Yimre tiitoonde: Barkaatu

Barkaatu :

Wuro Ceerno Alh Muhammadu Saydu Bah.

Siñcaango no gure diine sunna Nulaaɗo Muhanmadu teddinaa.

Wuro Ahmadu Ndonngo siñcaango Diine e sunna Nulaaɗo ango teskoraa.

Sarif mawlaa kaa ganndo newiiɗo barkaatu e tunndu mum ina teskiima.

Kaa maayo deeƴngo ɗo maaje ina ƴooga ngaynata.

Kaa mberiiki ɓuuɓki ɗo ɓuuɓiri ŋakkataa.

Ko laawol diine e sunna Muhammadu ndewɗaa.

Ko Nulaaɗo maama mbiyɗaa.

Kono ko ɗuum nduuɗiɗaa.

Ko Sayku Tijjaani maama mbiyɗaa.

Kono wonaa ɗuum ndewɗaa.

Ko felo Siraaji Diine ndewɗaa ha Madiina Gunaas njottiɗaa.

Sarif Siidi, ko felo Nulaaɗo lomtiɗaa.

Hay moosaali a neeɓnataa.

Ko junngo Nulaaɗo tamɗaa.

Ko kaŋŋe e kaalis tamɗaa.

Ko njooɓaari Nulaaɗo ndesndeɗaa.

Sibu ko ƴiiƴam e golle Nulaaɗo njogiɗaa.

Ko on taaniraaɓe Nulaaɗo hay sikke min ngenndataa.

Kala cikkitiiɗo ɓiltaade janngo en ngenndataa.

Ko ɓilaade ɗo ɓiltotaako amin nganndunoo.

Barkaatu njaltee njiyen taaniraaɓe Nulaaɗo ɗo jiyɗe janngo weltaare en ngaynataa.

Barkaatu :

B ko snndiraango bahruu e ndii ngenndi Siraaji Diine en njeddataa.

A ko annduɓe Allah hay binndirɗi en cooyataa.

R ko yurmeende heeriinde nde en cooyataa.

K ko kawtal Diine e sunna Nulaaɗo juulirde en ŋakkataa.

Aa ko aawdi Nulaaɗo mgaawaandi barkaatu fuɗngo en majjataa.

T ko tippondirɓe e sunna Nulaaɗo en njeddataa.

U ko ummaniiɓe diine e sunna Nulaaɗo en njeddataa.

So laaɓnde pettii perii annduɓe ina kaɗtimaa.

Hol mo yeddi ɓe moƴyuɓe so wonaa majjere nde boomaare mum en nganndataa.

Ko rewɓe e puure ha purii annduɓe Geno njeddataa.

Ko ngenndi Siraaji Diine annduɓe ina njaŋtinoo.

Ko Mammadu malni nduu tunndu ɗuum ina anndanoo.

So puural ferii feccitii tunndu amin palkisoo.

Mawlaa kaa laaɓtuɗo yeeso diine e sunna amin tiimtindoroo.

Kaa taanum Nulaaɗo amin mbeltoroo.

Sarif Siidi :

Kaa jaalal diine ɗo jaale ina teskiima.

Haydara weddiima gaccungol ɗo gacculi ina teertimaa.

Kaa laana ka awƴal kaŋŋe ina jaɓɓimaa.

Ko on tewru ndu koraali mum mbeeɓata.

Barkaatu kodditiima e barke mo min njeddataa.

Ko kuɗi binndirɗi ɗi horngo dahaa en ngenndataa.

Mawlaa e Siidi yoo Allah juutnu nguurndam mon.

Ɓooyon ardaade barkaatu e goode mum.

Kuɗol Ngenndiyanke Joob