Yimre tiitoonde: Nanondiral

Tiitoonde : nanondiral.

So en njiɗii ɓamtaade, ala e sago ndenten no haɓɓere tawa en ceeraani.

Ndenten no waande sereendu tawa en njiyaani.

So en ndentii ha en ndentinii kuleɗen no barogal  cuusol en ndogaani.

So dental wonii caali calɗi e tugaaje en ndimmbaani.

So dental ñiiɓi ha nanndii e sammeere peɗeeli en ceertaani.

So miijooji laatiima duule dirto dirto mum miijo en ngenndaani.

So laamɗo teeltiima miskineeɓe bojji en ceertaani.

So en ndentii e golle mbaɗen e kaanɗe juumre en ngenndaani.

So dental tiiɗi e piɓle en pirtaani. 

Kaaldigal e nanondiral jokkoo no en ceertaani.

So en nanondiraani hay maayde en keblondiraani.

So duttagol e miijtaade waɗii ko feere wonnde woni ŋakkaani.

Ndenten no wahre huɗo tawa en ceertaani.

So dental ñiiɓi ko aawdi renndo en kaaɓaani.

So en tintondirii e peeje moƴƴe luural en mbaɗaani, ɗoon moƴƴere kay en njommbaani.

So janfondiral waɗii e renndo anndu peeje moƴƴe en ƴettaano.

So dental ardiima anndu golle moƴƴe jommbaani.

Alaa ko janfa nafata so wonaa jibina luural ɗo annduɓe njeddaani.

So en ndentii miijo moƴƴo en ŋakkaani, jooni jam ara tawa leelaani.

So mola ƴakkii gawƴal ɓolal ko bambungal woni dañaani.

So maayde nuɗɗiniima les kaggu ko nayeejo woni nde waynaaki.

Dental ko caali no tugaaje mum en ngustaani.

So en ndentii en ceertaani ɓamtaare ara no nde eggaani.

Kuɗol Ngenndiyanke Joob