Ngenndiyanke Joob

Ñalnde Hoyrebiir 26 Yarkomaa hitaande 2019

Mi woondi mi waati sinndo mi jeyanooka he ngol leñol, ine jaranannoomi soodtaade, mi rimɗina hoyre am mi jeyee he ngol leñol (P). Mi hiñitaani gannde, kiñitmi ko ndimaagu, tawmi o neɗɗo ko keɓtinaaɗo he ndu wanngordu soomndu diƴƴe diñƴe ndimaagu; ngaal diƴƴal ine soomi gannde diine lislaamyankooje. Nde tarmi ɗee defte marɗe gannde, defte marɗe diƴƴe diƴƴe gannde diiñiiɗe he ndu wanngordu. Mbiɗa moɗanoo he pinal, mbiɗa moɗonoo he ganndal, mbiɗa moɗanoo he gannde diiñiiɗe; kono hannde mi laatiima gawtotooɗo ɗeen moɗ-moɗe ɗe moɗanoomi he nder renndo am. Ɓe ciliino pulaar, ɓe cilkiti pulaar kono hannde maa mi silɓe-mi-silkitaɓe ngam ɓamtirde ɗum pulaar. Maa mi nanngu reedu am ndu, mi waagoondu mi siiwto ƴiiƴam, mi yarnira ɗii puɗi ɗaasɗunooɗi, ngam bonnirde ɗum peeje añɓe pulaar. Pulaar ndanndirat-mi ɗum ko ƴiiƴam wonaa ndiyam, wonaa kaynaandi, walla ɗaatnaaɗi ñaaƴirteeɗi he renndo. Komi maccuɗo mo wonaa maccuɗo maccuɗo; komi maccuɗo Mbajjiri tagndi aadee he hoddiro, tagi-mi fodani-mi pulaar, fotndani-mi pulaar. Luutondiri-mi he sulaar. Maa mi waago reedu am mi yaltina keɗɗe-keɗɗe ƴiiƴam mi tagira ɗum kure e conndi mi daro mbiɗa fella tuy-tuy yoo bone suy. Kure am ngasii ɗos-mi yiytere Jaaba Lihduɓe tawmi toon ko silameeje cilooje cilkitooje baagotooɗe deedi añɓe, pellooje jamma taaro bimmbi, binndiraaɗo binndi pulaar. Pulaar alaa ɓe wullitii jogii koɓe wallodii haa ñalnde darnde dari, silaama tottee Sayku Umaar Kodda fuuta, laamiiɗo fulfulde.

Kuɗol Ngenndiyanke Joob
Njaafoɗon so joɓɓi teskaama heen wonaano anniya men.