DAAKA-MG

Ñalnde hoyrebiir 6 seeɗto 2019.

DAAKA-MADIINA GUNAAS

Daaka ko ñalnde hoyrebiir 6 seeɗto hitaande 2019. Daaka timmata ko ñalnde Aaɓnde 14 seeɗto hitaande 2019". Fuɗnaange he hiirnaange, rewo e worgo fof ine ara nootitaade ndee nokkuure diiniyankoore. Ɗo juulɓe ndentanta Alla e Nulaaɗo mum Sallallaahu Aleyhiwa sallama fotde balɗe jeenay ngam rewde Alla, ngam weeɗna-naade ndee moƴƴere immoriinde to GENO, fuɗɗaande he kitaale 1942, tawii fuɗɗi ɗum ko Ceerno Alh Muhammadu Saydu Bah (RTA)”, wondudee seerenɓe makko hilifaaɓe diine, gollanɓe ALLA haa teskanaa", yowitiiɓe e laawol: Seekana Aamadu tijjaani (RTA)", Ɓe ngannduɗaa ine ndewi e sunna Nulaaɗo Alla Sallallaahu Aleyhiwa Sallama. Sibu wiyetee sunna ko laawol; Seekana Aamadu tijjaani Rta, ko kanngol tigi woni sunna Nulaaɗo Alla (SAW)". Yoo Alla yoɓ-mo moƴƴere heeriinde nde nanndo mum woodaani. Nde tawno Seek Aamadu tijjaani Sarif wonko Nulaaɗo Allah rokki mo ko o rokkaani hay gooto te hay gooto o rokkataa". Koode fof wonko Alla waɗani ɗum kono hoodere jaayre dokkal mum ko bannge. Nde tawnoo Alla ine rokki mo dokkal timmu ngal, ngal tijjaaniyanke ine weltoroo ñalnde ñalawma saalitooɓe ɓe caalitta nde. Ko ñalawma mo ngannduɗaa darnde mum ine juuti ine hulɓinii ! Kono mbiɗa sikki tan nguun ñalngu maa denɗiraaɓe am ɓee caalit Njaay-Soh-Sih ekn. Kono Seek tijjaani ko o moƴƴo, sehil makko o Nulaaɗo Alla ko o moƴƴo, (SAW)". Daaka-MG. Ñalnde neɗɗo tuuni o naati he nder weendu ndiyam luggiɗndu o looti haa o laaɓi, o gayni o woni e wuulaade e nder mayru oon ine haani laaɓde.

Alla alaa ɗo o ala kono woto en maayi ɗo o Alla ala! >>>Maa wood ɓe ngol konngol haawi”, Alla kayi alaa ɗo o ala. Kono anndu kadi ine woodi ɗo o ala; Alla kala ɗo o ala ko hattan makko woni ɗoon. Alla ɗo o ala", ko yimɓe wonɓe e nokku tawa ɓe ndewataa alla, ɓe kulaani alla, aɓe ngoni e goofi mawɗi, ngam njaram sanngara simmeeji bonɗi. Cangarte geɗe ɗe mbelaani alla, ɓe ciftortaa alla sahaa nde o yiɗi siftoreede. Ɓe ngannduɗaa ine koɗi he goofi, ɓeen dey mbaɗii ko welaani alla, kono alla so o ñaawi ñaawoore makko ñaawtetaake.

Daaka-Madiina gunaas.
Ine jooɗo janngo ñalnde hoyrebiir 6 seeɗto 2019, e gardagol Ceerno Alh Aamadu tijjaani BAH kaliifa tedduɗo mo Madiina gunaas, wondudee ceerno Abdul-ajiij ceerno, e Ibnu Umar ceerno. E denndaangal ɓesngu ceerno Alh Aali Caam (RTA)", he ɓesngu ceerno Ahmadu Baro, he ceerno Hammee Baaba talla to cilon jeeri nokku diine e cewle ɓulooje gannde nokku nammaaje e eede, gural baqara e naasi”, seydi talla lewru alaa faayoore; on njaaraama waliyaaɓe fuuta.

Ceerno Seek Siraaji diini seek Alh Muhammadu Saydu Bah, kaŋŋe afrik; mo yiyaani mo ine waawi woodde, kono mo nanaani mo woodaani. Kaŋŋe dimo kaŋŋe mo fuunata, kaŋŋe mo homata, kaŋŋe mo hiiɗɗata. Wallaahi nde am woondoore sinndo maccuɗo alla jaɓɗo maccungaagu mum heɓiino anndude Alh Muhammadu Saydu BAH, maa tiinde makko nanndu e lewru ndu jalbude. Sibu ceerno alla ine rokki mo sirru; omo haalat-noo ɗo miijo yottotaako, ɗo yiytere yiyata, ɗo koyngal yaɓɓata, ɗo nofuru nanataa, ɗo junngo yottotaako, ɗo ɗemngal laajotaako!. Kaawis alla, mo dokkal mum alaa keerol, dokko mo yeeƴotaako.

Ceerno Alh Muhammadu Saydu Bah, mi wiyaani ko o Nulaaɗo alla. Kono ko o nulal Nulaaɗo allah mi anndaa so en paami?. Banndiraaɓe ngoppee mi haaɗna ɗo so wonaa ɗuum yimɓe ɓe mbiyat mi haangaama!

Kuɗo Ngenndiyanke Joob
Mo Rabat Madiina gunaas.
(Poissy).