Yimre: Ceerno Ahmadu Tijjaani Bah

Ñalnde dewo 28 Korse 2020

Ceerno Ahmadu tijjaani Bah, mo madiina gunaas wuro Ahmadaa.
Laatiingo wirdu tijjaani e sunna Muhmmadaa.
Timminɗo faamu e tumaaji ɗoftaare diine en ŋakkataa.
Pelluɗo jihaadi ɗo kure e conndi en taawnata.
Laaɓtuɗo diine e sunna Muhammadu janngo jiyɗe en cooyata.
Alhajji Muhammadu saydu bah woni baaba ma, kono ko almudaagal tan woni ko teskiɗaa.
Ceerno Ahmadu tijjaani Bah, pelluɗo jihaadi ngam semmbinde wirdu tijjaani.
Pelluɗo jihaadi mo golle mum kaali e oo jihaadi.
Jalbuɗo tiinde moosaali e kala tumaaji.
Mi laatiima maccuɗo labiiɗo tabbitde e njiimaandi.
E ballal allah ngam laataade dabbungol e junngo.
Mi ɗaɓɓira ɓarke e baraaji ngam teddungal Geno tagɗo maa.
Annoora yayniima e dow ndoogu ɗo moni kala jiyɗe o enndataa.
Ka laatiiɗo maayo ɗo barke liɗɗi gaynoyde ɗi ngenndataa.
Hay yimɓe e jinneeji barke ɗi cooyata.
Ceerno Ahmadu tijjaani Bah mo barke mum sarii e aduna alaa ɗo heddaa.
Seydi Bah ha madiina gunaas wuro sunna Nulaaɗo mo koɗduɗaa.
Seydi Bah nattii yettoode ma wontii jaaroore Geno tagɗo maa.
Mi waɗii ɗum e jime keewɗe ɗo faamde ɗum weeɓata.
Ceerno Ibnu Umar laatiiɗo giɗo maa.
Fuɗi ñiiɓi haa o laatii sahaaba ma.
Alaa ko o dillata so wonaa e jamirooje ma.
Teeŋtinɗo giɗli e korsa jaŋtaade ɗum e ɗemngal makko omo seedtana.
Bahruu mbuur e gunaas laatiɗaa.
Galle Ceerno Muhammadun Mansuur Baro a wayrata.
Ceerno Ahmadu tijjaani Bah, lomtiiɗo sayku tijjaani.
Giɗli Ahmadu e Muhammadu njooliɗaa.
Aduna e golle mum nduuɗiɗa.
Seydi Bah woni  yettoode ma, kono wonaa ɗuum paarnoriɗaa.
Seydi bah woni yettoode ma, lomtiinde manoore Geno gooto tagɗo maa.
Bahruu ha ngenndi maa.
Madiina gunaas wuro sunna Nulaaɗo maa.
Ɗo woni ngenndi baaba maa.
Alh Muhammadu Saydu Bah, Madiina Gunaas ciñcuɗaa ngam baɗlal diine e sunna Muhammadaa.

Bahruu haa ndii ngenndi maa hay colli e cirkaali mum ina mbarkinoro maa.

Kuɗo ngenndiyanke Joob