Koronaawiris
Ñalnde dewo 10 lewru duujal hitaande 2020
Ngu ñaw mboros, puɗɗiingu leydi Siin ñalnde hoyrebiir 9 lewru bowte hitaande 2019 maa ngu won waajcorgu winndere nde. Moni kala dañii heen binndanɗe kiɓɓe, ngam waajtoraade ɗum leydi mum, walla leñol mum. Ko ɗuum duñimi minne winndude ndee winndannde ngam waajtoraade ɗum leñol am". Maa ɗum won dadule ngam heblanaade aduna o to senngo hakkilantaagal; teeŋti e wertaango afrik.
Mbele koronaa wonnoo ko werlannde ngam ɗaɓɓirde ɗum njeñtudi e nokkuuji dowrowe ɗe ko wayno Siin, Amerik, farayse Almaañ ekn ? Ine waawi jooforeede wonnoo ko yiɗde ɗaɓɓude yoga e nokkuuje fusa njeñtudi mum; ko tuubakooɓe mbiyata ko (politique), hay sinndo won tuumɓe Siin ko ko heblaninoo nde bonannde. Caggal nde fedde ngootaagu winndere waɗi loskooji mum ngam anndude holi sabaabu ngu ñaw, ngu nganndu-ɗaa wonaa ñaw ngaadanteewu, sibu ngu meeɗaani waɗde e nder ndee winndere; ko nganndu-ɗaa ine dartina laaɗe diwooje, dartina njahaa-ngartaa gonnooɗo hakkunde leyɗeele, walla gure mawɗe dowrowe ekn. Ndee felmere wonii felmere jannginoore renndo ngo ko heewi !
So tawii ngo tuumo wonde wonaa leydi Siin woni sabaabu nde lollere winndere-yankoore. Ko ñaw ngu Geno waɗi, waɗde maa ɗum won waajtorde renndo ngo. Sibu so en teskiima aduna o heewi warngooji ɗi nganndu-ɗaa ko warngooji belanteeje pittaali tan", Yeru : ko wayno leydi Mali ko maayata e yimɓe e nder ñalawma ine heewi saɗne, galleeji duppeteeɗi, yimɓe wareteeɓe warngooji kaantorinɗi, ɗi nganndu-ɗaa so tawii aɗa hirsa dammuwol ma, a hirsirtaa-noon fof ko ngam laamuynakaagal e daɗndude jeyba mum e jaati mum. Lesdi siri, Santa-afrik libi, hay sinndo waɗii duuɓi jonɗi leydi Ruwanndaa yiyii ɗeen geɗe hakkunde leƴƴi guurdunooɗi Utu e tutsi e hitaande 1994 fof jeyaa ko e warngooji bonɗi. Gine, leydi ndi nganndu-ɗaa hannde woni ko e kaaya-mbeeya mawɗo e o mo nganndu-ɗaa ko kañum woni Alfaa Konnde gonɗo sabaabu warngooji keewɗi e nder leydi Ginekonaakiri", ɗo ine waawi rokkude en yeru wonde ko sabaabu mum Geno telliniri ngu ñaw mboros". Sabaabunde ɗii warngooji kaantorinɗi baɗooji e nder ndee winndere Geno jippiniri ngu ñaw mboros ngam waajtoraade tago ngo !
So tawii ko oropnaaɓe e Ameriknaaɓe mbaɗnoo nde mojobere ngam boomde afrik, ine wayno ko pulaar wiyata ko bone wiccat laaci. Waɗde bone maɓɓe ruttiima e maɓɓe, hay sinndo nguru ɓaleejo dañii heen caɗeele mawɗe, ine wayno hannde kamɓe ɓuri woyde nde lollere huuɓtidinnde winndere nde. Sibu so teskaama hannde Amerik ɓuri maayreede eto ñaw ngu tunngirnoo to, Wuhan walla (yuhan) piɗal ngal Amerik fiɗaa ngal, ɗiɗaɓo maɓɓe ko itali, Espaañ maa ar tatoɓo, leydi farayse dañii ko : ujunnaaje noogaas e jeegom pawɗe, ko jiida e leliiɓe suudu safrirdu ine ngoni e safaara mum'en. Waɗde so tawii ko mojobere leyɗeele dowrowe ɗee mbaɗnoo ngam sarde goodal afrik hannde ɗum wonaniiɓe nimsa mawɗo, ine waawi wonde tuugnorde maɓɓe ganndal beringal. (Covid-19 ce in grand l'histoire du monde). !
Allah ko jom ñeeñal timmungal. Allah ko poolɗo foolɓe, ko o poolɗo foolaaɓe; karallaagal makko, ko taccungal keeri e aada tuubakiri ngam tafde konuuji ngam yiɗde momtude binnde, ɗo mbajjiri darotoo ngam haɓtanaade ɓeen foolaaɓe e dow foolɓe; ko o kimmuɗo e walitde leñol Nulaaɗo Muhammadu (saw) fof e kuuɓal. Ngu ñaw maa won ñaw daarteteengu e winndere nde. Leyɗeele dowrowe mawɗe ɗee fof mbaɗii curaaje mum'en haɓtaade ñaw ngu, kono haɗaani angu ɓeydii layde e nokkuuji maɓɓe; nokkuuji liggorɗi ngudda, boowe laaɗe diwooje ngudda, laaɗe joorɗe teertorɗe mum fof ngudda, fof wiyi kip deeƴi, kono ellee addanaanoɓe heen dañde jam. Yimɓe ine ɓeydii maayi yaha". No mbiymi dow ni farayse dañii tolno limoral ujunnaaje noogaas e jeegom ko fawi, koɓe maayra innama aade'en. Ngu ñaw mboros htnd-19 maa ngu won daartol mawngol wonande aduna o.
Ko seeɗa e ciimtol ngol mbaɗɗen e nguurndam hannde nguuraɗam ɗam, e ngu ñaw mboros-19 yoo mbajjiri haaɗnan en ɗo, ha enen fof nduttoɗen e golleeji men, tawa ine wondi e kisal e ɓamtaare yaajnde. Kuɗol Ngenndiyanke Joob mo Rabaat e taariindi Madiina Gunaas,wuro Alh Muhammadu Saydu Bah, yo Allah yoɓtu-mo moƴƴere heeriinde (Aamiin)
Winndannde nde yuɓɓii a jaaraama joop
RépondreSupprimer