Pooye Kuɓɓii ɗo niɓɓe ngoodata

Tiitoond: pooye Kuɓɓii ɗo niɓɓe ngoodata

Hannde mi jaara mo jaaroore jaari ɗo mi huuɓnata.

Ɗe pecci kammu e duule weeyo ɗe caggata.

Haayoo belaa mo tijjaani welaa moƴƴere o sojjata.

Duule e kammu kuɗi binndirɗi nder dahaa ɗi pajjata.

Aɗi mbinnda ɗo niɓɓe ngoodata.

Jaynirɗe njaynoo ɗo koode ŋakkata.

Abdullaay Njaay fellii jihaadi ɗo golle mum majjata.

Ndee maande ko jalbunde ɗo maande nanndata.

Tiitoonde mayre ko tiiɗnde e diine nde ñifata.

Sibu ko ɗe golle Allah ɗereeji aɗe mbinndaa ɗe majjata.

Njaay koo konu ɗo konuuji fof cooynoto keɓtata.

Ñaanti Madiina ɗo ñaantungal mum e nokkuuji nanndata.

Abdullaay Njaay Gunaas:

Koo mbaroodi ndi barooɗe fof nanndata.

Asli e lasli fof ndokkata.

Ko duwaaw neene e baaba mo hakkunde teew e ƴiye woorata.

Juulirɗe mawɗe e tokoose fof Madiina mballuɗa.

Baɗle e miskineeɓe ndarnuɗa.

Innde maa ko seniinde tokoraare abba ɓurnaaɗo winndere en majjata.

Yoo Allah duñcu ɗee pooye ɗe niɓɓe mum ngoodata.

Ko felo Alh Muhammadu Saydu Bah mballuɗa.

Ko darnude juulirɗe e miskineeɓe ɓaawo en ngoppata.

E darnude kaalirɗe findinirde ɗum ɗaaniiɓe ɓe ɗoyli mum en pajjata.

Njaay Abdullaay mo Gunaas majjata.

Ndee duunde ina yooɗa ɗee golle maa.

Kaa cuuɗiiɗo peeñɗo ɗo Geno feeñnu-maa.

Sibu darnde maa e dental Gunaas majjata.

Kaa cuuɗiiɗo peeñɗo ɗo golle peeñnu-maa.

Taare Allah hono ndee moƴƴere nde hono mum weeɓata.

Abdullaay Njaay Gunaas yaynii pooye ɗo niɓɓe ngoodata.

Kuɗol Ngenndiyanke Joob

Ñalnde hoyre-biir 8 Yarkomaa 2022

(Poissy)