Ngenndiyanke Joob

Ñalnde dewo 28 Korse 2020 Ceerno Ahmadu tijjaani Bah, mo madiina gunaas wuro Ahmadaa. Laatiingo wirdu tijjaani e sunna Muhmmadaa. Timminɗo faamu e tumaaji ɗoftaare diine en ŋakkataa. Pelluɗo jihaadi ɗo kure e conndi en taawnata. Laaɓtuɗo diine e sunna Muhammadu janngo jiyɗe en cooyata. Alhajji Muhammadu saydu bah woni baaba ma, kono ko almudaagal tan woni ko teskiɗaa. Ceerno Ahmadu tijjaani Bah, pelluɗo jihaadi ngam semmbinde wirdu tijjaani. Pelluɗo jihaadi mo golle mum kaali e oo jihaadi. Jalbuɗo tiinde moosaali e kala tumaaji. Mi laatiima maccuɗo labiiɗo tabbitde e njiimaandi. E ballal allah ngam laataade dabbungol e junngo. Mi ɗaɓɓira ɓarke e baraaji ngam teddungal Geno tagɗo maa. Annoora yayniima e dow ndoogu ɗo moni kala jiyɗe o enndataa. Ka laatiiɗo maayo ɗo barke liɗɗi gaynoyde ɗi ngenndataa. Hay yimɓe e jinneeji barke ɗi cooyata. Ceerno Ahmadu tijjaani Bah mo barke mum sarii e aduna alaa ɗo heddaa. Seydi Bah ha madiina gunaas wuro sunna Nulaaɗo mo koɗduɗaa. Sey...

Mi fuɗɗoroo innde mbajjiri. Caabiiɗo nguurndam lori heen enɗere. Tottimi giɗo mo mi giddataa. Yeyjaa jeynuɗo giɗli ɗi pamɗataa. Debbo lobbo peeñɗi en nganndata. Laatiiɗo naange nge en pajjataa. Mo lewru leelewal en ŋakkataa. Jom fitirla niɓɓere en nganndataa. Seydi bah jom gunaas en ngittataa. Laaɓtuɗo tiinde ilɓude en njeddataa. Mo iwdi toowndi hay jiyɗe en njilɓataa. Debbo juumaajo juumtuɗo en paaytata. Dañɗo o debbo lobbo janngo o nimsata Seydi bah mo madiina gunaas en njeddata. Ka laaɓtuɗo e renndo hay rewɓe njeddata Ka taanum moƴƴo mo innde mum juulɓe njeddata. Yeyjaa ko laatiiɗo maayo ngo juuwde en ngenndata. Sabu juuwde taccoya ɓernde en ngenndata. Ka laana ka awƴoowo taccoyde o enndata. Sibu ka kaŋŋeeri ndi tonngude teddeendi en ngeɓɓata. Ka laaɓtuɗo labaaɗo mo en majjata. Yeyjaa yeynii hoodere nde en paaytata. Jaayre fettunde fuɗnaange nde koode keɓtata. Ka laatiiɗo sewnde nde ɓulngo mum horata. Giɗli ko hettere taƴaande soora e kala fittaandu aadee. ...

ALMUDAAGAL HAQIQEEWAL. Ñalnde hoyrebiir 20 Korse 2020 Darnde almuudo: almudaagal laaɓndii ko ngiɗgaagu hakkunde maa e Ceerno ma giɗli mawni, giɗli toowɗi caggal Allah e Nulaaɗo mum Muhammadin (S.A.W). En njannginaama almudaagal ko nehdi e jaɓde jamirooje ceerno ma e kala fannu tawde ko ko abbitii he DIINE lislaam e sunna Nulaaɗo Muhammadin Sallallaahu Aleyhi wa Sallama". Jaɓde ceerno o e jamirooje lislaam-yankooje ɗe o yamirta; ko ɓuri himmude ko reende hurum ceerno o. So en kaali hurum ine joofo ko heewi sanne; kala ko ngannduɗaa ina aybina ceerno o e reentaade ɗum, e kala ko ina usta-mo, kala ɗo ngannduɗaa sa haalii innde makko omo ustee tawa alaa ko mbaawɗaa heen ɗum Salo ɗum ndeentoɗa, sibu ina waawi wonde sabaabu ustegol makko ɗoon tawa alaa ko mbaawɗaa heen. Woto haal innde ceerno ma ɗo ngannduɗaa ina waawi jibinde caɗeele he ngoon renndo". Paamen ceerno ko bagi daneejo ina yaawi gakkude, sibu renndo ngo hannde ina heewi yimɓe ɓe ngannduɗaa ngonaa feewɓe. Toppitaade ng...

BAYINOL NGUURNDAM        IBRAHIIMA SIH MG           Madiina Gunaas   Mawnde 5 lwr korse htnd 2020 Nguurndam Ibrahiima Sih: Nguurndam makko ine haani bayinneede sibu o laatinooma conngoori añɓe leñol fulɓe mbaɗtiniindi kuufol renndiyaŋkaagal e tabitinde ngootaagu ɓamtaare. IBRAHIIMA SIH Maayde alaa jaasirgal. Ñalnde Mawnde 5 lewru korse hitaande 2020  So nguurndam ina woodi, laaɓi maayde ko goonga. hannde e ngu ñalngu mawngu duworteengu mbajjiri jaabo, gooto e jaalal men tiiɗngal kerngal, ngal dono mum weeɓaani e Harbiyankaagal makko timmungal; Ibrahiima Aamadu Sih, to bannge baaba Neene makko Ibrahiima Raamata Caam, baɗnooɗo nguurndam mum fof e nder ɓamtaare renndo, ha o teskanaa golle dowrowe ngam wonde mo katante renndo ngo. so tawii nguurndam ko goonga maayde wonaa peŋte ɗe aadee kala feŋtanta hoyre mum". Ibrahiima Aamadu Sih gorko mo Madiina Gunaas: o yiyii aduna ko hitaande 1956 ha ñalnde Mawnde 5 lewru korse htnd 2020 to waala fenndoo o dañii duuɓi (64), Baaba makko ...

Ñalnde Njeslaare 3 korse htnd 2020  Hitaande 2017 mbiɗa immii ndakaaru e werlaa ngam yahde Madiina Gunaas, min ngari haa Kungel ngam heblitaade e ƴuufnude deedi, min tellii ɗoon ko e nokku jeeyirɗo ñaamde; ha njiymi sinuwaa ine haala Pulaar laaɓɗo cer, nanngi mi kaawis no feewi ! Sibu kala ko woni leñamleño e winndere nde ko sinuwaa woni go'oɓo, kamɓe ɗuum ɓe cuuɗaaki heen nih. Kono mi meeɗaani yahde e laawol ha njiymi jolfo ine haala pulaar, mi suwaa tawo dey. (ko miin wiyata ngal ɗemngal jor-jokkewal). Mi yiyii tuubakooɓe haalooɓe Pulaar ha keewi, kono jolfo kaaloowo Pulaar mi yiyaani ɗum tawo dey !! Jooni noon so tawii ɓe ɗiɗo a wiyaama ya suɓo e maɓɓe mo nguurdata, walla mo ngollitta ko haɗtumaa suɓaade boɗeejo kaaloowo ɗemngal maa ngal ?  Tesko » en kaalaani to senngo Diine.  Aɗa hoɗdi e neɗɗo o yiɗaa pinal ma, aada ma, coñce ma e donaaɗe ma, jooni mbiyaa oon ine yiɗ-ma ? ""Eɗen ñaagi banndiraaɓe ɓe kala binndoowo yo winndu pulaar. Ko etoto winndude e ɗemngal jor-jok...