NGENNDIYANKAAGAL

Ñalnde naasaande 2 Jolal
hitaande 2018

Ndee winndannde abbitii ko e helmere ngenndiyanke, nde tawno won yoga e banndiraaɓe ina keewi en laaɓndaade konngol ngol firo mum?

NGENNDI.

Konngol ngenndiyanke; ngenndi ko leydi (lesdi), ngenndi ko leydi ndi njeyɗa walla njeyeɗa, ngenndi ina waawi wonde innde lomto leydi; Yeru : senegaal ko ngenndi Moritani ko ngenndi Gammbi Gine ekn. Waɗde ngenndi ina waawi wonde lomto innde wuro walla leydi”. Yanke ko ɓeydol jooforde aade Yeru : haaliyanke, yimiyanke, jaayndiyanke, mogiyanke", yanke ko ɓeydol. Yanke o woni neɗɗo jannguɗo ɗemngal mum e finaa tawaa mum. Gannduɗo ko jeyi eko o jeyaa eko o renndaa “koo jeyi ko o jagga haa tiiɗa, ko jeyaa ko o woppa, ko renndaa ko o nuunɗa heen.

ƁEYDOL YANKE.

No mbiyɗen ni yanke ko ɓeydol ngam timminde helmere ngenndiyanke. Paamen ngenndiyankaagal ko huunde tiiɗnde wonde sibu neɗɗo waawa wonde ngenndiyanke tawa o anndaa finaa tawaa makko ”, Ngenndiyanke wonataa haaside leñol mum. Njogoɗaa nuunɗal e ganndal ala-e-sago njogoɗaa pellital ngam haɓtanaade leñol ma kala ko ina faloo ngol e moƴƴe.

JAŊDE GANNDAL.

So neɗɗo wonii ngenndiyanke o wonat coftuɗo kirjinoowo, jannginoowo jurmotooɗo, ngonaa keewɗo muñal. Ala-e-sago paamen ngenndiyankaagal wonaa tan yimiyankaagal, won ɓe ngonaa yimiyankooɓe,  kono ko ɓe ngenndiyankooɓe”. Sibu heewi nawdu ɓe jaayndiyankaagal e ngenndiyankaagal”. Jaayndiyanke ko kabroowo joljole e nder renndo walla ko kewi e nder leydi haa e caggal leydi, oon huufi tan ko haalirde mum walla Ayaawo mum ina habra kew-kewe. Ina waɗi mogiyankooɓe ko waɗooɓe njalniika renndo ina jala ekn. Ngenndiyanke ko bayɗo no Ibraahiima Umar Kan katante leñol. Njaay saydu Aamadu. Gelongal Bah.  Mammadu Alassan Bah ekn.  Mawɗo  Hammee Aamadu lih gorko mo Mbooyo omo siforee jaayndiyanke eko wayno Abuu njaay gorko mo madiina gunaas. Mawɗo Hammee Aamadu Lih e wittooji makko baɗɗi faayiida e deftere makko ƊALEE MAWƁE NDEENA” deftere heewnde ganndal e pinal e jimɗi pulaar, e naalankaagal ” ko deftere nde ngannduɗaa ganndal mum ina yaaji. En njettiimo njettoor keeriiɗo 

NGENNDIYANKE.

Ngenndiyanke maa wona cuusɗo caasɗo,  tawa omo nawdi heen pinal e ganndal; ngenndiyanke wonataa haaside leñol mum, heewi wiyeteeɓe ko ngenndiyankooɓe tawa ko keddiyankooɓe walla nih mbiyen tonngiyankooɓe, tawa ɓe kaɓantoo ko wutte e wuttulo, harannde e haatannde. Ngenndiyankaagal noddi ko hakkilantaagal ala-e-sago renndo ngo faama ɗo.

Kuɗol musiɗɗo mon        Ñiiɓirde men
Ngenndiyanke Joob         Salvadorallende
Jeyaaɗo cuuɗi men          78@hotmail.
Rabat e diiwaan mo           com.
Madiina gunaas.                 Ekko ɗo...?