti he mbaydi kuuɓtodinndi. O siftinii ɗoon ngam golwole mawɗe ɗe Ceerno Siraaji Diine Seek Alh Muhammadu Saydu Alfaa Hammaat Bah RTA''. « waɗdano he leydi arabyankoori ndii he kitaale 1970 he leydi arabi-sawdit ndii he wuro makka teddungo ngoo ngam won nokku gooto ina toon ɓe, ngariino ngesa ngoota ko Nulaaɗo Allah mo jam he kisal Geno ngoni he mum oo, ngaawno baan ngesa, tawii ɓe ngaawrinoo ba ko ngam mbele ɗeen lekɗe nde wonnoo ko ɗe tamorooje mbele ɗe ɓennda ko ɓuri yaawde he yaajtaade. Ndee Nulaaɗo Allah aawi ngesa baa, ɗuum woni lekɗe tamorooje ɗee; kanko Alh Muhammadu Saydu Bah o arii haa ɗoon tawii omo wondi he Ceerno Ibnu Umar Bah RTA''. O siimti ɗoon ciimtol goɗngol hakkunde makko he kaliifa hannde oo, hono Ceerno Alh Ahmadu Tijjaani Bah RTA'', » o wiyi ɓe mbaɗiino diɗɗal keeringal ɓe njehi makka, tawii kanko Ceerno Ibnu Umar Bah ina tawaa he ngaal diɗɗal, nde wonnoo he wiyde makko ceerno Ibnu Umar Bah, wonko heewi ko o waynotono Ceerno Aamadu Tijjaani Bah RTA, ceerno salanoomo kono ceerno Abdul Ajiij Bah RTA he nguurndam mum kala ko o wiyi Ceerno ina heewi jaɓde ɗoon he ɗoon. Ko ɗuum waɗi nde ɓe njahata nguun maɓɓe hajju mbaɗtindiingu he hit 20210 he nguurndam Ceerno Abdul Ajiij Bah waawni ceerno ɓe njehi nguun maɓɓe hajji. He nguu batu mbaɗngu fooye stains he konngol Ceerno Ibnu Umar Bah hono nguu batu heewaani waɗde, waɗde ceerno IUB weltiima beltagol ko ɗoon tan waawi haaɗde. Ceerno Ibnu Umar Bah koo newiiɗo kaaraysire moƴƴo beeɓtinoowo ballitoowo'', Ceerno seedtanaama ɗoon ceedtagol moƴƴol belngol ƴoognoowol ɓernde juulɗo he kergol ɓernde mum he lislaam. Dental ngal siftinii ɗoon baɗlal ngal waɗnoo he gudditgol juulirde mawnde boppu nde, to dowla Ndakaaru, ko renndinanoo he koppereeje maa tolno he buuɗi 9 he koppereeje ooro pawɗe » (9700€) tawii fof ko ɓesngu Madiina Gunaasnaaɓe mbaɗi ɗum ngam baɗlal maɓɓe fayde he ngol gudditgol juulirde ndee.  Teskaama garal ceerno Ibnu Umar Bah RTA'', he leydi farayse ko ɗum ɓamtaare heeriinde wonande ɓesngu dental ngal. Ko ɗoon he ɗoon o noddi Ceerno Alh Aamadu Tijjaani Bah RTA'', « salmondiri he juulɓe, juurondiri he maɓɓe, duwaniiɓe weltii he batu nguu. Hammee Lih ina jeyaa he harbiyankooɓe ngal dental ɗoo he Waala Fenndoo dariiɗo dadiiɗo haa wiyi weŋ ngam wallitde dental ngal. Ɓaawo ɗuum eɗen njaarna Saydu SOH he katantaagal makko ngal o daranii Ceerno Ibnu Umar Bah RTA'', haa ngonka mum ɗoo he Waala Fenndoo waawi jogaade hoolaare timmunde. Tawtoreede ceerno Muhammadul kabiir Bah''. En njuutnotaako he ndee winndannde heeriinde yoo Allah ɓeydu juutnude nguurndam Ceerno waɗa heen cellal he semmbe kanko he miñiiko Ceerno giɗo makko sehil makko, Ceerno Ibnu Umar Muhammadu Saydu Alfaa Hammaat Bah Madiina Gunaas''. 

Kuɗol Ngenndiyanke Joob''.

Ñalnde hoyre-biir 18 lewru Colte hitaande 2023 (stains fr)