Denɗiraagal

Denɗiraagal,

Denɗiraagal welni dental addi paamondiral.

Moni kala ina yanoo denɗum woto sukku noppal.

Denɗiraaɓe pija njala haa keelna e ngal dingaral.

Gooto fof ina feŋta konngi ngam aaynaade denɗiraagal.

Denɗiraagal weli toŋti ngal gondigal.

Haɗi mbuuñu e jinnde hoɗde e ngal dental.

Ko ɗum pinal deenngal renndo e ñiiɓal.

Ƴelliti ganndondiral haa yaajtini cehilaagal.

Pinal reeni renndo haɗi ngo carondiral.

Mahi gondigal haɗi en ceeral.

Ko ɗuum fulɓe e seereraaɓe mahiri ngal gondigal.

Tafi enɗam ha jaali e nanondiral.

Keerondiral lesɗe fof njanondira e ngal denɗiraagal.

Njaayɓe e sihsihɓe pooɗondiri ngal dewal joobo ari ɗafti-ɓe e ngal dingiral.

Sohsohɓe e jeŋjeŋɓe ndarni ngal dingiral joobo ari yimani-ɓe haa pettii ɓe ƴoori daangal, fof ko ngam weltaare haa ɓe nanndi e ñaamɓe ngal ñebbal.

Koori so denɗiraagal alaano e ngal adunal ngal tekmataano e ngal koɗdigal.

Jahjahɓe puunti Joobɓe teetti ngal kolongal, ndemi ñebbe buudi e ngal gesal.

Barinaaɓe ndewoyi dow ngujjoyi ngal kolongal kaɗi jahjahɓe wellitaade e ngal gesal.

Denɗi am ar reen ngal pinal ko pinal reeni renndo haɗi ngo pusal.

Tinndi cifti daari kelle lewe hakkunde galleeji fof jeyanoo ko e ngal pinal.

Kelle sagataaɓe e boombi e hakkunde lewlewal.

Fof ko wuurinde pinal e ganni haɗa en koongu e ngal dingiral.

En teddinirii ndee yimre ndenɗiraagu sehilaaɓe men:

Jibi Njaay to Asnde balla gonɗo dowlaaji dentuɗi Amerik.

Hajjaa Njaay to Wuro-soogi, taweteeɗo hannde waala fenndoo.

Hajjaa Faatu SOH to ndakaaru.

Jeeba soh to ndakaaru.

Ummu Jeŋ to ndakaaru.

Aysata SIH to ndakaaru.

Faarmata SIH fuuta.

Rugi A SOH to Kanel taweteeɗo hannde waala fenndoo.

Kura Joob

Hajjaa Joob.