Hiirde Pennda Gise miiro (Mureaux)

Ñalnde hoyre-biir 18 juko hitaande 2019

HIIRDE PENNDA GISE MIIRO (MUREAUX)
              Farayse (France)

Jamma e nder jammaaji, jamma belɗo tawtoreede kono mettuɗo sifaade, jamma pulaagu, jamma welnere. Ngu ñalngu yuɓɓini ɗum ko Pennda Gise wondudee denndaangal pulaagu farayse, miiro mante-la yontaaɓe, waala fenndonaaɓe, won heen immiiɓe haa Gusanwiil, yoga heen Maasi palesoo, denndaangal diiwanuuji farayse ɗi fof ine famɗi ɓe yimɓe mum'en ngaraani hawritde e oo jamma paayodinɗo. Geno yettaama jamma o yuɓɓinaama haa no haanirta ni, e ballal fedde Pennda gise.  "Pennda gise ko naalanke dar-daro, mo sifortaake keewɗo doole, mo bonaani mbaydi, ko o naalanke ñeenɗuɗo baawɗo yimde, belɗo daande. Teskaama e makko ko o naalanke mo ubbataa neema; Pennda gise, walla mbiyen : Pennda kisɗo”, ko o yimiyanke moƴƴo, teeyɗo, belɗo haala ko o neɗɗo newiiɗo. Pennda gise ko o naalanke fulɓe, jimoowo fulfulde laaɓnde.  Pennda gise ine ɗaminaa maa o naw naalankaagal fulɓe haa yottoo ɗo yiɗaa yoo yotto ɗo", en njettiimo, en ngubbantaa mo neema mo Geno waɗani mo e daande makko seŋloore laaɓtunde hisnde nde. Ñalnde hoyrebiir 18 lewru Juko hitaande 2019 ngu ñalngu yuɓɓinaa to Miiro (Mureaux).

NJETTOORU KEERIIƊO :

Ballal ngenndiyankooɓe men daraniiɓe pulaar, teeŋti e daraniiɓe ɗemngal pulaar, ko wayno : Tijjaani soñaan, ngenndiyanke jiɗɗo ɓamtaare pulaar, gorko mo ngenndi Mali mo darnde mum sooyna ɗo woɗɗi, yoo Geno semmbin haɓantooɓe pulaar, ɓe meeɗaani woytaade nguli, walla heege, walla tampere, ɓe kulaani kiiɗal e kiiɓal, ɓe kulaani maayde sibaabunde leñol mum'en ekn. E tawtoreede giɗo mon sehil mon Ngenndiyanke Joob mo cuuɗi men Madiina Gunaas. E bismaango Rugi soh, lollirɗo Jami soh, darnde mum lobbere nde o daranii leñol ngol.

Ngenndiyanke Joob
Madiina gunaas