Winndu pulaar ko ɗemngal ma

Ñalnde Njeslaare 3 korse htnd 2020 

Hitaande 2017 mbiɗa immii ndakaaru e werlaa ngam yahde Madiina Gunaas, min ngari haa Kungel ngam heblitaade e ƴuufnude deedi, min tellii ɗoon ko e nokku jeeyirɗo ñaamde; ha njiymi sinuwaa ine haala Pulaar laaɓɗo cer, nanngi mi kaawis no feewi ! Sibu kala ko woni leñamleño e winndere nde ko sinuwaa woni go'oɓo, kamɓe ɗuum ɓe cuuɗaaki heen nih. Kono mi meeɗaani yahde e laawol ha njiymi jolfo ine haala pulaar, mi suwaa tawo dey. (ko miin wiyata ngal ɗemngal jor-jokkewal). Mi yiyii tuubakooɓe haalooɓe Pulaar ha keewi, kono jolfo kaaloowo Pulaar mi yiyaani ɗum tawo dey !! Jooni noon so tawii ɓe ɗiɗo a wiyaama ya suɓo e maɓɓe mo nguurdata, walla mo ngollitta ko haɗtumaa suɓaade boɗeejo kaaloowo ɗemngal maa ngal ? 

Tesko » en kaalaani to senngo Diine. 

Aɗa hoɗdi e neɗɗo o yiɗaa pinal ma, aada ma, coñce ma e donaaɗe ma, jooni mbiyaa oon ine yiɗ-ma ? ""Eɗen ñaagi banndiraaɓe ɓe kala binndoowo yo winndu pulaar. Ko etoto winndude e ɗemngal jor-jokkewal ngal ko yo eto winndude ɗum e Pulaar. Mbele ɗeeɗo koode leliiɗe ine ɗaano e gaññeeje mum'en Mammadu Sammba Joob Murtuɗo, Tijjaani Aan Elimaan Sammbooru Barka, Yero Dooro Jallo, e Alh Saydu Booli Kan, Tafsiiru Jiggo ekn.  Woto njanfoɗen ɓe jaambareeɓe men, ɓe nganndu-ɗaa nguurndam mum'en fof ndokkii pulaagu ngu ha cuuɗi leppi lesdi, leppi lesdi teddungal cuuɗii-ɓe. 

Yo Allah yurmo ɓe yaafo haarna ɓe aljanna toon wona fooftorde maɓɓe (Aamiin).

En njiyii Ibrahiima Muktaar Saar, Ibrahiima Umar Kan katante leñol, Njaay Saydu Aamadu gorko mo Jiinge, Hammee Aamadu Lih, Gelongal Bah, Ibrahiima Malal Saar, Ceerno Jalaali Diine Bah ekn, ine ndarii darnde wiy-nde laŋ ngam haɓanaade leñol ngol toowal e ɓamtaare maggol, e giɗo men Ibrahiima Seydi Jah ekn ine ndarii darnde wiy-nde laŋ, hono Ibrahiima Falil Sih, mbaroodi ndi waalaani ladde ekn, nguurndam maɓɓe fof ko leñol ngol),". Ɓesngu leñol ngol mbinndee pulaar njanngee Pulaar kaale pulaar. Pulaar ko ɗemngal ganniwal, ngal wonaa ɗemngal hanndewal. 

Ngetoɗee winndude pulaar; kala mo waawa winndude pulaar yo winndu e ɗemngal Tuubankoore ngal. Statut whatsap, statut facebook fof mbinndee pulaar. So tawii on mbaawa winndude pulaar mbinndee e ɗemngal Tuubankoore ngal.

Moddinir (leppinir) ɗemngal ma ngam haalde pulaar, tawde ka pullo jeyaaɗo e leñol fulɓe. Ceerno Mahmuudu Jah yo yurmeende Allah won e makko (Aamiin), kanko wiyatnoo : kaale pulaar njamiree yo ɓiɗɓe mon kaal pulaar. Pulaar wona ɗemngal jor-jokkewal, wonaa ɗemngal fuuyu-faayawal » njanngee pulaar njannginee pulaar, to galleeji mon to nokkuuje mon; kolliree ko ngonɗon ko, ko on fulɓe leñol lasliwol keewngol barke e moƴƴuɓe, kala ganndo galo yalti ko e leñol fulɓe. (Jolfe ko demngirdi jor-jokkaandi, hol mo anndaa ɗum?

 kuɗol

 Ngenndiyanke Joob

Mo Rabaat » Madiina Gunaas.