Daaka-Madiina-Gunaas 2019

Ñalnde aaɓnde 4 lewru mbooy hitaande 2019.

(Daaka Madiina Gunaas.)

Madiina gunaas, wuro diine wuro sunna tabital pulaagu, laamorgo tijjaaniya; gural boyli weli ndiyam moƴƴi ŋari ƴoogooɓe", Njiɗaa ngaraa njiyaa njiɗa laabi ndenndi ceeri, ngola fayi daaka, ngola fayi Daarul-hijiratu, ngola fayi galle ceerno seek siraaji diini seek Alh Muhammadu Saydu Bah. Madiina malaango.

Madiina Gunaas.
Ngo wuro teddungo siñcaango e hitaande (1936). Luulnde alliyankoore nde yontii ñalnde hoyre-biire 6 lewru Seeɗto hitaande 2019, e gardagol Ceeeno men kaliifa men ceerno Alh Aamadu tijjaani Bah, kaliifa tedduɗo mo Madiina gunaas", He miñiraaɓe makko tedduɓe ɓe : Ceerno Alh Abdul-Ajiij Bah, e Ceerno Ibnu Umar Bah, gaynaako aynaaɓe, goornoowo ena yeñi jofnoowo ena yeñcini. Koolaaɗo ceerno Aamadu Tijjaani Bah.

Kisnugol Daaka o.
Ceerno men ena heewi reentinde renndo ngo, jeyngol ngol, yimɓe ɓee, teeŋti he yimɓe baɗboniyankooɓe" immotooɓe he duunde baaba Aadama nde, ɓe fuɗnaande e hiirnaange, sahaal he ɓaleeri. Teskoɗen so en mbiyi baɗboniyankooɓe ko wonande simmotooɓe ɓe, (Jaawinooɓe). Gooto fof reento e geɗe kaɗaaɗe ɗe, (He sahaa jonɗo fof ceerno men Aamadu Tijjaani Bah ena heewi reentinde ɗum renndo ngo. (Banndiraaɓe mbaɗtee hakkillaaji mon e jayngol ngol).

Njettoor keeriiɗo fayde e CATB.
Kaliifa tedduɗo mo Madiina gunaas, yoo jam e kisal ngon e makko, yaa barke Muhammadu (SAW). En njettii ceerno men Seekana Aamadu tijjaani sarif, gonan'ɗo en faawru ɓural he ɓamtaare yoo Allah yoɓ-mo moƴƴere heeriindi nde o haandino mo to makko (Aamiin). Ɓaawo ɗuum ko yettude ceerno men Seek siraaji diini mo ngannduɗaa ena looti ɓerɗe men lootngal laaɓngal cer, ena wayno hay gooto wondaani he tuundi; ɓeya ko lootaaɓe coccaa haa laaɓi cer. Ɓeya ko lootaaɓe lootiraa ko jabe salaatul-faatihi. Ɓeya ko woppinaaɓe ko ñaamatno, ɓeya ko ñamminaaɓe ko ñaamataano, ɓeya ko aadninaaɓe ko ngadoranooki. Won heen ko wukkitinaaɓe gaaluuɗe aada, e wukkitinaaɓe gaaluuɗe aada, he woppinaaɓe simme; ɓeya ko yarnaaɓe gooɓe ndiyam Kawsara ɓalli lootiraa ndiyam kawsara. Ɓe ko woppinaaɓe dabo ndeftinaa he laawol Siraaɗal-mustaqiim. Njeñcinanaa laabi ɓural he ɓamtaare, yoo Allah yoɓ Ceerno men Siraaji diini moƴƴere heeriinde.

Siraaji ko darorgal diini.
O siñci gure makko diiniyankooje o waɗi heen almuudo mo o yonaa, o huɓɓana ɗum duɗal Alquraana, wallondira e ngoon wuro to senngo diine maɓɓe. Heen wuro kala o waɗa ɗoon juulirde ngam ɗo juulɓe ena ndewa Allah; ena mbaɗa ɗoon subaka e kikiiɗe laajiim e wajiifa e wirdu Aljumaa, eskey seydi Bah, ceerno siraaji diini. Ceerno mawɗo siñcii wuro mum teddungo ngo, ko e hitaande 1936, o siñcii gure keewɗe he taariindi Madiina Gunaas ko ena tolnoo he gure (20) pawɗe. Ceerno mawɗo siñcii wuro makko teddungo ngo, wonngo he diiwaan Madiina gunaas Rabat he hitaande (1960), ko ɗoon tigi siraaji Joob, lollirɗo Ngenndiyanke Joob yiy aduna he hitaande (1984)", Geno yettaama saɗne he baɗlal makko keeringal; en njettii Ceerno men Alh Muhammadu Saydu Bah yoo weluya Allah won e makko. O yehii o ɗacciri en kaliifa makko o, hono ceerno men giɗo men tedduɗo o, Ceerno Alh Aamadu Tijjaani Bah. Wondudee wallidiiɓe makko Ceerno Muhammadu siraaji Aan, ceerno Abdul-Ajiij Kan, he ceerno Hammee Kebe, ceerno Aamadu njaay (Kayran)", Ceerno Jalaali-diini Bah, wondudee yoga he hoohooɓe diine lislaam ekn.

Kuɗol Ngenndiyanke Joob
Mo rabat, Madiina Gunaas.