FAATIMATA YAHYA JOOB

Ñalnde njeslaare 24 seeɗto hitaande 2019

GOGGOO FAATIMATA YAHYA JOOB
O maayaani sibu o accirii daartiyankooɓe daarti.

Waɗi-waɗi addi haali-haali golle ngadoo haala sakkitoo haaleede.

Hannde kuɗol am winnda ko gaynata". Ko ardii fof mi yettii Allah, mi jariima Nulaaɗo Allah (S.A.W)", mo jam e kisal ngoni e mum o. kaliifa men Sheekana Ahmadu tijjaani sherif (RTA)", e Alh Muhammadu Saydu Bah RTA (MG). Mi yettii jinnaaɓe am ɗiɗo ɓe yoo kisal Allah won e maɓɓe (Aamiin).

Faatimata Yahya Joob
Maayaani ine heddii e wuurde. Ko ardii fof holko wuurata e neɗɗo, e holko maayata e neɗɗo? Wuurata e neɗɗo ko golle. Maayata e neɗɗo golle". So neɗɗo gollii ko moƴƴi o yette, so maayi gollal makko heddoo tawa ine wuuri, sibu ngaal gollal tawata ko ine heddii e wuurde.

Gollal
Gollal, ngal o gollannoo ngal moƴƴaani, so o maayi ngaal gollal o ñiŋiree-ngal”. Waɗde yettata aadee ko gollal. Ñiŋata aadee ko gollal.

Faatimata Yahya Joob (MG).
Omo heddii e wuurde sibu o gollii ko baɗtini, e hitaande 2008 to rabat o gollii ko baɗtini, o noddi dental o noota". Ko ɗuum saabi rabatnaaɓe kormii mo sibaabu-nde golle makko moƴƴe, e ndimaagu makko. Kala nde njiyɗaa "(FYJ)" yeeso ko wooto, leeso ko wooto". Leeso ngo ko wutte makko, mo o ɓoorni; O waylotaa o ustata”. Leeso ngoo ko bismaa-ngo makko ngo o teddini he kala saha, ko o neɗɗo tedduɗo", FAATIMATA YAHYA JOOB ko o neɗɗo tedduɗo jiɗɗo leñol mum, coftuɗo, kirjuɗo mo saɓɓittaako tampere.

KAWRAL PULAAGU 2015-2016.
Nde fedde kawral pulaagu sosa hitaande 2015 batu mayre adii jooɗaade ko miiro (MUREAUX)", e gardagol Aamada Alfaa BAH gorko mo Buudaama e Sammbennge". He hitaande 2016: Faatiimata Yahya Joob fedde nde woni sabaabu jokkondiral hakkunde Madiina Gunaas naaɓe e Moritaninaaɓe ngam o fooɗti nanondiral mawngal haa o teska heen o toɗɗaa hoyreejo catal fedde kawral pulaagu, he hitaande 2016", o toɗɗaa o ardii ngaal catal coftal makko e ndimaagu makko e yiɗde mo pulaagu ngu yoo renndu-ɗo gootel.

Caggal ɗuum o fooɗi ɓiyi kaliifa men tedduɗo o Ceerno Jalaaliddiini mo ceerno Alh Aamadu tijjaani Bah "(MG)". Caggal ɗuum coftal makko e ndimaagu makko e yiɗde mo leñol makko rontini mo waɗi neɗɗo kirjuɗo kaɓantooɗo ɓamtaare renndo. Faatimata Yahya Joob ko o jaambaaro coftuɗo kirjuɗo teeyɗo. Ɓiyi Yahya Joob mo Madiina Gunaas. A maayi kono a accii gollal maantinii-ngal, ngal majjata maaytata”. Caggal ɗuum o waɗi jaɓɓal makko to ngenndi Moritani ngam jokkoyde enɗam, kono kadi ko ngam yahde yiytondirde e catal Fedde kawral pulaagu, to Moritani. Nde tawnoo fayndaare makko ko renndinde pulaagu Moritani e pulaagu Madiina gunaas ngam njiytondira, ɓura waawde jokkondirde no haanirta ni”. Faatimata Yahya Joob, o gollii golle ɗe majjata maaytata “Seydi Joob Faatimata Yahya Joob yoo yurmeende Allah won e ma. Nulaaɗo Muhammadu (S.A.W)", wona njaatige ma (Aamiin)". Faatimata Yahya Joob, yoo toon won foortorde ma.

Faatimata Yahya Joob.
A yehii ɗo juulɗo jaasaani. A tawoyii ngenndiyankooɓe hono ma en. Gollunooɓe golle tiiɗɗe. A mahii renndo ma, a yeewti pulaagu, a hirjinii leñol ma. A tinndinii laabi ɓamtaare. Yoo toon won fooftorde ma yaa ko Allah yiɗi Nulaaɗo Muhammadu S.A.W". A huɓɓii fooyre nde ñifata. Madiina gunaas suniima senegaal suniima Moritani suniima. Faatiima Yahya Joob, eskey dunaa! Afrik duwani-mama senegaal e Moritani nduwani-maama. Yoo yurmeende Allah won e ma. (Aamiin).

Kuɗol
Ngenndiyanke Joob.