Yimre Ceerno Ibnu Baayel Bah.

Ñalnde Mawnde 22 mbooy hitaande 2019.

Aduna wonaa paso. Kono ñalngu yajjittaake sibu golle makko pamɗaano.

CEERNO IBNU-BAAYEL BAH. (MG).

Ndee yimre lobbere waɗanaa ko ceerno men ɓiyi ceerno men Ceerno Ibnu-baayel mo ceerno Alh Aamadu Tijjaani Bah (MG). Ngol nattugol ceerno Ibnu-baayel Bah waɗii ko ñalnde go'o (21) duujal hitaande 2016 caggal nde DAAKA nde luulnde Alliyankoore waɗoore he kala hitaande, tawii fuɗɗi ɗum ko Ceerno Mawɗo; Ceerno seek Siraaji diini lollirɗo Alh Muhammadu Saydu Bah "MADIINA GUNAAS". Ceerno Ibnu-baayel sifaama e makko sifaaɗi, ngam diiyankaagal makko, e wonde mo neɗɗo moƴƴo newiiɗo keewɗo njurum”, ina teskaa e makko waawde calminaali, so on ndokkondirii juuɗe omo ɓooya tamde junngo ma, omo laaɓndo holi aan so tawii o anndaa ma?. Ina anndaa he nguurndam makko o ɓurnoo wonde ko ngenndi Gaboo (Gabon), ko toon Ceerno Aamadu Tijjaani Bah waɗnoo mo e dow yamiroore mum, ngam wallondirte he dental gonngal toon ngal. Ñalnde o wirnii gite yimɓe o ɗaldi en yeeweende e kala saha eɗen ciftoro golle makko ɗe o waɗannoo leñol makko.

Ceerno Ibnu-baayel Bah wirnii ko ñalnde:
21 lewru duujal hitaande 2016 to Ndakaaru.

Yimre nde : Sunaare, Madiina Gunaas.

Njaatigeeɓe mbismii golle moƴƴe qismi.
Allah hulaa hamdinaa gooto moƴƴo yettaa.
Ñalnde 21 lewru duujal hitaande 2016 ndee ñalaande nde yejjittaake.
Joomiraaɗo waɗii gite ceedi nanɗe nani ɓernde gooŋɗini.
Allah hulaa Nulaaɗo yettaa golle mbaɗii bayloowo woodaani ñalngu waɗii ñalaaɗe njejjittaake.
Aduna, Aduna waawi ñaamde ko teewu ɓuucoo mbuha kono aduna waawa ñaamde golle e balle.
Salndu yehii afrik sunii Gaboo tuɗɗii bojji puɗɗii.
Aduna, yeeweende waɗii Ceerno Ibnu-baayel yehii ñalngu waɗii ñalaaɗe njejjittaake.
Ñalnde 21 lewru duujal hitaande 2016 hay huunde alaa ko fuuja golle mojje fof cuuɗta.
Taare Allah. Taare Allah o ceernaajo moƴƴo, kala golle makko mbinnden taarikaaji makko njanngen kala ɓesnguuji men kollen.

Kuɗol Ngenndiyanke Joob Rabat MG.
Ñalnde 1 lewru duujal hitaande 2016.
Yimre nde winndaa.