Mbinndiin pulaar fulfulde

Ñalnde njeslaare 31 lewru morso hitaande 2019.

           Ngenndiyanke Joob

       Binndol pulaar fulfulde.

Tooñannge nge laamu tooñi :

Laamu ine waawi tooñde neɗɗo, ngeen tooñannge holto neɗɗo foti wullitoyaade ɗum? "So laamu leydi ine waawi ƴamrude neɗɗo leydi walla jawdi mum ngam e ndool-ndoolaagu, e ƴamirde ɗum jey mum.

Wullitoyagol tooñannge nge laamu tooñi :

So laamu tooñi ɓiyi leydi (jeyaaɗo e ndiin leydi omo haani ƴamrude ngeen tooñannge laamu ngu. O rewa e doosɗe leydi ngam yoɓeede hakke makko. O yah o joƴƴina ɗerewol makko wullitaango, kono ala-e-sago o daña awtiyanke, walla mo awtaade fotde makko, o diisnoo oon denndaangal pebaale laamu ngu fawi e dow ɗe. Ko oon heedantamo e laamu ngu haa o waawa awtaade jojjanɗe makko. Caggal nde o joƴƴini ɗerewol makko wullitagol ngeen tooñannge.

         Batu diisnondiral :

Ñalnde batu diisnondiral jooɗa Awtiyanke o jogii jeewte nanondiral maɓɓe. Ko kanko udditta yeewtere nde hakkunde makko e sarɗiyanke o "Konngol Awtiyanke o : Min calminii ma calminaali tedduɗi; caggal nde ndañmi gooto e ɓiyi leyndi ine wullitiimi tooñannge nge laamu ngu tooñi mo. Hannde min ngari ko wullitaade e ƴamtude ngeen tooñannge, nge laamu ngu tooñi mo. Jaabtawol Sarɗiyanke o : Min calnitiima calmitaali tedduɗi. Mi nanii yeewtere mon jooni eɗen njuurno : doosgal leydi yamiraani yoo laamu tooñ neɗɗi e ndool-ndolaagu, so tawii ko galle walla leydi ekn, o teettana omo haani ƴamrude laamu ngu nge tooñannge laamu kadi ine haani yoɓde mo hujja makko.

Caggal batu ngu :

Sarɗiyanke o : Maa mi jokkondir e gardiiɗo jaagorɗe kalfinaaɗe kisal e ɓamtaare leydi ndi, oon ne jokkondira e jaagorgal kuuɓal ngal, ngaal jaagorgal jokkondirta e Gardiiɗo leydi ndi, ɓe ndaroo, oon hujja waawa yoolteede. Awtiyanke o : darotoo loskude njaha ngartaa gonɗo hakkunde Doosɗe ɗe e reenɓe Sariyaaji leydi ndi. Ko Awtiyanke o woɗata njaha ngartaa gonɗo hakkunde Sarɗiyankooɓe ɓe e tooñaaɗo o.