Dental fulɓe

Ñalnde mawnde 30 lewru juko hitaande 2019

Ndaɗɗudi golle ko finde sahaa ɗoykal belkal guttoowal saatu nde, ngoƴaaji ngoni hakkunde kulol e cuusol. Daɗɗude peeje jiilooje daranaade ɓamtaare. "Ko ardii fof ko dental e kaaldigal, tawa ine wondi e keɗondiral, moni kala heɗoo banndum haa faama miijo ngo o addi ngo; caggal ɗuum aan keɗanaaɗo o tinno mbaɗaa no o waaɗi nih, so tawii anne ko heɗaade mo keɗki luggi, ndariiki cañiiki; caggal kaaldigal e nanondiral, caggal nde peeje cihna ndaroɗen laawɗinde ɗeen peeje”, caggal nde ngardin-ɗen annduɓe, dadiiɓe dariiɓe haa mbiyi laŋ ngam haɓanaade kisal e ɓamtaare leñol ngol. "Kala ko ciifondirɗen e ngaal dental tinnoɗen so ñalngu ngu yontii ɗoftoɗen ngaal kuulal e yamiroore mum. (Enen fulɓe heewi ɗo kaalduɗen pirtuɗen, waɗi noon ko ɓuri heewde e men gollanooɓe leñol ngol njiɗi ko tineede; teeŋti e sohsooɓe ɓe e sihsiiɓe ɓe e njaayɓe ɓe njiɗi ko tineede, ko wutte e wuttolo, ine ɗaɓɓa rewɓe yontaaɓe wayɓe no Jeeba soh en nih, ekn, ekn. Banndiraaɓe ngoppen teskaade mbiɗa golla yomi tine. Ngenndiyankaagal e katantaagal gollirtaake yomi yiye walla yomi tine, ine moƴƴi nde mbaɗta-ten heen hakkillaaji men.

Leñol ngol semmbe maggol ɓurii ɗo, ko rafi kawral e maaw-maaw, e koowngu. En kaali ɓamtaare men fawii ko e juuɗe men. Alaa ko leñol ngol fiyretee hannde so wonaa rafi dental e nanondiral mum'en. "Fotii hanti nde dental men jibini huunde. So tawii en kaaldi en nanondirii haa en ciifondirii ine foti sihneede, kala jom boru loppa boru mum. Tijjaani Aan Elimaan Sammbooru barka, yoo Geno yurmo mo yaafo mo haarna mo aljanna (Aamiin), o wiyi : sutura leñol ngol haaɗa e nder maggol, mbaasen suurtude sirluuji maggol. "Dental e kaaldigal, etaade nanondiral caggal ɗuum cihnen ko kaalduɗen ko, moni kala ko halfinaa ko jagga ɗum haa tiiɗa.

Caggal ɗuum renndo fulɓe njanngen ɗemngal men pulaar fulfulde ngal. Njannginen ngal, kollen ngal ɓesnguuji men. Martaba aadee ko anndude hoyre mum tawo. Neɗɗo waawa neɗɗaade tawa o alaa neɗɗaagal, neɗɗaagal makko moofti ko e ganndal, teeŋti e ganndal ɗemngal makko, ko ɗoon o heɓata ndimaagu makko.

KUƊOL
Ngenndiyanke Joob