Daaka Madiina gunaas

Madiina gunaas, Daaka 2019

Luulnde Alliyankoore nde yonti

Ñalnde Aaɓnde 18 mbooy hitaande 2019.

Daaka ine jooɗo ñalnde 6 lewru Seeɗto hitaande 2019 he gardagol ceerno Alh Aamadu tijjaani Bah kaliifa tedduɗo mo Sahre diina, sahre waliyaaɓe. Madiina gunaas siñcaango e hitaande 1936 tawii siñcingo ko ceerno mawɗo ceerno seek Siraaji diini seek Alh Muhammadu Saydu Bah Maadiina Gunaas.

Caggal ngoo siñco tiiɗngo sinciraango diine ALLAH e Nulaaɗo mum sallallaahu Aleyhiwa Sallama. Sahaa Daaka so yontii ceŋɗe nayi ɗee fof ine ngara ngam ɗaɓɓude Allah e Nulaaɗo mum (SAW), e taasaade e ndee moƴƴere luulnde Alliyankoore laaɓtunde. Afrik, orop, aasi, osoyaani, fof ine renta e ndee nokkuure soomnde kisal e daɗal. 

Ceerno Aamadu tijjaani Bah jooɗo huccita e dental ngal, dental ngal jooɗo huccita e makko, gooto fof ine fooɗanoo ngam ɓallaade mo no moƴƴi ngam nande ɗii konnguɗi ceniiɗi gimmiiɗi to Allah e Nulaaɗo makko (S.A.W)”, tawii oon sahaa denndaangal kaalirɗe e ayaawuuji fof ina ndenti ngam jaɓɓaade Ceerno e belɗi mum. Tawii ngaan saanga taaniraaɓe Nulaaɗo Allah Sallallaahu Aleyhiwa Sallama ina njooɗi e ndee luulnde Alliyankoore, ina kuufimo ngam roɓindaade ɗii konnguɗi Ceerno laaɓtuɗi laaɓani renndo mum. Ceerno Aamadu tijjaani Bah udditira konnguɗi mum labaaɗi so tawii ko wiyde : Assalaamu'Aleykum warahmatullaahi wa barkaatuhu, dental ngal jaabto : Waleykum salaam warahmatullaahi ta'alaah wabarkaatuhu. 

Daaka o fof jappa noppi ngam hettaade ceerno, fof deeƴa heɗo keɗogol ngam faamde ko o haalata koo” ngaan saanga mañoto o ɓallinee lefol ceerno mawɗo fawee. Tesko so en mbiyi ceerno mawɗo njoofiɗen ko ciñcuɗo ngoo wuro teddungo, e hitaande 1936 tawii ine wondi e seeremɓe mum mawɓe hoolaaɓe”, Ceerno Alhajji Muhammadu Saydu Bah (RTA), yoo yurmeende GENO won e makko "Aamii" = Ceerno Alh Aamadu tijjaani Bah o huccita e dental ngal. Tawa omo huccondiri e dental ngal, oon sahaa won hesɓe, won kadi hiiɗɗuɓe, won kadi hesɓe hiiɗɗuɓe. Ɓee fof ngari ko ranwitde ngam laɓɓitinde koye mum'en haa mbaawa wuurde e diine o tawa ko e coɗi laaɓɗi.

DAAKA KO LUULNDE ALLIYAŊKOORE

Ceerno Aamadu tijjaani Bah huccondira e dental ngal : won heen ngoppinee dabo, won heen ngoppinee simmeeji bonɗi haa e simmeeji kakindiiɗi fof dee ko ko hustata aadee e diine mum. Woɗa heen sahaaji o naata e maayo Nulaaɗo Allah Sallallaahu Aleyhiwa Sallama  o awtoo kaɗaaɗi o awtoo kisnaaɗi jamiraaɗi; O addana renndo ngo. O waɗa sahaaji o naata e hadiseeje o seernda buha e ƴiye, walla teewu e nguru, o hutta haa laaɓa. Sahaa o naata e maayo Ceerno men Seykanaa Aamadu tijjaani Sarif (RTA), O haalana en ɓure laawol ngol o awtoo Sarɗiyeeji maggol, ɓure e nafoore maggol gooto kala heɓa fodde mum e maggol to mum. Ko nii woni DAAKA balɗe jeenay gooto kala e ko waawi hattani ujunnaaje sappo salaatul faatihi ina nelda baraaji ɗi Hadiiya Nulaaɗo Allah (SAW). Ɓee ɓe Aayatal kursiiyu ɓee salaatul Ibraahiima, gooto kala ko waawi waala gollude ɗum haa weeta ngam baraaji ɗi neldee Hadiiya Nulaaɗo Muhammadu mo jam e kise ngoni e mum o. 

Balɗe jeenay.

So balɗe jeenay ɗe timmii ceerno duwoo yimɓe ɓe ngoppitee. Gooto kala hootira ɗo immorino, hoota e jam yottoo e jam. 

Ñalnde hannde ndee ko: 18 lewru mbooy hitaande 2019. Daaka ko ñalnde hoyre-biir 6 seeɗto hitaande 2019 to Maadiina Gunaas". "(MADIINA GUNAAS)" = wuro diine wuro sunna. To pulaar rokkaa hakke mum haa timmi. 19 leegal, leegal fof e jamaa mum'en. Sappo e ko fawi gure taariiɗe MG wuro fof o waɗi ɗoon Almuudo makko ngam wallondira e juulɓe ɓee, to diine mum'en e to senngo jaŋde Alquraanil-kariim nde. Ceerno Alh Aamadu tijjaani Bah seeraani e yillaade ɗeen gure e kala sahaa ngam o yuurno kala heen wuro ɗo diine maɓɓe tolnii teeŋti he jaŋde Alquraana nde. Ceerno seeraani e hirjinde jannginooɓe ɓe yoo njanngin jaŋde moƴƴere ko ɗuum woaɗi MG e kala hitaande ko ine tolnoo he 30 Almuudo ekn, ko reenata Quraana. Caggal nde ceerno Aamadu Ammaar Bah darii heen darnde tiiɗnde e wallude ɓesngu wuro ngoo janngiri.

Kuɗol Ngenndiyanke Joob

Mo Rabat e diiwaan Madiina gunaas, hakkunde mum e Madiina gunaas ko cooynanɗe 7-8 = wuro ceerno mawɗo siñci e hitaande 1960 ina hawri e dañgol jeytaare ngenndi senegaal. Siraaji Joob lollirɗo Ngenndiyanke Joob = Rabat. (Fr poissy 78).

Pulaar fulfulde.