E DIISO-DOOSƊE MBINNDIIN PF

ALMUDAAGAL HAQIQEEWAL.

Ñalnde hoyrebiir 20 Korse 2020

Darnde almuudo: almudaagal laaɓndii ko ngiɗgaagu hakkunde maa e Ceerno ma giɗli mawni, giɗli toowɗi caggal Allah e Nulaaɗo mum Muhammadin (S.A.W). En njannginaama almudaagal ko nehdi e jaɓde jamirooje ceerno ma e kala fannu tawde ko ko abbitii he DIINE lislaam e sunna Nulaaɗo Muhammadin Sallallaahu Aleyhi wa Sallama". Jaɓde ceerno o e jamirooje lislaam-yankooje ɗe o yamirta; ko ɓuri himmude ko reende hurum ceerno o. So en kaali hurum ine joofo ko heewi sanne; kala ko ngannduɗaa ina aybina ceerno o e reentaade ɗum, e kala ko ina usta-mo, kala ɗo ngannduɗaa sa haalii innde makko omo ustee tawa alaa ko mbaawɗaa heen ɗum Salo ɗum ndeentoɗa, sibu ina waawi wonde sabaabu ustegol makko ɗoon tawa alaa ko mbaawɗaa heen. Woto haal innde ceerno ma ɗo ngannduɗaa ina waawi jibinde caɗeele he ngoon renndo". Paamen ceerno ko bagi daneejo ina yaawi gakkude, sibu renndo ngo hannde ina heewi yimɓe ɓe ngannduɗaa ngonaa feewɓe. Toppitaade nguurndam Ceerno o e kala fannu mo mbaawɗaa, mbaɗaa ko kisal makko woni kisal ma, so o hisii a hisii". Ko ɓuri moƴƴude ko jaɓde ceerno o ha o tesko wonde aɗa ayni kisal pele makko.

KISNUGOL ALMUDAAGAL:

Kala mo aybini Ceerno ma yo jarane wutte ma seeke, becce ma cire cirkite, wareede e warñeende, ina laaɓi komi almuudo fellit he golle tiiɗɗe ngam hisnude nguru ɓalndu makko he kala fannu. Yeru: tuggude Ceerno men Seek Alh Umar Taal ha yottii Alh Muhammadu Saydu Bah yo weluya Allah won he maɓɓe (aamiin)", so neɗɗo dariima ñiŋiiɓe ñiŋi ko hoyre ma, ñiŋi ko nguurndam ma, ko ɓee ngoni nguurndam men. Almudaagal laaɓndii ko ngiɗgaagu toowngu hakkunde maa he oon Ceerno mo kalfinɗaa nguurndam ma ɓaawo Allah (swt), he Nulaaɗo Muhammadin (s.a.w) ɓuri tiiɗde fof ko almudaagal nde tawnoo laaɓndi ko pellital he ngiɗgaagu he tabitinde nguun ngiɗgaagu ko aldaa he yeƴaare walla miijtaare. Kala ko ɓuri saɗtude ko almudaagal, ngam ko huunde ɓurnde saɗtude almudaagal ! So neɗɗo yehii ha o wiyaama ko o almuudo haa ngaal almudaagal seedtaama he makko oon ko jaɓɗo, kadi ko o neɗɗo guuliiɗo he maayo giɗli ceerno o. Yo almudaagal ma jarane nguurndam he maayde ma, jaran-maa nguurndam ma fof. 

Dental fulɓe:

Ala-he-sago enen fulɓe ndenten dental tiiɗngal, dentaangal fulɓe fof yo kawtu he kawtal gootal ngam ndañen poolgu añɓe men, so en ndentaani alaa ko mbaawɗen gollude ngam ko fayti he golle ɓamtaare renndo men. Ina selli ko dental jibinta ɓamtaare. Fuuta tooro, fuuta maasina, fuuta jalon, Adamawa fulɓe ndenten ko dental woni doole men ! So en ndentaani maa en njawe kuteɗen he renndooji men". Yeru: leñol ina Senegaal ngol wonaani hay 5% te ko ɓuri haawnaade ngool leñol fof he famɗude to senngo keeweendi ɗemngal maggol ngal ko fulɓe tan kaalata ngal he seereraaɓe he manndee soninkooɓe, joolaaɓe he leƴƴi goɗɗi (leñƴi), ko ɗii leƴƴi ndenti ngoni ngal ɗemngal jor-jokkewal, ɗemngal fuuyu-faayewal ngal ngannduɗaa ko ɗemngal toŋewal ngal wonaa hay ɗemngal asliwal" njaafoɗon mi heewaani soowtude ngal, kono mi sikki on potii faamde ɗemngal ngal njiɗmi joofaade !

Kuɗol Ngenndiyanke Joob

Mo Rabaat Madiina Gunaas.

Ɓinngel afrik.