SAMMBA JAATARA E YERO PULLO

Ñalnde Mawbaare 22 Yarkoma hitaande 2019

DAARTOL SAMMBA JAATARA E YERO PULLO.

(Ŋ3)

En ngartii he yowre men tatiɓiire ngam he daartol ɓee worɓe ɗiɗo "FULƁE" dañnooɓe caɗeele to senngo nguurndam mume'n nde tawnoo koɓe sehilaaɓe, cehilaagal mawngal kaaɗtungal. Jooni eɗen naata he mbunndi-mbdunndi daartol ngol, nde tawnoo janngoowo o fuɗɗiima romminaade he jappude noppi, omo looƴo mbinndin o, he rewindaade kuɗol ngol no haanirta ni :

Jom suudu Yero pullo wiyetee ko Pennda pullo, o jooftinaa ko he innde jom galle makko. Jom suudu Sammba jaatara wiyetee ko Kummba Jaatara, kanko-ne o jooftinaa ko he innde jom galle makko, nde tawnoo ine jeyaa he tawaa-ngal fulɓe; debbo jooftineede he innde jom galle mum, walla yettoode mum ekn. “Ndeen Yero yehii ɗanniima ɓooyi ronkaama yoo artu. Debbo (dewbo(, o jooɗiima ko juuti omo fadi gorko makko haa arta, sibu yiɗaa ɓamteede he suudu woɗndu. Waɗaniino-mo ngaanumma mawɗo. Caggal nde Sammba Jaatara winndi ɓatakuuji sari-saaki he nder diiwanuuji ɗi fof kono o heɓaani dille makko. Te debbo o ine ƴamee. Kanko Sammba jaatara o hulii woto debbo o heɓteede, nde tawno sahaa o ko noon rokkiri; omo felliti yiyloyaade sehil makko o kono omo anndi so o yehi yiyloyaade sehil makko o, so accii debbo o caggal omo waawi tawtude debbo o humanaama he goɗɗo. Hanti o felliti sakkude feere hade debbo sehil makko o teetteede”, O noddi debbo o kamɓe tan ɗiɗo, o wiyi debbo o : hankadi mi fellitii ɓamtude ma "(Sibu ɗaminaade ɓe Yero pullo hankadi ko o maayɗo)" “ wiyi mo ko e dow sarɗi; mi ɓamtete mi annduma ɗo he nder galle he mbiɗa jogitoo ñaamduma he yarduma. Kono woni e hakkille am ko ɗannaade ɗaɓɓoyde jawdi, sibu aduna hannde o, ko aduna jawdi. Debbo o heɓɓitii wiyi mo mi nanii mi jaɓi, kono ko e dow sarɗi; gorko o heɓɓiti wiyi mo bisimilla, mbiɗa heɗima : o wiyi Yero pullo ɗanniima duuɓi noogaas o artaani, anne a wiyi aɗa yaha aɗa ɗanno, mbiɗa  happan-ma duuɓi ɗiɗi (2). Gorko o heɓɓitii wiyi mi nanii mi jaɓii, aɗa happanami duuɓi ɗiɗi (2), somi dañii mi arta somi dañaani mi arta !

En tonngii ɗo maa en ngartu he jokkude daartol men Sammba Jaatara he Yero pullo.
Kuɗol Ngenndiyanke Joob
Mbiɗa jaarna denndaangal pulaagu ngu kala he kuuɓal. Teeŋti he ngenndiyankooɓe maggol; seerenɓe am ɓe ngannduɗaa ko e pele koyɗe mum'en njaɓɓuɗen eɗen mballitoro nduf-ndufaldi,koyɗe maɓɓe eɗen njaartindo barkeeji maɓɓe, yoo Geno yoɓɓe moƴƴere heeriinde. (Wuro-Moolo).